جولف 4 مسقطلها موتور 1800 اتوماتيك والعربية بتسخن جامد

**gladiatorf22** · 30-05-2013 01:00 PM

انا قمت مؤخراً بتسقيط موتور 1800 20v اتوماتيك مع تركيب شكمان 1800 مع تغير الكبالن كاملين... لاكن الموتور حرارته بتبقى عاليه جداً لدرجة انها بتوصل للرفارف والعربيه كلها بتسخن من جوه بحس بسخونيه جوه العربية تقريبا من الموتور وحرارة الشكمان ..ولما بشغل التكيف مش بيدى بكفأه عاليه عشان الحراره العاليه دى .. وعلى فكره امبير الحراره مظبوط ومفيهوش مشكله .. ياريت حد يفدنى ممكن تكون ايه المكشله ولكم جزيل الشكر.

**SYD** · 30-05-2013 02:12 PM

في البداية أحب أرحب بيك في قسم فولكس نايل موتورز

مشكلتك غالباً تكمن في العزل
انت عندك راكب العازل الحراري الفبريكة بتاع العربية ؟ ولا متقطع ؟؟

في كلا الحالتين - روح لسروجي خليه يبص عليه
وبردو بص علي الفتحات اللي بتبقي في الحوض - حاول تقفلها بمادة عازلة بردو

تحياتي واهلا بيك مرة تانية

**gladiatorf22** · 30-05-2013 04:38 PM

السلام عليكم .. اولاً شكراً على ردودكم اولا العربية تقريباً العوازل بتاعتها تمام ,ثانياً التبريد كويس والمراوح تمام. انا حد قاللى ممكن تكون من ثرموثتات الحراره عشان بره درجات البروده بتبقى عاليه مش عارف الكلام ده منطقى ولا وياريت الخبراء يفدونى فى المشكله دى وازاى اعرف اذا العيب من الثرموثتات وشكراً

**Karim Ibiza** · 31-05-2013 04:32 PM

المشكلة كلها هتلاقيها فى الشكمان ممكن تلاقيه لامس جسم العربية من تحت وعشان كده لما بيسخن بيسخّن العربية كلها
المفروض انه بيبقى متعلق بكاوتشات لكن هتلاقى عندك ممكن يكون لامس الشاسيه على طول

الثرموستات ملهاش علاقة بموضوع الجو والكلام ده
الثرموستات بتحافظ على درجة الحرارة المثالية لتشغيل الموتور مهما كان الجو ساقع او سخن