حد يساعدنى ..عندى مشكله فى تكييف سيراتو 2013 وكمان سخونه تحت عجله القيادة؟؟؟

**Rsarabia** · 30-05-2013 08:40 PM

حرام عليك تفك مسمار و تركبه تانى فى عربية زيرووو
يا فندم انتا فى الضمان يعنى تروح فرع تريبل اي الرئيسى و هما ملزمين يظبطوه
تكييف العربية قوى نفس مستوى السيراتو القديمة و الالنترا الجديدة يعنى اكيد فى حاجة مش مظبوطة

**mahmoud9177** · 30-05-2013 10:47 PM

روح مركز محترم يكشف على دورة التكييف واما مشكلة السخونة لان العزل الداخلى ضعيف بتغلب عليها بخلى التكييف يرمى من الهوايات الى من تحت مع الى فوق وجرب مركز تكنواوان انا بتعامل معاة لانى خليجى زيك

**amgomaa** · 30-05-2013 11:34 PM

التكييف اكيد فيه حاجه غلط اما بالنسبه للسخونه بعد 5000 كيلو هتقل خالص لان العربيه لسه بتلين

**2CODE** · 31-05-2013 01:47 AM

روح التوكيل ولكن هتتحاسب على كل المصنعيات كأنك واحد غريب يعني كل مسمار هيغيروه هتدفعه

ياريتك كنت اشتريت وكيل وريحت دماغك

**yasserelsayad** · 31-05-2013 02:17 AM

التكييف ممتاز ومفيش موضوع السخونية من تحت دا باردوا لان العزل مفيهوش مشكلة .. مشكلة العزل كانت فى الشكل القديم اول ما نزل والتوكيل كان بيركب عزل تانى والموديلات اللى نزلت بعد كدا كانت بتنزل بيه من المصنع

بس مشكلة ان العربيات الخليجى طبعا مش بتيجى بنفس مواصفات التوكيل يعنى ممكن يكون العزل فيها اقل مثلا من اللى بتزل فى مصر وحوار ان الخليجى بيكون تكييفه اقوى دا كلام بيعين متصدقهوش

التوكيل بيدخل خليجى عادى بس مش بيضمنوا
واى حاجة هتعملها جوا التوكيل هتدفع عليها فلوس لانك طبعا معندكش ضمان معاهم

ممكن تكشف على العربية فى التوكيل ولو فى مشكلة لقدر الله تاخد منهم تقرير بحالة العربية وتروح لتريبل ايه يعملوها على حسب تقرير التوكيل

**moha4tec** · 31-05-2013 11:16 PM

اقرا الموضوع دا ممكن يفيدك
http://www.nilemotors.net/Nile/315996-5.html

**moha4tec** · 01-06-2013 03:39 AM

خلى حد يعزلك مواسير التكييف اللى فى كبوت العربيه بعازل حرارى
هتفرق معاك جدا جدا . فى قوة تسقيع التكييف
كلم استاذ محمد سيد مدير شركة تريبل ايه .راجل محترم و قوله على المشكله و لو متحلتش فى اى مركز تبعه فى الضمان هيوديك التوكيل فرع ابو رواش و يصلحهالك على حساب الضمان متقلقش خالص حتى لو اتغير الكمبريسور و بليه التكييف او غيرها
انت مش هتدفع مليم .
اطمن
و ابقى طمنا انت عملت ايه
و لو معرفتش توصل لحل قولنا على المنتدى و احنا نساعدك باللى نقدر عليه .ربنا يكرمك و مشكلتك تتحل