قرض السيارة ؟؟؟؟؟

**Samy90** · 01-06-2013 03:35 AM

السلام عليكم
فالبيايه انا حجزت ستروين سي اليزيه وسعرها 120000 وهدفع مقدم 60000 .. وعايز اعرف ايه نظام قرض السيارة من البنوك واي بنك بيقدم فايده اقل مع العلم اني عميل فالبنك الاهلي يعني عندي حساب هناك
تاني حاجه هل التأمين بيكون اجباري ؟ وهوا لي لزمه ولا البنوك بنعمل كدا عشان تاخد ارباح وخلاص
ارجو الافاده ولكم جزيل الشكر

**reda elgohary** · 01-06-2013 03:45 AM

نصيحه لوجه الله تعالى
أنا عميل ف بنك بى إن بى باريبا ورحت أعمل قرض عشان أشتري عربيتى الفورد حاليا ،بس ناس نصحونى بالابتعاد عن القروض ،،ولما توكلت ع الله وإبتعدت عنه وفكرت ف حلول غير القرض ربنا وفقنى وأستلفت 80% من مبلغ العربية وسبحان الله،،يعنى جاري من نفسه كنا بنتكلم ع فلوس الكهربا ،لقيته عرض عليا وقال لى لو أحتجت شئ قل لى .

**ahmedteam** · 01-06-2013 03:14 PM

نصيحه لوجه الله تعالى ابعد عن القروض و ربنا هيكرمك هات حاجه على قد فلوسك احسن

**engherc** · 03-06-2013 08:42 AM

قرض العربية مفيش فيه مشكلة انت بتقسط سلعة و ده عادي جداً يعني انت لو عايز تجيب شقة و مفيش معاك غير ٣٠ ألف مثلا هتروح تشتري و تسكن في عشة على اد فلوسك ولا هتحطهم مقدم و تقسط الباقي ؟!!!!!!

**ضى القمر** · 03-06-2013 11:55 PM

ابعد عن القروض العربيه اكنك بتشترى عربيه بضعف سعرها

**MaZaGAngeE** · 04-06-2013 03:58 AM

الموضوع ده فيه كلام كتير ........... بس برضه الواحد مش راسي على بر

**hasanh_red** · 07-06-2013 02:31 PM

السلام عليكم ورحمه الله وبركاته
استاذ سامي الناس هنا نصحتك لوجه الله ان تبعد عن القروض لان البنك مش بيشتري العربيه بتاعتك وبعدبن يقسطها لا بيقرضك فلوس و حضرتك ترد الفلوس دة بفايدة وهو دة الربا والناس جزاهم الله خير بيبعدوك عن الربا لان الربا حرام حضرتك ممكن لو حابب تجيب العربيه ومش معاك مبلغها ممكن تعمل جمعيه بالباقي وتصبر شويه او ممكن تروح لحد زي عبد اللطيف جميل او بنك فيصل دول حسب اراء الشيوخ والله اعلم مش حرام، الفكرة ان التقسيط حضرتك بتقسط لمالك الشئ وفكر ديما بالايه بسم الله الرحمن الرحيم (وقالوا البيع مثل الربا واحل الله البيع وحرم الربا ) وحضرتك باصص ان الفايدة في البنوك الآخري اقل مثلا 8 % والناس إلي بتشتري العربيه 10 % حتلاقي الفرق عباره عن كلام فاضي تقريبا 1500 او 2000 زيادة بس تراضي ربنا علشان ربنا يباركلك في العربيه والف مبروك مقدما وربنا يكرمك بيها ويرزقك خيرها ويبعد عنك شرها

**dem0** · 08-06-2013 04:48 PM

ابعد عن القرض لكن قسط السيارة

بمعني الحرامنيه لما تاخد فلوس من البنك

لكن لو البنك اشترى العربية وانت بعدين اشتريتها من البنك وقسط جزء من المبلغ حلال

على زمة مشايخ كتير الكلام دة

وربنا يوفقك ان شاء الله

انت ممكن تعمل جمعيه كبيرة مثلا 2.5 فى الشهر تاخد مثلا 50 وتريح دماغك من التقسيط

او بمبلغ صغير على فترة طويلة وربنا يكرمك ان شاء الله