هوا سؤال بس يا باشا, هيا العربية ديه انتا جايبها بكام؟؟؟؟
رقم العضوية : 130572
تاريخ التسجيل : 24Oct2012
المشاركات : 182
النوع : ذكر
الاقامة : الجيزة
السيارة: لا يوجد
السيارة[2]: فولكس بورا 2000
الحالة :
انا لما اشتريت العربية كنت شاريها من واحد اقل حاجة يوصف بيها انه بلا عقل ....العربية كانت متهاااانة جدا جدا جدا وانا اشتريتها بتمن يساوي قيمتها الصراحة واخترت اصرف عليها بمعرفتي
دي صور للعربية لما جيتها
bora - Imgur
تحفة مش كده ( الصورة والعربية متفككة حتعرفوا سببها ايه في الموقف التالت )
شوفت مواقف كتير مع العربية دي ....
اول موقف :
العربية كانت لسه جاية من بورسعيد وخدتها الف بيها شوية وروحت الشيخ زايد مع واحد صاحبي وقعدنا نلف شويا وقبل ما نروح عند المخبز الالي ..العربية وقفت فجأة والتكيف كان مكمل شغال والدركسيون نشف والفرامل نشفت والدنيا كانت اييييييه محبطة جدا ...قعدت احاول مع العربية مفيش يمين شمال مفيش فيه كونتاكت بس الموتور مبيقومش ..قعدت من الساعة 4 العصر لغاية 11 بالليل ...كلمت صحابي اللي في زايد جالي اسطول عربيات وحولنا نديها وصلة مفيش ...رحت جبت بطارية جديدة وكعيت ايه 500 جنيه وبرده مفيش لغاية لما واحد صاحبي راح جاب كهربيائي وكانت الساعة 10 بالليل وكان اخويا جالي من العجوزة وفي الاخر طلع فيوز ضارب .....
تاني موقف :
فوق البطارية فيه 3 فيوزات واحد بتاع مروحة الرادياتير وواحد للايرباج وواحد لل abs بتاع المروحة ناحية الموتور وكانت جودته صيني معفن ...في يوم كنت نزلت ومعايا الحاجة واخواتي ...وروحت لفيصل ورجعت وانا عند المدرسة الالمانية لقيت التكييف بيطلع هوا سخن والحرارة بتاعت العربية بتعلا قمت وقفت على جنب ؟؟اليوم اللي قبليها لمبة قربة المياه كانت نورت وزودت مياه فقلت يمكن المياه خلصت -اول عربية ليا مش عايز شتيمة - قمت فتحت قربة المياه وهيا سخنة ............طبعا ايدي اتحرقت جامد ولسه سايبه اثر على دراعي .....والسببب في السخونة ان الفيوز البلاستيك بتاعه ساح من الحرارة وعمل زي عزل والمروحة مكانتش شغالة
تالت موقف :
كنت رحت الحرفيين اظبط الرادياتير لانه كان بينقط والصدر بتاع العربية اتفك بالكامل واتركب تاني بس الراجل مربطش مسورة البور زي ما كانت مربوطة - البواب اللي انا شاري منه العربية كان رابطه بابزيم الطاسات مع ان ليها قواعد مخصوصة - ومشي يومين بالعربية و في ال3 كنت خارج مع صحابي وفوق كبري اكتوبر الفتيس مبينقلش قفلت وشغلت ينقل وبعد كده يرجع مينقلش لغاية لما وصلت وجهتي وسبت العربية 4 ساعات وشغلتها كانت تمام ...مشواري كان من مدينة نصر لزايد .....العربية كانت تمام لغاية مول العرب وهووووووووب ....لمبة ال abs و الهاند بريك ينوروا مع بعض وزمارة ...كنت خلاص قربت من بيت صاحبي قمت كمات وقبل اليوترن اللي عند السيرك ..كل لمض الاعطال نورت والعربية فصلت وماااااااااتت خالص ...افتح الكبوت وحاول مفيش حتى كونتاكت وكانت الساعة 2 بالليل ومفيش مخلوق حركنا القطاش الكوترولات اشتغلت تيجي تدور .....شررراااار بيضرب جنب الموتور انا صاحبي قلق لان عربية اخوه لسه قبليها كانت ولعت من غير اي سبب ...المهم شغلنا العربية ومشينا شويا سمعنا حاجة بتجر تحت العربية ...اتاري مسورة البور نزلت على الارض واتنت وكسرت ماسورة كولر الفتيس ..كنت خلاص وصلت لبيت صاحبي قمنا وقفنا العربية وجبت ونش خد العربية للميكانيك ولبست 1600 جنيه حلويين ( العربية مكانتش بتنقل لان الكولر كان مسدود والويت كان بيسخن )
