السعر اللى معروض عليا يخوف

**AbuMohammed** · 30-05-2013 11:17 PM

السلام عليكم أخوكم محمود من قسم الاوبل معايا فيكترا بي ١ موديل ١٩٩٦ بس الصراحة بعد ما صرفت عليها دم قلبي مفيش حاجة ظهرت عليها و لسه عاوزة اكتر من تسع آلاف جنية عشان تبقي عربية لسه معملتش حاجة في الكماليات بسبب قطع الغيار النار ، المهم أنا معروض عليا من تاجر المفروض انه صاحبي عربية بومه موديل ٢٠٠٩ اسود فابريكة جوة و برة ١٦٠٠ اتوماتيك كاملة من غير إيه بي اس و لا اير باج و لا جنوط و عاوز فيها ٥٣٠٠٠ ج و شكلها من بره عاوزة سمكرة و دوكو و من جوة عشه فراخ و كان في الأول عاوز فلوس و بعد كدة لما لاقي عربيتي تقيلة في بيعها قاللي أخدها و ادفع ٢٠٠٠٠ ج براحتك المهم مش اكتر من سنة ، كل ما اسأل حد يقول لي العربية دي فيها حاجة غلط أفيدوني بالله عليكم ف

**mohamed_e36** · 30-05-2013 11:35 PM

مش عارف ليه حاسس ان الموضوع كله غلط ازاي 2009 و 1600 وب 53 الا اذا كانت رشه دواخل او نصين ملحومين او مسروقه متعرفش فيه ايه بس الموضوع مش مريح وبعدين لو كان فيه الخير ما كان رماه الطير
نصيحه ابعد عن العك ده وكفاياك مصاريف ولف على الصنايعيه ودور على حاجه نضيفه على قد اللي معاك

**AbuMohammed** · 30-05-2013 11:44 PM

أنا شكك في ورقها و ده سهل أني أستعلم عنه بكل الوسائل لكن موضوع رشه و لا نصين ده اللي يحير و مش عارف مين يدلني الحاجات بقت مش مضمونه اليومين دول و لو ركبت علي قد فلوسي يبقي أما أني افضل راكب عربيتي اللي بقت كنبه أو اركب لادا نظيفة

**amrelsaqqa** · 30-05-2013 11:54 PM

فكك الحداية ما بتحدفش كتاكيت :d
لانسر ايه اللى بـ 53 الف
ده السعر ده يجيب كرستالة تعبانة بالعافية دلوقتى بعد الهبل اللى حصل في الاسعار

**jojojojo** · 30-05-2013 11:54 PM

2009 ومش راشه بره كمان وب53000 استحاله العربيه ديه لو عرضها ب80 الف بنفس الحاله اللي بتقول عليها هتلاقي طابور عليها نصيحه ليك ابعد خالص عن الحاجات ديه وشوف دايو لانوس حاله نضيفه وان شاء الله تلاقي او هات اي حاجه زيرو افضل وتريح دماغك وربنا يوفقك للخير

**Mostafa.Mahran** · 31-05-2013 12:17 AM

السعر مش منطقى خالص و العربية هتلاقى فيها مشكلة كبيرة و الافضل انك تبعد عنها

**hilal** · 31-05-2013 12:26 AM

دي لو كانت مسروقة كان طلب فيها سعر اكبر من كده
العربية دي شكلها مقلب كبير ، اوعى تشربه
وفكك من موضوع الصداقة ، ده تاجر ، والجنيه اهم غنده من الصداقة والقرابة حتى
وبعدين 9000 جنيه ليه ، ده انت تشتري نص استيراد وتركب منه اللي يعجبك ، وتبيع القديم خردة