الموضوع: محدش استلم الاليزيه ?!

المشاركة الأصلية كتبت بواسطة الجنرال

باشا

لا انا شبه محدد الاليزيه ان شاء الله .. الحمد لله العربيتين ممتازين فى كل حاجة .. فالشكل بالنسبالي عامل مهم برضه .. وبالتالي هتوكل على الله فى الاليزيه

انا بس شفتك كاتب فى موضوع تانى فى منتدى بيجو انك هتستلم خلال ايام

انت حجزت امتى؟؟ والتوكيل قالك امتى؟؟ وهل ايام دي كلام اكيد ولا انت متوقع ان التسليم يبقى خلال ايام؟؟

يارب نستلم كلنا على خير ان شاء الله

انا حاجز بقالي شهر او اكتر حاجة بسيطة .. وعلى حسب كلام معرض العجوزة هيسلموني ان شاء الله الاسبوع ده

دعواتكم

يا جدعان انا حجزت وقالو هستلم فى اخر اسبوع فى شهر 6 خايف ياخروها اكتر من كده

انا برضوا قالولى اخر اسبوع فى شهر يونيو و لسه مكلمهم امبارح

هو الاكيد ان شاء الله انه الشهر ده لعدة اسباب:
1- تأكيد التوكيل على ان التسليم هيبقى فى النصف التاني من يونيو
2- في معرض قالي ان عنده اللون الاسود فقط و بزيادة 5 الالف جنيه .. وقالي لو عايز تاخدها بسعر التوكيل الرسمي فده هيبقى بعد 20 يوم
3- في حد هنا فى المنتدى كان ذكر برضه انه راح لمعرض علشان يجيب منه البيجو فقاله ان دفعة البيجو هتيجي مصر يوم 15 يونيو على ما افتكر .. وان السيتروين اختها هتيجي مصر على يوم 11 يونيو

فان شاء الله هتبقى فى شهر يونيو باذن الله .. يا رب قدر لنا الخير حيث كان

يا جماعه الموقع مش جايب سيره ال epd و اتصلت بمركز الخدمه قالي مافيهاش غير ِabs حد عنده الخبر اليقين

رابط المشاركة
انا استلمت العربية من أسبوع تقريبا و عملت بالعربية حوالي ٦٠٠ كيلو الملحوظة الوحيدة علي العربية أن التكيف بتاعها في مشكلة بيحمل أوي علي العربية خصوصا في الزحمة الطويلة لدرجة أن العربية مش بتستجيب للبنزين و مش بتتحرك عالطول و العيب ده موجود في عربيات اتنين من زمايلي في الشغل استلموا العربية معاية
انا لسه معملتش صيانة الألف و بقول لنفسي أن ده بسبب التلين
لكن هو فعلا حاجة غير طبيعية أن التكيف في الجو الحر و الزحمة بيفصل و يشتغل مروحة فقط لحد ما العربية تتحرك تاني و تأخذ سرعة معينة فيرجع يسقع تاني
غير كده العربية ممتازة و ثابتة علي الارض

المشاركة الأصلية كتبت بواسطة Mohatfhd

يا جماعه الموقع مش جايب سيره ال epd و اتصلت بمركز الخدمه قالي مافيهاش غير ِabs حد عنده الخبر اليقين

متابع