سؤال عن الزرجينة

**elpasha009** · 22-08-2008 11:31 PM

من كام فترة وأنا حاسس بحدفة يمين في العربية.المهم النهاردة رحت لمركز بريدجيستون اللي في عباس العقاد وظبط الزوايا المهم بعد ما الراجل خلص لاحظت إن الفردة الشمال اللي قدام مش مظبوطة على الجهاز فسألت الراجل إنت إزاي خلصت ولسه الفردة ديه مش مظبوطة؟؟؟؟
قالي أصل الفردة ديه تقريبا واخدة خبطة جامدة أو مطب فهي مرحلة واحد سنتيمتر ومحتاجة زرجينه وتترحل يمين 1 سم.قولتله معنى كده إن العربية مش مظبوطة لسه قالي لأ أنا ظبط الفردتين مع بعض وهيبقى فيها سنه صغيرة جدا يمين.
المهم سألته أعملها فين قالي مش مهم أصلا تعملها لأنها مش خطر.قلتله يعني مش هتأثر على العفشة؟؟؟قالي ولا أي حاجة خالص.
فهل الكلام ده صح فعلا ولا لازم أعملها؟؟؟؟؟؟
ولو لازم أعملها مممكن حد يقولي على سمكري كويس في منطقة مصر الجديدة أو مدينة نصر؟؟؟
وشكرا

**WalidAdel** · 23-08-2008 12:13 AM

شوف ياباشا هيا عادي مش حتفرق اوي في العربيه حتلاقي بس حدفه بسيطه زي ما الراجل قال عايز تظبطها يعني في واحد بتاع زوايا عند محطة مترو الانفاق عند كوبري القبه مش فاكر اسمه بس هوه محلين كده جنب بعض ناس محترمين اوي و كويسين حتروح تقولهم الفردة دي ماخره سنتي و حيعملها ان شاء الله
ممكن يكسل يعملها اصل السنتي ده مش مهم اوي يعني و مش حيفرق غير في الحدفه دي بس قول يعملها هيا تقريباً حتتكلف 20 جنيه مش فاكر الرقم دا صح ولا لأ ممكن اكثر من كده او اقل مش فاكر الصراحه

**elpasha009** · 23-08-2008 01:00 PM

أستاذ walidadel ألف شكر لحضرتك.فعلا أنا فاكر الناس دول ورحتلهم مرة زمان بس بما إن السنتمتر مش مؤثر زي ماحضرتك قولت يبقى مش مشكله.
أستاذ momo44 شكرا لحضرتك.