المشاركة الأصلية كتبت بواسطة monamize4
معلش يا استاذى الفاضل انا ليا كام تعليق ع كلامك و الكلام دا عام مقصدش بيه المشكله اللى حصلت ف الموضوع دا
- مين هما الاعضاء القدام و مين هما الجداد ؟ بتحسبها بمين اشترك ف المنتدى الاول و لا بمين عدد مشاركاته اكتر ؟ و لا بتحسبها ازاى ؟ و حضرتك تقصد مين بكلمة (كلنا) ؟
اصل دى مش اول مرة اقرى الكلمات دى هنا ف المنتدى و متهيالى ان الكلمات دى بتشجع ع التفرقة بين الاعضاء
- حضرتك فاكر ان العضو القديم (حسب كلامك) بيفهم اكتر من العضو العضو الجديد (حسب تسميتك برضه ) ؟ او ان العضو القديم ليه مميزات عن العضو الجديد ؟
مش عارف اقولك ايه بس كذا مرة الاقى عضو (من الناس اللى عدد مشاركاتهم كتير او مشترك من زمان ف المنتدى ) قاعد يعدد افضاله ع المنتدى و قد ايه هو فاد الاعضاء و كلام من دا ,,, تقول فيهم ايه الناس دول و تفتكر ايه اللى وصلهم لكدا ؟
اقولك على مثال ,, انا مرة اختلفت مع احد الاعضاء اللى هما بيقولوا على نفسهم قدام ف المنتدى و طالبته بمصدر للمعلومة اللى بيقولها راح قايلى احنا متعودناش كاعضاء قدام اننا نطالب بعض بمصدر للمعلومة,, المهم انا اثبتله بمصدر رسمى ان كلامه غلط , فالموضوع مالوش دعوة بقديم او جديد و انا مطلبتوش بمصدر موثوق غير لما لاقيت معلومته بتتعارض مع معلومتى فا حبيت اراجع المصدر بتاعة يمكن يكون هو صح لكن للاسف فهمنى غلط و رغم كده العضو دا اللى بيقول ع نفسه قديم مقدرش يقول انه غلط !!!!!!!!! و اكيد حضرتك عارف المشاكل اللى حاصله ف احد الاقسام هنا ف المنتدى نتيجة التصرفات الغريبة من بعض الاعضاء
عامة ميخفاش على حد ان المنتدى بيتجه للاسوء مش الافضل و الادارة تتحمل جزء كبير من المسئولية ,,,,,, انا عن نفسى متابع ف احد المنتديات الاجنبية و لما اشتركت ف المنتدى اهملت المنتديات الاجنبية و اخدت فترة كبيرة متحمس للمشاركة هنا بس للاسف رجعت تانى للمنتديات الاجنبية لان الامور هناك مختلفة شوية
اتمنى انك تتقبل كلامى بصدر رحب