الموضوع: كيا سيراتو ٢٠١٣

المشاركة الأصلية كتبت بواسطة m1988

يعنى ايه غير كده انت الاكسبان مش فاهم يعنى السيراتو احسن من الجوك وانا عارف انه مينفعش نقارن بين الاتنين ....انا اخرى ١٥٥ الف

الاتنين فئتين مختلفتين فمينفعش نقارن بينهم , بس لو تغاضينا عن النقطه دى , على الورق السيراتو مميزاتها اكتر , الجوك مميزتها انها عاليه وفيها ESP

لو اخرك 155 يبقى بلاش سيراتو عشان الفئه دى مفيهاش ABS و AirBag واحده

شوف الفلوونس اول فئه ب 155

بلاش النيسان عربيه جميله وهتفتقدها بعدي
والواحد مش بيحس بقيمه الحاجه الا لما تروح منه ولو بعت النيسان وجبت سيراتو هتحس بكده

المشاركة الأصلية كتبت بواسطة m1988

لكن انا مش ححس بفرق بين السيراتو والجوك مش حندم

شوف ياباشا انا مجربتش الجوك لكن جربت السيراتو الجديده الكامله عربيه ماشاء الله جميله وتقريبا مش ناقصه حاجه واحسن من الشكل اللى قبله فى كل حاجه , مش عايز اطلعها السما او انزل الشكل القديم الارض , لكن هى احسن منها فعلا فى كل حاجه بس بنسب

فموضوع الندم انت اللى هاتحكم عليه لانها بتختلف من شخص للتانى

نظريا الفرق الوحيد هو العلو عن الارض هى دى الحاجه الوحيده اللى هاتفتقدها

واحد زيى مثلا مايرضاش يركب الجوك دى اساسا :) لامؤاخده :) بس ولا بحب شكلها ولا باحب الفتيس ال cvt غير ان حجمها مش مناسب ليا سواء الصالون او الشنطه

السيراتو بقى موتور اقوى وفتيس عادى من اللى انا بافضله واوسع بكتير وثبات وايروداينمكس افضل وشكل احلى وممكن تبقى اوبشنز اكتر فى حالة شراء sx

واحد غيرى يقولك سيراتو ايه وكورى ايه وكلام فاضى ايه :) خليك فى الجوك

وهكذا , فانت اللى هاتحدد

فى سؤال مهم ممكن يساعدنا , انت ليه اشتريت الجوك ؟ وايه اكتر مميزات عاجباك فيها وخايف ماتلاقيهاش فى السيراتو ؟

المشاركة الأصلية كتبت بواسطة m1988

اولا شكلها يعنى شبابيه عربيه جديده شكلها مش مالوف ويرتنى مخدت بالشكل من ساعت مجبتها وعمال اخد كل عين وعين تحفه يعنى لو جبت الفئه الاهى بى ١٥٦ كويسه وبرده مش ححس بشكل فى الابشن ولا لا عجبنى فيها الثبات بتاعها والامان

ماهى اللى ب 156 الف دى زى ماقولتلك من غير ABS و وفيها AirBag للسائق فقط

وكمالياتها جنوط 16 واوديو كنترول وشكرا على كدا !!

فكدا مفيش امان ولا اوبشنز , من حيث الثبات ثباتها ممتاز ماتقلقش منه