الموضوع: السيفيك 2013 بيز لاين سعرها وصل 198 الف

المشاركة الأصلية كتبت بواسطة Falcon.Crest

حضرتك متأكد من الكلام ده اصل انا معي عربيه اوروبي مش بعاني خالص من كده الحمد لله

شوف ياباشا لو اتكلمنا بشىء من التفصيل عن كل نقطة انا قولتها

1- ماتور ضعيف : ودة بسبب وزن السيارة الاكبر من قوة المحرك , لان طبعا السيارات دية نازلة مخصوص للاسواق بتاعتنا عشان يقللوا تكلفة السيارة وكمان الضريبة

2- استهلاك عالى من البنزين : طبيعى ياباشا وزن العربية تقيل + محتاج منك ضغط اكتر يعنى تنقل على rpm اعلى عشان تقدر تحس بال torque بتاع المحرك وتجرى زى مانت عايز + ان كل محركات الاوروبى لازم بنزين 95 عشان تاخد منها افضل اداء

3 - تكييف ضعيف مقارنة باليابانى والكورى والصينى , يعنى اركب كدة اى عربية يابانى او كورى وفرق قوة التكييف شوفة قد اية

4- صيانة غالية : طبعا لما فتيس ال dsg يبقى تمنة 50 الف جنية ويبوظ بعد 30 الف كيلو وناس بعد 10000 الاف كيلو , يبقى اية , لما تجيب كوبلن العربية للجنب الواحد ب3000 جنية يبقى اية
طبعا فية حاجات سعرها زى الاسعار العادية بس فية حاجات اسعارها ناااااااار

5- سخونية المحرك : شوف انا مش هقولك كمية السيارات اللى بشوفها المانى على الطريق فاتحة الكابوت فى وسط الشارع بسبب السخونية وخصوصا وانت مشغل التكييف , ودية حصلت قدامى كتييييييييييييييييييييييي ييييييييير وسيارات والله موديل 2011-2012
وكل الناس عارفة كدة مش انا بس

- حضرتك ماقبلكش مشكلة من دول الحمد لله وربنا يباركلك فى عربيتك وماتشوفتش اى مشكلة من اى نوع

بس كل دة لا يعيب تماما الالمانى , ياباشا دول رقم 1 فى صناعة السيارات دة كفاية قوى

بس اى عربية لازم يبقى فيها مشاكل لانها كمان خصوصا مش مناسبة للاجواء ذات الحرارة المرتفعة

المشاركة الأصلية كتبت بواسطة sameh_fouad

ماشى معاك الالمانى محترم وكل حاجة

بس مواتير ضعيفة و استهلاك عالى من البنزين , تكييف ضعيف , صيانة غالية , مشاكل فى سخونية المحرك لانة غير مصمم للاجواء اللى فيها درجة الحرارة بتوصل لاكتر من 35 درجة

مع كامل أحترامى معلوماتك خاطئه
المواتير درجات وفى منها جبار
البنزين ياسيدى يدوبك بتشمه وعن تجربه
التكييف معمر وزيه زى اليابانى عن تجربه ( الفبريكه )
الصيانه تمنها فيها وكل فوله وليها كيال ونا معايا الأبيزا مثلا صيانه وقطع غيار مش غاليه واسال أصحبها
درجة حرارة الماتور ونتى سيد العارفيين نهتم بالصيانات وتبقى فى الطبيعى أمال أنا راكب المانى أزاى - الماتور بيستحمل أى ظروف جويه لانه قوى ودورة التبريد ممتازه

انتا ركبت اليابانى وركبت الألمانى وكل واحد فيهم له ركوبه
بس التنين مشيين فى مصر وتمام
تحياتى