عايز حد يساعدنى فى موضوع التكييف

**SYD** · 30-05-2013 03:47 PM

المشاركة الأصلية كتبت بواسطة ibiza50

شوف اللينك ده يمكن يساعد
http://www.nilemotors.net/Nile/77305-98.html

وممكن ده كمان
http://www.nilemotors.net/Nile/93936-a.html

اهلا بحضرتك من جديد في قسم سيات

بالنسبة لسؤال M.nagy
الأحسن تبيع وتركب عربية مكيفة فبريكة
مش عشان حاجة - بس صعب تلاقي حد يركب صح
اما هيفتح فتحات مش دقيقة او الكباس مختلف عن بتاع الفبريكة او الثلاجة مش متوافقة او او او
وياتري انت عايز جديد ولا استيراد
انصحك تشوف مركز بتاع تكييفات فقط - مركز متخصص
وهو هيعملهالك من الألف إلي الياء

تحياتي

**mahmoudayman** · 31-05-2013 12:35 AM

المشاركة الأصلية كتبت بواسطة m.nagy

صعب انى ابيع انا لسه شارى من يومين و انا فعلا بدور على مركز متخصص يعمل كل حاجة , يا ريت لو تعرف مركز زى كده تقولى , شكرا على مجهودك معايا

انا ممكن اساعدك بس لو هتنزل الاسكندريه في واحد بجد ١٠\١٠ مبيشتغلش غير في التكيفات و تركيبها و بس انا كنت سالته لو هيركبهولي هيتكلف كام قالي ٣٧٠٠ و ضمان سنه و كمان قالي انه جديد مش استعمال معرفش ازاي المهم لو حضرتك هتشرفنا هنا قريب انا ممكن اوصفلك مكانه انا كمان عندي نفس المشكله بتاعه التكييف و بفكر كتير اني ابيع و اشتري اي حاجه تانيه بس فعلن انا طول عمري بحلم بيها و صعب اني ابيعها الحل التاني زي ما الاعضاء قالو تجيب موتور بالتكييف كامل و الحل ده انا بفكر فيه كتير

**hossamalsadik** · 31-05-2013 04:59 AM

بعتلك رساله على الخاص يمكن تفيدك

تحياتى

**M.nagy** · 31-05-2013 04:52 PM

المشاركة الأصلية كتبت بواسطة mahmoudayman

انا ممكن اساعدك بس لو هتنزل الاسكندريه في واحد بجد ١٠\١٠ مبيشتغلش غير في التكيفات و تركيبها و بس انا كنت سالته لو هيركبهولي هيتكلف كام قالي ٣٧٠٠ و ضمان سنه و كمان قالي انه جديد مش استعمال معرفش ازاي المهم لو حضرتك هتشرفنا هنا قريب انا ممكن اوصفلك مكانه انا كمان عندي نفس المشكله بتاعه التكييف و بفكر كتير اني ابيع و اشتري اي حاجه تانيه بس فعلن انا طول عمري بحلم بيها و صعب اني ابيعها الحل التاني زي ما الاعضاء قالو تجيب موتور بالتكييف كامل و الحل ده انا بفكر فيه كتير

الف شكر يا باشا بس هو فى القاهرة عامل 3000 و كويس بس انا بدور على ارخص من كده , لو فى اى سعر جديد ظهر قدامك ابقى راسلنى

**SYD** · 31-05-2013 07:59 PM

المشاركة الأصلية كتبت بواسطة ibiza50

اصدقائى
احب اشكركم جميعا على الترحيب اللى مش غريب عليكم وخالص تحياتى
بالنسبة لصاحب الموضوع
مفيش مشكلة كبيره فى تركيب تكييف للابيزا 98
انا اشتريت الابيزا بتعتى على الزيرو سنه 98 و هى من غير تكييف و بعد سنة ركبت تكييف هو كان شبة اصلى (ديافيا) كنت مركبه بـ 5000 جم وفى الوقت ده ماكنش عندى اى خبره وما كنتش عارف ايه الصح
وبعد حوالى 9 سنوات الكباس باظ
فقررت اصلح مع عمل تعديل بالمرة
التعديلات كانت كالاتى
كباس استيراد اصلى يتناسب مع الموتور ال1000
ريداتير كبير اصلى
سربانتينة كبيره اصلية
مروحتين
وتم عمل تعديل فى صدر العربية ليستوعب المجموعة الجديده والتعديل كان بسيط جدا وهو تعديل مكان قاعدة الريداتير و تم توصيل كل الاجزاء على باقى المكونات اللى فى العربيه دون تعديلات
وبعدها حسيت بالفرق الكبير فى سحب العربية اللى اتحسن مع تشغيل التكييف و درجه التبريد اللى قربت او اصبحت زى العربيات اليابانى و التعديل ده عملتة سنة 2008او 2009 تقريبا و حتى الان و الحمد لله شغال حتى بدون شحن او اى صيانه
اما عن راى ليك

فتكيف كامل استيراد افضل الحلول بشرط جودة الاجزاء و المكونات اللى انت هتشتريها من ناحية و المتخصص اللى هيركبلك الحاجت دى من ناحية تانية
و اخيرا ربنا معاك و بالتوفيق
تحياتى لجميع الاصدقاء
و اخيرا
اتمنى اشوفكم جميعا فى اقرب مقابلة

محمد مصطفى

احنا متشرفين جداً بمشاركة حضرتك من جديد في القسم - وانا متابع لكل مشاركات حضرتك القديمة واللي استفدت منها كتير جداً

ونكون سعداء جداً لو حضرتك هتشرفنا بالحضور في المقابلة الجمعة القادمة
ودة لينك الموضوع http://www.nilemotors.net/Nile/356424-2013.html

في انتظار حضرتك

Rgds

**SYD** · 31-05-2013 08:02 PM

المشاركة الأصلية كتبت بواسطة m.nagy

صعب انى ابيع انا لسه شارى من يومين و انا فعلا بدور على مركز متخصص يعمل كل حاجة , يا ريت لو تعرف مركز زى كده تقولى , شكرا على مجهودك معايا

اعرف مركز في جسر السويس عند سوق القنال
بس مش عارف التكلفة هتبقي كام

هحاول اجيبلك العنوان بالتفصيل او رقم التليفون وتكلمهم وتعرف العنوان والتكلفة

تحياتي