والله العظيم عندك حق
عرض للطباعة
يا جماعة ممكن نلتزم بالموضوع
بعد اذنكم
كلام جميل شوفوا اول مشاركة شوفوا صاحب الموضوع كاتب ايه
قوالب نامت ايه وانصاص قامت ايه ده ايه ده هو ده مستوى حديث ؟؟؟؟؟؟؟؟؟اقتباس:
بما إن القوالب نامت والإنصاص قامت يا رجالة..والسكودا رابيد فور نزولها السوق إتشركِت بفضل المستهلك المصري وقارنها بكيا ريو ( مع إحترامي ليها طبعاً أنا من معجبيها بالذات في الشكل )..فقولت نعمل مقارنة صغير بين الرابيد وبين الريو..يالا علي البركة.
خليكم حياديين انا لما لقيت السيراتو نزلت بـ200 الف جنية قولت حرام وعملت موضوع جديد في القسم بكده في القسم عندي لاني بتكلم بحيادية بغض النظر عن اي شئ الناس بتاخد كلامنا في عين الاعتبار لما تشتري حاجة جديدة
شوفوا الموضوع بتاعي اهو اول ما السيراتو الجديدة نزلت
http://www.nilemotors.net/Nile/332269-2013.html
انما لما تلاقي عربية بـ160 الف جنية ومانيوال ومفيهاش الا ABS وتقول الله الله دا انت يبقى حرام عليك في الكلام اللي انت بتقوله
وانا اعتقد بل ومتأكد ان قسم سكودا فيه ناس حيادية وبتفهم في العربيات والمقارنات كويس وبتعرف تفرق
قبل ما تنصح شخص ما انصح نفسك اولاً
لو كلامي غلط حد يفهمني انا بتكلم بوجه عام وانتقدت كيا نفسها في القسم عندي
الف شكر على الموضوع و جزاك الله كل خير
وفعلا الاوروبى اوروبى ومحدش هيفهم معنى كلامى غير اللى ركب فعلا عربيه اوروبى وبالاخص المانى
بالنسبة للعضو
2CODE
يا فندم شركة فولكس فاجن لما اشترت سكودا وضعت بالفعل التكنولوجيا بتاعتها فيها
بدليل الفانتازيا بقت اغلى من الجيتا دلوقتى
هتلاقى محرك سكودا بقى المانى من فولكس
الفتيس بقى المانى من فولكس
عفشة المانى من فولكس
تكنولوجيا المانى من فولكس
بم ان كل الحاجات دى فى سكودا يبقى فعلا يتقال انها علامة تشيكية الاصل و لكن بتكنولوجيا المانيه
ياريت يا فندم تركب العربيه و بعدين تبقى تقول رايك
انا لما قولت راى سواء فى الرابيد او الريو
لانى ركبت الاتنين على الواقع
ومش معنى كلامى انى بقلل من الريو بالعكس
انا اول ما نزلت العربيه دى قولت انها كويسه و عاجبانى و ما زالت ولكن كل واحد و ليه ذوقه فى ركوب السيارات
------------------------------------
تحياتى
ردي هنا مكنش معني في الاصل بتحديد من مخطئ ومن مصيب
انا معني بوصول مستوي التحاور للدرجه التي لا تحتمل قبول واحترام الاخر والطعن في شخصه
وفرضا لو الطرف الاخر تجاوز ليك مطلق الحق انك تعلن رفضك ليه وتتوقف عن الحوار التزاما منك بادبه
ثانيا التجاوزات حصلت من طرفين القابهم تستدعي انهم يكونوا اكثرا التزاما بقوانين واعراف التحاور داخل المنتدي
واليات الاختلاف موجوده ممكن اللجوء اليها
معلش سؤال حضرتك بتقول قبل ما تنصح شخص انصح نفسك اولا
معلش حضرتك شفت مني ايه عكس كده :-)
