الموضوع: لو كنت مكانى هتتجوزها ؟

1-صلى استخاره
2-مش معاك انك تعرف اهلك لانهم اكيد هيرفضوا من دلوقتى
3- ما تيجى نقلب الوضع بعد الشر عليك انت عندك مرض هى هتكون ايه وضعها
4- اخيرا خليك راجل وشيل المسؤليه يا تبقى ... وتهرب منها

بص يا باشا
مرحلة الخطوبه مش هتبين ليك حياتكم هتبقى شكلها عامل ايه بعد الجواز
واى اتنين متجوزين مهما كانوا بيحبوا بعض بتحصل بينهم مشاكل كتير ( الا من رحم ربى ) - يأخى ده الاخوات فى البيت بتشد مع بعضها فما بالك بالازواج -
المشكله بقى لو حصل بينكم خناقه بعد الجواز هتبقى حاطط فى مخك انها عيانه وانى عامل فيها جميله ( ربنا يشفيها طبعا محدش فينا بعيد عن اى مرض ) وكمان بتتخانق معايا فممكن ساعتها يبقى رد فعلك عنيف

لو انت متأكد من الصفات اللى فيها ديه توكل على الله بصرف النظر عن انها مريضه ام لا

المشاركة الأصلية كتبت بواسطة m_elkhishin

بص يا سيدي
مرض الصرع مع المواظبة على العلاج بشكل منتظم بتكون النوبات قليلة جدا جدا۔
مرض الصرع مرض وراثي۔
ولكن انا مثلا جدي كان عنده صرع۔ ابويا وعمي وعماتي واولادهم جميعا مجالهومش صرع۔

اختلف معك مرض الصرع ليس وراثيا انا ابنتى لديها هذا المرض ولا يوجد احد فى العائلتين يحمل هذا المرض وجاء لها نتيجة نقص اكسجين اثناء ولادتها والله يسامحها الدكتورة اللى ولدت امها فقد كانت اول طفلة لى واول مرة اشوف مولود بعد ثوانى من ولادته وقد اخبرت الطبيبة ان وجهها ازرق شوية ولكن قالت انها كويسة ومفيهاش شىء لكن مع تقدم سنها ظهر كل شىء واكتشفنا انه بسبب نقص الاكسجين اثناء الولادة سبب لها تلف بخلايا المخ وهو الذى يودى الى التشنجات الصرعية لها فهو مرض ليس وراثى

المشاركة الأصلية كتبت بواسطة أحمد كمال

الله يكرمكم يا جماعة اللي ما يعرفش في حاجة ما يتكلمش كلام غلط

ديباكين ايه اللي مهدئ و يساعد عالنوم !!!!!!


و صرع ايه اللي مش خطير !!!!!!!

فعلا الديباكين ليس مهدىء وابنتى تتعالج به فهو علاج لحالات الصرع ويقلل من حدوث الصرع ولكن لا يمنعه فالصرع ليس له علاج نهائى ينهى عليه مرة واحدة لكن مع العلاج المنتظم والطويل يقللها حتى تكاد تكون معدومة