كام مشكله كده ومحتاج مساعده :)

**sherif moneer** · 31-05-2013 02:13 AM

ازيكو يا اوبلاويه عاملين ايييييه؟ يارب تكونو كويسيين
كان عندي شوية استفسارات كده
الحمدلله العربيه اتصلحت بعد الحادثه وغيرت مكنه ل1600 اتنين كامه وجبتها بالقنطره بالكبالن والكراسي وغيرت عفشه ورا لسكاكين وغيرت ايه بي اس وسمكرت العربيه كلها و رشيتها واخترت درجة لون ليها بتاع مرسيدس عيون موديل فوق 2007 اسود ملكي
المهم العربيه اتغير فيها البربريز الامامي عشان كان فيه شرخ قديم وكان فتح في الحادثه وغيرته ودلوقتي بقيت بحس ان عزل العربيه مش حلو وبسمع صوت هوا وانا ماشي لكن مش بحس ب اي هوا جوا وده مكنش موجود قبل كده ايه الحل؟!!!
شاشة المعلومات بتقرا تاريخ و وقت لكن مش بتقرا ع الكاسيت ولما بفتح الكاسيت مش بتبين حاجه وكمان بظبط التاريخ ازاي عشان مش عارف
دواسة الفرامل لما بجي ادوس فرامل لازم اكارك عشان الدواسه تعلى وتدوس و رحت اخدت هوا الفرامل ومتظبططش ف العفشجي بس هو مش اوبل ركب والعربيه مبطله وداس ع الدواسه قالي دي خزنة فرامل اللي ع السيرفو ف كنت عايز اعرف ايه السبب
اسف علي الاطاله وشكرا :)

**sherif moneer** · 31-05-2013 02:14 AM

نسيت اقول ان صوت الهوا بيجي من نحية اليمين

**Eng.Peter** · 31-05-2013 03:34 AM

الهواء ده هتلاقى العزل حد لعب فيه او شالوه مع تغيير الماتور

**hagagatc** · 31-05-2013 03:56 AM

بالنسبه لضبط التاريخ والوقت عندك فوق شاشه المعلومات زرارين حتضغط علي الزرار الي علي الشمال ثنيتين او لحد متلاقي الساعه عملت فلاش حتضبط الساعه وبعدها التاريخ من الزرار الي علي اليمين
تاني حاجه لو بدال الفرامل بيهرب تحت رجليك يعني بيبقي تقيل وبعدها بيخف ويسقط مره واحده ده مستر عمومي او سيرفو طالما انت اخدت الهوا وشوف واحد بتاع فرامل يحللك المشكله دي وفي الغالب مستر فرامل غيره ومتعملش طقم اصلاح فاشل

**sherif moneer** · 31-05-2013 04:00 AM

المشاركة الأصلية كتبت بواسطة hagagatc

بالنسبه لضبط التاريخ والوقت عندك فوق شاشه المعلومات زرارين حتضغط علي الزرار الي علي الشمال ثنيتين او لحد متلاقي الساعه عملت فلاش حتضبط الساعه وبعدها التاريخ من الزرار الي علي اليمين
تاني حاجه لو بدال الفرامل بيهرب تحت رجليك يعني بيبقي تقيل وبعدها بيخف ويسقط مره واحده ده مستر عمومي او سيرفو طالما انت اخدت الهوا وشوف واحد بتاع فرامل يحللك المشكله دي وفي الغالب مستر فرامل غيره ومتعملش طقم اصلاح فاشل

طب وماستر الفرامل يفضل جديد ولا استيراد؟؟

**sherif moneer** · 31-05-2013 04:01 AM

المشاركة الأصلية كتبت بواسطة eng.peter

الهواء ده هتلاقى العزل حد لعب فيه او شالوه مع تغيير الماتور

عزل ايه بالظبط يا باشا؟

**hagagatc** · 31-05-2013 04:08 AM

المشاركة الأصلية كتبت بواسطة sherif moneer

طب وماستر الفرامل يفضل جديد ولا استيراد؟؟

الصراحه انا مغيرتوش عندي خالص بس هاتو جديد وريح دماغك لان عشان بيجي استيراد وممكن يجيب زيت بعد فتره بتبقي جلب المستر بايظه والله اعلم او استيراد علي تجربه اسبوعين مثلا عشان تقدر تحدد اذا كان كويس او تعبان وبيجيب زيت في الاستيراد ممكن يعمله ٢٠٠ او ١٥٠

**فادى محمد** · 01-06-2013 01:52 AM

حمد الله ع السلامه...
عارف الفبرتين اللي علي يمين وشمال البربيز الامامي؟؟
الفبره دي لو مش راكبه كويس او راكبه بسليكون ...
ليها فراغ من ناحيه البربيز ,تمام ..الصوت اللي بتسمعه
هو صوت خلخله الهوا في الفراغ ده .