ماجستير محاسبة

**dede_dodo88** · 03-06-2013 07:23 PM

شهادة مهنية طبعاً و تكون حاجة أمريكية أو دولية..
أنما هتاخد ماجيستير و دكتوراه مصرية يبقى أنت بتضيع وقتك و مجهودك لأن ولا ليهم أي قيمة في سوق العمل..
أنا معرفش أنهي أقوى حاجة في مجال المحاسبة بس لو ليك ميول للمراجعة فدوس في cpa وش.. هي كلها أربع مواد بس شهادة ليها تقلها..
ممكن توسع النطاق شوية و تخش في mba من جامعة يكون ليها أسمها, أو لو ليك في التحليل المالي يبقى cfa و دي أصعب و أتقل شهادة مهنية في الليلة دي..

**Ahmed_Rahem** · 03-06-2013 07:46 PM

المشاركة الأصلية كتبت بواسطة dede_dodo88

شهادة مهنية طبعاً و تكون حاجة أمريكية أو دولية..
أنما هتاخد ماجيستير و دكتوراه مصرية يبقى أنت بتضيع وقتك و مجهودك لأن ولا ليهم أي قيمة في سوق العمل..
أنا معرفش أنهي أقوى حاجة في مجال المحاسبة بس لو ليك ميول للمراجعة فدوس في cpa وش.. هي كلها أربع مواد بس شهادة ليها تقلها..
ممكن توسع النطاق شوية و تخش في mba من جامعة يكون ليها أسمها, أو لو ليك في التحليل المالي يبقى cfa و دي أصعب و أتقل شهادة مهنية في الليلة دي..

CFA فعلاً اصعب واحدة وتخصصها فى التحليل المالى والى بياخدها بيشتغل فى اقسام الاستثمار فى البنوك او ما شابة.

اما المراجعة فدلوقتى cpa مع الكل انما acca ليها تميز اكتر وكمان بتفيد فى اكتر من مجال.

**dede_dodo88** · 04-06-2013 02:00 AM

المشاركة الأصلية كتبت بواسطة Ahmed_Rahem

CFA فعلاً اصعب واحدة وتخصصها فى التحليل المالى والى بياخدها بيشتغل فى اقسام الاستثمار فى البنوك او ما شابة.

اما المراجعة فدلوقتى cpa مع الكل انما acca ليها تميز اكتر وكمان بتفيد فى اكتر من مجال.

lol أكيد مش كله معاه CPA,, بس الجامدين بقى هما اللي بيكملوا و ياخدوا CFA بعدها و بكده تكون جبرت و مش محتاج أي حاجة تانية من الدنيا..
ليا أصحابي CPA's كانوا بيقولولي على شهادة جامدة أسمها CA محدش كتير واخدها في مصر و لو سقطت فيها مرة مينفعش تعيدها تاني.. هي دي الـacca ولا حاجة تانية؟..

**Ahmed_Rahem** · 04-06-2013 07:12 PM

المشاركة الأصلية كتبت بواسطة wael_mega

أنا بأستاذ احمد بشتغل في مجال الكمبيوتر وعندي مركز صيانه بوسط البلد بس حابب ادخل مجال المحاسبة وعايز اشتغل محاسب إداري وممكن تسال عليا احمد مصطفي tv بتاع نيسان يمكن ينفع وسطه ;)

مش محتاجة واسطة ولا حاجة انت بس حدد انت عايز اية وانا هساعدك على الاخر. لو انت عايز cma فية واحد اعرفة بيديها وهو كويس جداً.

المشاركة الأصلية كتبت بواسطة dede_dodo88

lol أكيد مش كله معاه cpa,, بس الجامدين بقى هما اللي بيكملوا و ياخدوا cfa بعدها و بكده تكون جبرت و مش محتاج أي حاجة تانية من الدنيا..
ليا أصحابي cpa's كانوا بيقولولي على شهادة جامدة أسمها ca محدش كتير واخدها في مصر و لو سقطت فيها مرة مينفعش تعيدها تاني.. هي دي الـacca ولا حاجة تانية؟..

الى بياخد cpa مش محتاج ياخد cfa الا لو بيحب الشهادات، لان الاولى لتخصص المراجعة فى المقام الاول والتانية فى تخصص الاستثمارات والاقتراض فى المقام الاول، ودى شغلانة والتانية شغلانة تانية خالص.
اما شهادة ca فدية بيديها 4 جمعيات فى بريطانيا وواحدة فقط بتديها دولياً وهى acca، علشان كدة هيا المتاحة لينا انما التلاتة الباقيين لازم تشتغل هناك 3 سنين.

**TAREK ELZEFARY** · 17-09-2013 06:52 PM

المشاركة الأصلية كتبت بواسطة Ahmed_Rahem

فى رأئى الوقت كبير جداً. وسعرة كام على الوقت دة كلة؟

لو سمحت يا استاز احمد كان عندى استفسار عن شهادة ACCA وعاوز ابدا فيها ياريت حضرتك تساعدنى ممكن تبعتلى رقم تليفون حضرتك وده ايميلى tarek_elzefary_2@yahoo.com