محتاج رايكم ابدل السيفيك 2012 بقشقاى

**amgomaa** · 30-05-2013 11:18 PM

دلوقتى انا معروض عليا ابيع السيفيك 2012 اللى معايا ب 170000 الف جنيه يعنى تقريبا زى ما اشتريتها فهل ابيعها و احجز قشقاى وادفع 15000 جنيه زياده هل تستاهل مع العلم انى بحب السفيك جدا و مريحانى فى كل شئ والحمد لله شبه خاليه من العيوب بس الناس كرهتنى فى شكل العربيه كل شويه شكلها وحش لغايت ما بدات اقتنع وكمان مقلق من الفيس ليفت ده ينزل بعد سنه ولا اتنين ساعتها هيبقى شكلها وحش بجد ارجو النصيحه من اصدقائى فى قسم الهوندا ولكم الف شكر

**M_Nabil** · 31-05-2013 12:37 AM

رأى طلما أنت مقتنع بيها ومريحك خلاص دى أهم نقطة، لو أنت شخصياً الشكل مش مبسوط منه قوى يبقى حاول تدور على الشكل اللى قابله 2009-2010 فئة VTi تكون بحالة المصنع انما بخصوص القشقاى مش هقدر افيدك عنها

**Optiplex** · 31-05-2013 12:47 AM

اولا ياباشاا شكل عربيتك زى الفل و بلاش تقفل نفسك منها و سيبك من الناس متهايلى بس عيبها انها واطية للمطبات و نصيحة بلاش قشقاى برغم انها فنش انجليزى تقريبا بس انا شايافها مش فخمة ولا من جوة و لا من برة و لو عايز تحس بتغير يبقى السوباروو امبريزاا بالتوفيق

**amgomaa** · 31-05-2013 12:57 AM

المشاركة الأصلية كتبت بواسطة optiplex

اولا ياباشاا شكل عربيتك زى الفل و بلاش تقفل نفسك منها و سيبك من الناس متهايلى بس عيبها انها واطية للمطبات و نصيحة بلاش قشقاى برغم انها فنش انجليزى تقريبا بس انا شايافها مش فخمة ولا من جوة و لا من برة و لو عايز تحس بتغير يبقى السوباروو امبريزاا بالتوفيق

العربيه ما شاء الله عاليه عن الجيل اللى قبليها ومبتحكش فى المطبات

**sherif moneer** · 31-05-2013 01:31 AM

طب ما تركب جيتا او فانتازيا يا باشا
العربيتين مفيش عليهم اي كلام وجامدين وافضلهم عن النيسان سواء فخامه او ثبات وتحمل برده وفي الاخر ألماني برده

**SAMEH_FOUAD** · 31-05-2013 02:15 AM

بقولك اية ياعمرو , سيبك من كلام الناس , السيفيك الجيل التاسع شكلها حلو مش وحش زى مالناس متخيلة , طالما انت العربية عاجباك يبقى توكل على الله وخليها معاك

لانم مع القشقاى هتواجة مشاكل ( قلة الثبات - ضعف المحرك )

خليك فى الهوندا ياباشا اشد وافضل

**amgomaa** · 31-05-2013 02:24 AM

المشاركة الأصلية كتبت بواسطة mivec.a92

طيب ما تبيعها و تجيب السيفيك الشكل الجديد اللي نزل في الخليج؟ :)

الشكل ده 1800سى سى للاسف

**amgomaa** · 31-05-2013 02:32 AM

المشاركة الأصلية كتبت بواسطة sherif moneer

طب ما تركب جيتا او فانتازيا يا باشا
العربيتين مفيش عليهم اي كلام وجامدين وافضلهم عن النيسان سواء فخامه او ثبات وتحمل برده وفي الاخر ألماني برده

مبحبش الاوكتافيا شكلا بحس انها بتاعة عواجيز وحاسس ان موتورها مش على قد حجمها وبخاف من الجيتا المستعمله والف شكر لردك

**د.محمدعبدالعال** · 31-05-2013 03:14 AM

هتندم جدا جدا جدا لو عملت كده ... بقى يا راجل تبقى راكب هوندا 2012 بالجمال والحلاوة والفخامة دي وتنزل تركب قشقاي .. القشقاي واخدة سمعة أونطة على فكرة لا هي فخمة من جوا ولا شكلها حلو من برة .. الناس بتقول على عربيتك شكلها مش حلو عشان مش متعودة عليه بس لكن بسم الله ما شاء الله العربية شكلها جميل .. القشقاي رغم انها تقفيل انجليزي الا انها مش فارقة كتير عن الصني والجوك في جودة التقفيل ده غير ان ثباتها ضعيف إلا حد ما مقارنة بالهوندا ..

خليك في عربيتك ومتخليش البيع بمكسب يغريك ويخسرك العربية