طبعا بعد كل اللي حصلي مع العربية دي ..انا متمسك بيها لاني مش عايز اضيع اللي عملته معاها هدر
الحاجات اللي ناقصة للعربية بقا الاتي :
_____________________________
1: حساس شكمان ...قاري faulty سعره كام لو امكن
2: مشكلة محيراني من ساعة ماجبت العربية وهي زيت الفتيس اللي بينقط
http://i.imgur.com/vpatPQF.jpg
كنت في الاول فاكر ان جوان الكرتيرة هو اللي بينقط وغيرته وحطيت سلكن وفي الاخر طلع اللي بيسرب اللي في الصورة ومش عارف اعمل ايه ...؟؟؟ متبخلوض عليا بالنصيحة والنبي لان حشت من الحكاية دي ...كل يوم بقعة كبيرة تحت العربية ...بتنقط من ناحية الزور بتاع التزويد والضفيرة اللي على الشمال
3:عايز اعرف الهوايات بتاعت التكيف اللي في التابلوه تتجاب منين لان البيه كان مركب قرود مكسرينها
4:العربية بوظت 3 ايرماس لغاية دلوقتي ...ومش ناوي اجيبلها تاني وناوي اعمل محاولة اني اودي الحساس لواحد بتاع صيانة كمبيوتر يقولي فيه ايه ...لان الحساس لما بيبوظ بيقولي open circuit
5: التكييف ال climatronic بيسقع العربية في قد ايه ......انا اول امبارح نزلت وشغلت العربية وشوية وشغلت التكييف لقيته بيقول درجة الحرارة 45 وقعد 25 دقيقة درجة الحرارة وصلت 36 وقمت زلت ...
6: سحب العربية مش قد كدا الحقيقة ...هو كان كويس لغاية شهر فت بعد كده ممكن تجيب اخر الدواسة وتلاقي ال rpm بيزيد و العربية بترع بس مش اوي ..وفجأة تلاقي العربية بتسرع جامد ...انا مغيرتش بوجيهات من ساعة ما جبت العربية ولا فلتر هوا فدول جزء اساسي من المشكلة انا عارف بس ايه تاني احطه في بالي
7: البطاحات عايزة تتغير ....
8: الكالون بتاع الباب السواق بيلف براحته مفيهوش سسته ترجعه
9: مكنة الازاز بتاعت الباب الرئيسي كانت سليمة لغاية اخر مرة وديت العربية للميكانيكي ....كانت شغالة لما سبتله العربية لما جيت اخدها لقيت الازاز ممكن يقف في النص واسمع صوت تكتكة والازاز ميطلعش غير لو ساعده سنة ده ايه بقا لان الميكانيكي بيقولي عايز مكنة ازاز جديدة.. ده عبارة عن ايه وتمن مكنة الازاز بكام
اظن كفاية كده لان بيتي اتخرب ...... ......... انا حسيبكم مع الموضوع ده وارجعلكم بعد الامتحانات ...ادعولي انجح لان لو لاقدر الله حصل العكس ابويا حيضربني بالنار
رقم العضوية : 10215
تاريخ التسجيل : 07May2008
المشاركات : 1,346
النوع : ذكر
الاقامة : Cairo
السيارة: فورد فوكاس
السيارة[2]: اكسيل - اكسنت - سبكترا - بورا - النترا 2005 - بورا تانى - اوب
دراجة بخارية: NO
الحالة :
هوا سؤال بس يا باشا, هيا العربية ديه انتا جايبها بكام؟؟؟؟
أحمد عبد الرحمن
رقم العضوية : 116164
تاريخ التسجيل : 30Oct2011
المشاركات : 435
النوع : ذكر
الاقامة : Portsaid/Cairo
السيارة: Bmw E30
السيارة[2]: Honda Civic 05 Coupe
دراجة بخارية: no
الحالة :
ممكن حضرتك تشتريلها سيستم كامل وتريح نفسك
No Turbo..No Party
رقم العضوية : 128895
تاريخ التسجيل : 23Aug2012
المشاركات : 619
النوع : ذكر
الاقامة : suez
السيارة: كده رضا
السيارة[2]: VAZ-107
دراجة بخارية: no
الحالة :
رأيى الشخصى : للأسف حضرتك غلطت فى شرا العربية دى خصوصا انها اول عربية ليك والله يكون فى عونك...عايز تركب ألمانى او فرنساوى مستعمل من اللى فيه كونترولات وكهربا وكلام زى ده لازم يبقى حالة فوق الممتازة لانك اللى هتوفره فى تمنه هتدفع أضعافه فى تصليحها غير أرف الصنايعية وتضييع الوقت وحرق الاعصاب
انه من يتق ويصبر فان الله لايضيع أجر المحسنين...
