الموضوع: السيفيك 2013 بيز لاين سعرها وصل 198 الف

المشاركة الأصلية كتبت بواسطة SAMEH_FOUAD

طبعا المواتير بتاعة الالمانى قوية بس اللى هية فوق ال2000 سى سى
طيب مافيه 1600CC بواحد كامه 101 حصان و2 كامه اعلى بنزين مش كتير اوى وقوه محترمه
, ودة مش عيب فى المحرك دة عيب فى التوكيل اللى عشان ينزل عربية السوق المصرى بينزلها بمحرك سعة لترية اقل وطبعا على نفس الوزن فبيبان اوجة القصور تقصد 1000CC ده محرك أقتصادى جدا فى البنزين ولى عاوز أعلى فى الجرى والعزم واقتصادى فى البنزين فى 1400CC ب 2كامه 75 حصان , لكن لو جيبت محركات فوق ال2000 سى سى طبعا لا وجهة للمقارنة الالمانى متفوق على كل المحركات وبجدارة ده فى 2800CC كمان

- حضرتك بتتكلم عن سيارتك , لكن انا بتكلم عن الالمانى بوجة عام فى استهلاك البنزين والاغلبية كلة اعلى فى استهلاك البنزين من اليابانى والكورى ممكن بردو بس بسيط مش أوى يعنى ده الماتور 1800CC كربراتير حوت بنزين وسألنى

- انا ماقولتش التكييف بيبوظ , انا قولت قوة تبريدة لاتضاهى قوة تكييف اليابانى او الكورى

- تمام وفعلا السيارات الالمانية قطع غيارها معمرة , بس ماتنساش ان اللى بيتفوق عليها فى النقطة دية اليابان
منا حضرتك بتكلم على الأعتمادية ( معمر ) وكمان قوة التبريد تلاااااجه, ممكن حضرتك تراجع تقييم j.d power هتلاقى اقل الاعطال بالترتيب كدة lexus - honda يعنى اليابان متصدرين النقطة دية مسمعتش عنه بس هشوف كده

- ماشى معاك طبعا ان الاهتمام بالصيانات شىء مهم , بس اليابانى شكوى الحرارة منة تكاد تكون صفر وبردو الالمانى الحراره عاديه واى عربيه دورة التبريد فيها خلل العربيه هتولع المانى يابانى كورى أى حاجه

- انا ماقلوتش انة مش بيستحمل , ياباشا ده مش بيستحمل ده قوى جداااااااااااااا ياكبير

شوف الالمانى ممتاز , الصراحة واشهد ليهم فى النقطة دية , العربية مهما تمشى ومهما تعد فى الكيلوهات تحس انها محتفظة بنفسها ودة عشان الاتقان فى الخامات والتقفيل ( العالم دة مش بتهزر ياباشا ) الالمان وبقولها تانى رقم واحد على العالم فى السيارات
ظهر الحق أحمدك يااارب ههههههه

المشكله فى تجار قطع الغيار الجديد عارفين ان الالمانى معمر فبيغلوه بس احنا بقضينها إستيراد وأرخص بكتيييير واصلى كمان

حابيبى رجالة الهوندا والله