الموضوع: فتحه السقف طااااارت يا وحوش

وحوش الهوندا

ازيكم وحشتونى والله

يوم الخميس كنت فى القاهره وقلت اظبط العربيه قبل ما اطلع المهم غيرت زيت وغسلتها تمام وشكل الموتور معجبنيش قلت اغسل واشحم ويارتنى ما معملت كده لانى للاسف لانى البنزينه غسلها بالجاز وبعد كده مياه
المهم الدنيا اتلخبطت ولقيت عداد اللسرعه معلق ولمبه الشيك نورت وسحب بطىء مووووت قلت هتتظبط لوحدها لان الهوندا راااجل والحمد لله كالعاده طلعت عند حسن ظنى فى نص السكه وانا نازل القاهره الامبير اشتغل ولمبه الشيك اطفت وكله تمام واضح ان المياه نشفت والجاز طار

المهم يا جدعان وانا راجع بقه سمعت صوت فوقى صوت فتحه السقف وهو صوت هوا جامد المهم وقفت على جنب وقفلت الفتحه كويس وضغطت عليها لانها كانت من ناحيتى فيها بوش بتطلع وتنزل وانا للاسف كنت مفكر ان ده عيب فى السوسته اتارى العيب مش منها وان فتحه السقف اللزق خف وعاوز يتلزق كويس المهم وانا ماشى على سرعه 120 كم لقيت بووووووم
الناس الى معايا اترعبت وزى ما توقعت قلتلهم يا جماعه فتحه السقف طااااارت

المهم بقه الحمد لله وقدر الله وماشاء فعل واخويا سامح قالى اغيرها من عند الثلاثى وكويس انه لحقنى لانى كنت ناوى اغيرها من عند جريش بيقولوا انه بيعملها بنفس المقاسات والبومبيه وانا شاكك والله

دلوقتى بقه انا هنزل من اسكندريه عشان اغير فتحه السقف واجيب واحده استيراد
حد عنده اى مقترح يا جماعه او نصيحه؟

المشاركة الأصلية كتبت بواسطة AHMED_HAMDY

arabmarket طيب معلشي اروح عند مين يبص عليها يعني بتاع زجاج ولا ايه ويزيت المجري مثلا ويبصلي على الحااجت دي كلها انا مش بعرف اخرج اصلا غير اما افتح الفتحه بحس انها روح العربيه

بالنسبه انا من الزقازيق وجريش في العاشر وسمعت انه بيعمل كل حاجه بصراحه بس لو عايز اجيبلك رقمه وابعتهولك وتتصل قبل متروح يبقى احسن

هوه زحمه بس انت مش بتقف كثير يعني علشان الضغط بيحاول ينجز بس دي الفكر بس هوه احسن مصنع سمعت عنه كدا
s229
كله بيدخل جوه بس تقريبا عنده طارت وهيا مقفوله !!

هى اصلا مش هتطير الا لو مقفوله لان بيكون فيه جزء صغير مرفوع من الفتحه وهى مقفوله بيدخل الهوا وبيزيد من مقاومه القزاز للهوا فباقى الجزء السليم بيطلع مع ضغط الهوا عشان كده هتلاقى كلنا بتطير وهى مقفوله

اكشف عليها بس كويس واتاكد انها سليمه ومثبته كويس جدا ( القزازه فى الدرج المتحرك)
ولو عندك اى جزء مش ملزوق الزقه باحكام ممكن عند اى حد بتاع زجاج يكشفلك عليها وزيت انت الفتحه ب w4d وربنا يحفظكم
بخصوص جريش انا رحتله امبارح عندنا فى اسكندريه ليه فرع ملقتش عنده قالى معندناش فتحه سقف اصلا
وباذن الله هروح اعملها عند الثلاثى وخلاص كله بيشكر فيه وبيقولك بيركب واحده اخت القديمه

لو حد معاه رقم الثلاثى يكتبوا يا جماعه اكلمه قبل ما اتحرك من اسكندريه اتاكد انها عنده بدل ما طخ مشوار عالفاضى