رقم العضوية : 130572
تاريخ التسجيل : 24Oct2012
المشاركات : 182
النوع : ذكر
الاقامة : الجيزة
السيارة: لا يوجد
السيارة[2]: فولكس بورا 2000
الحالة :
جبتها ب 54 في شهر 9 اللي فات ...وصارف عليها من كاوتش وبطاريا وسمكرة وخلااافه حوالي 12 الف
رقم العضوية : 10215
تاريخ التسجيل : 07May2008
المشاركات : 1,346
النوع : ذكر
الاقامة : Cairo
السيارة: فورد فوكاس
السيارة[2]: اكسيل - اكسنت - سبكترا - بورا - النترا 2005 - بورا تانى - اوب
دراجة بخارية: NO
الحالة :
بص يا باشا, السعر الانتا جايبها بيه سعر كويس طبعا و يدل على حالتها كانت عاملة ازاى, انا بايه عربيتى فى شهر 10 ب 74000 جنيه ,و كان فى ناس مستغلية السعر وعايز اقولك انى الولد قابلته فى مرة قالى انها جابتله 78000 و مبعهاش ,غربيتى كانت فابريقة بره و جوه و ما شاء الله ربنا يبارك للخدها.
الالمانى يا باشا يا يتجاب حالة, يا يتجاب حالته مش تمام زى عربيتك بس لازم يتفور, يعنى انا لو مكانك و جبته بالمنظر ده, كنت هعمل حسابى فى 15000 ج, و اطلع بيها على الحرفيين, اجيب مكنة بفتيس (و غالبا كنت هجيب مكنة 1800) بعفشة ب جنط ب ضفيرة بدورة مياه و افور و اركب على نضيف و لو تبقى فلوس اغير التابلوه و الطارة بالمرة. كده كنت هستمتع بالعربية الى حد كبير, المشكلة انتا صرفت مبلغ و معملتش كل الانتا عايزه عشان صرفو على حاجات متقطعة لواحدها, غير لما تصرف على شروة واحدة و مصنعية مرة واحدة.
عموما ربنا يباركلك فيها و لازم تيجى عربية تتعلم عليها المشاكل و الاعطال و تشترى منين و اشتغالات الورش و البايعين. عشان فى المستقبل تعرف تتعامل ن شاء الله.
أحمد عبد الرحمن
رقم العضوية : 41109
تاريخ التسجيل : 26May2009
المشاركات : 2,752
النوع : ذكر
الاقامة : EL-Qanater EL-khairya
السيارة: ربنا يبعت 127
السيارة[2]: kia sephia
الحالة :
معلش بس حرام عليك العربيات ديه تتركب نظيفه وبس
لكن انت قولت تصرف عليها وعلى فد قمنها
بس بالفلوس الى دفعتها والى لسه هتدفعها كان زمانك راكب واحده فابريكا بره وجوه
وبرضوا 54 كتير على الحاله الى فى الصور
Esam Mosaad
H A R D
رقم العضوية : 84670
تاريخ التسجيل : 01Jan2011
المشاركات : 2,108
النوع : ذكر
الاقامة : Egypt
السيارة: None
السيارة[2]: Hyundai
دراجة بخارية: NONE
الحالة :
متابع
أحلي عربيه سيدان من فولكس فاجن بصراحه
When The Sun Sets, The Race Begins
Eng. Kareem El-Araby
nfs_206 سابقًا
رقم العضوية : 56262
تاريخ التسجيل : 19Dec2009
المشاركات : 1,965
النوع : ذكر
الاقامة : Damanhour
السيارة: ____________
السيارة[2]: ____________
دراجة بخارية: لا يوجد
الحالة :
دا اقل مايقال انه كان حيوان الى راكبها
ايه المنظر دة
ربنا معاك ياباشا
وانا مع كلام الاعضاء ياما تشدها كلها مرة واحدة
ياما تبيعها وتشوف حالة انضف
اللهم ءاتنا فى الدنيا حسنة وفى الاخرة حسنة وقنا عذاب النار
رقم العضوية : 50407
تاريخ التسجيل : 19Oct2009
المشاركات : 348
النوع : ذكر
الاقامة : 15 may city
السيارة: ex fiat sienna
السيارة[2]: VW polo sedan 2009 1.4
دراجة بخارية: Honda cbr 400 RR+R
الحالة :
نصيحه بيعها مصاريفها مش هاتخلص
المفضلات