وربنا يجعلنا ممن يسمعون القول فيتبعون احسنه
خلاص يا جماعة حصل خير،،لا داعي من تدني مستوي الحوار،،وفي الأول وفي الاخر سكودا أحسن من كيا بكل فئاتها ولا مجال للمقارنة بينهم،،بكل بساطة بدون عصبية،،اقل فيها هو اعتمادية كل واحده فيهم بعد ٥ سنين والعمر الافتراضي لكل جزء في العربيتين
ملحوظة،،الرابيد هتنزل منها نسخة أوتوماتيك،،انتظروا مني المواصفات كاملة اللي هتجيلي بكرة ان شاء الله واللي اكيد هتكون مختلفة عن المنوال
احسن ايه واوحش ايه حضرتك
مينفعش يكون هدف الحوار اثبات مين احسن من مين مع احترامي لحضرتك
احنا حوارنا غرضه الوصل لراي موضوعي بعيدا عن التحيز
كل عربيه ليها محبينها ولو اختلاف الاذواق لبارت السلع
محدش فينا اتعلم بلساهل ولا حد مش تعبان في فلوسه شقاه
فعشان كده احنا بنتناقش مع بعض عشان نتعلم ونعلم غيرنا بينا
وعشان يتقبل منا لازم يوصله اننا مش متعصبين لشئ ضد شئ من البدايه
طب لما هيه ديه الخلاصه لزمته ايه الكلام
ياريت قصدي يكون وصل لحضرتك
وشكرا
باشا،،كل الاحترام والتقدير لشخصك المحترم
لو حضرتك راجعت مواضيعي اللي بكتبها،،عمري ما عملت موضوع مقارنة عشان اقول فيها العربية دي احسن من دي،،لكن لو حضرتك بصيت علي الموضوع اللي اتثبت عن الرابيد هتلاقي من اول رد هجوم علي العربية ومقارنتها مع عربية اقل منها في المجمل العام. ولما الواحد يتكلم في الصح في موضوع تاني يتقال عليه انه مش منطقي و مش موضوعي وبيضلل الناس و بيضحك علي نفسه وعليهم،ومنحاز،،ويدعي علي نفسه الحيادية،ولو كلمته في نقط علمية زي net و gross كده يقولك سيبك من الكلام ده،،طب ايه صباح الفل يعني اومال انت عاوز تسمع انهي كلام؟؟ اللي يمجد في حاجتك بس؟
بالنسبة للتقليل من شأن الطرف الآخر فأعتقد اني مقللتش من شخص حد ولا لسِنت عليه بأي لفظ أو صفة !! لو حضرتك شايف غير كده واعيني وأنا أعتذر،،بخصوص القوالب والانصاص فأنا ممسكتش حد وقولتله انت قالب او انت نص!! جملة عابرة وقولتها في حديث،،زي لما واحد يقولك ده زمن أخبر أو الدنيا ماشية بضهرها،،ده يبقي قليل الأدب مثلاً ومش محترم وقهوجي عشان قال كده ؟؟؟؟؟؟ شر البلية ما يضحك
أحيط علم سيادتك إن العضو الفاضل ممثل فريق كيا في أحد المواضيع في قسمه قال في رد علي واحد (ده قصر ديل ) حاجة من هذا القبيل ،، تقدر تراجع مشاركاته،،فاذا كان هو متعود انه يكلم الناس بالاسلوب الساخر ده في قسمه،،فهو دخل القسم الغلط لأن محدش هيسمح بتجاوز هنا
وأخيراً ،، أنا جايز أكون اختلفت كتير في الرأي مع ناس،،ومنهم أستاذ أحمد عبد الهادي ،، الله يمسيه بالخير،، ممكن حضرتك تسأله إختلفنا كام مرة،،لكن ان لم تخونني الذاكرة عمرنا ما تجاوزنا في حق بعض في النقاش ،، حتي لو كان في سخرية في النقاش،،عمرها ما لمست شخص حد.. آسف علي الإطالة بس حبيت أوضح موقفي لحضرتك
تقبل تحياتي