الحقونـــــــــــا

**aboyahea** · 01-06-2013 08:53 PM

السلام عليكم ورحمه الله وبركاته ... من حوالي اسبوع تم شراء عربيه toyota corolla 2007 1300cc بموصفات خليجي طبعا مش بتاعتي يا جماعه انا لسه مش معايا الا حق الشطنه والكبوت بس واذا جابهم اصلا .. المهم تم البيع بمبلغ 93000 جنيه من مدينه ديرب نجم شرقيه من تاجر طبعا وقال ان جايبها من واحده ست من الاسماعيله والعربيه رخصه الاسماعيله ب90000 جنيه وهوا ركبلها جنط 17 وطبعا غيره مكسبه فيها يعني زود عليها 3000 دول المهم مع احضار ميكانيكي وقال العربيه نضيفه واجمع الموجودين من انها عربيه نضيفه جدا والتاجر قال انها متلقطه بس غير كده مش فيها حاجه وتم دفع المبلغ بالكامل واخذ العربيه في وقتها .... المهم ماعداش يومين طبعا العربيه بيضه والجنط 17 ومخليها بسم الله ماشاء الله عليها عروسه راحت مخبوطه من الجمب اليمين وشال معاها المرايه ... صاحب العربيه قال الحمد لله اهيه خديت العين المشكله بقا بيبص علي الصاجه لاقها واخده شكارتين محاره وطلعت راشه بالكامل مش ملقطه زي المعلم ما قال .. طبعا انا عارف اني صاحبي ده غلطان من ساسه لراسه لان الناس الي كانت معاه اتحيلوا عليها يا ابني سيب فلوس وهات بكره سمكري يبص عليها احسن قالهم لا الليله يا عمده .. دلوقتي انا عاوز اعرف عربيه بالحاله ديه تعملها كام ؟؟؟؟؟وهل انضحك عليه ولا لا وهل التاجر ده كده كدب عليهم ولا كلمه ملقطه ديه بقت دلوقتي رشه ولا ايه الدنيا .. وانا اسف للاطاله والف شكر

**lamada** · 01-06-2013 09:10 PM

عادى بقى قدر الله ما شاء فعل و مش هتفرق كتير

**p r i n c e** · 01-06-2013 09:14 PM

خلاص مش هيفيد بحاجة الندم
ملقطة ولا مش ملقطة كدا كدا راشة برا
و دا ميعيبش العربية

**aboyahea** · 01-06-2013 09:16 PM

ماشي يا جماعه ما الي حصل حصل بس عاوز اعرف هل سعر العربيه كده مناسب ولا غاليه ولو غاليه غاليه قد ايه ..؟

**aboyahea** · 01-06-2013 09:23 PM

يا جماعه ما احنا خلاص حمدنا ربنا علي قد كده بس عاوز اعرف هيا كده عدلها ولا زايده ولو زايده زايده كام ..؟؟

**Mo.Kareem** · 01-06-2013 11:52 PM

العربية مش غاليه قوى لو اوتو ومش راشه جوه وحالة الصالون فبريكة ، هى غاليه من 3 : 5 الف جنيه بس
وربنا يديك خيرها ويكفيك شرها

**ana** · 02-06-2013 02:34 AM

لا غاليه لانى معايا واحده 2007 خليجى اعلى فئه اوتوماتيك فتحه سقف وجنوط وسبويلر و راشه بره ومش جايبه غير 85 بالعافيه

**magyver** · 03-06-2013 05:55 PM

دة لطة صااحبك انة مخادشي معاة حد بيعرف يتفرج علي العربيات
هيا غالية هيا مش غالية قوي علشان 2007
لو جديدة من جوة والحالة العامة ممتازة مش كتيير 93

**tananybasha** · 05-06-2013 12:18 AM

انا بايع عربية 1300 اتوماتيك كامله
بس فيها كماليات و جنوط
وراشه بره ماعدا كبوت و شنطه و سقف ب 90000
السعر مش غالى قوى
هى فيها 4000 او 5000 زياده

**tananybasha** · 05-06-2013 12:19 AM

المشاركة الأصلية كتبت بواسطة ana

لا غاليه لانى معايا واحده 2007 خليجى اعلى فئه اوتوماتيك فتحه سقف وجنوط وسبويلر و راشه بره ومش جايبه غير 85 بالعافيه

ادينى بيانات العربية و صورها و انا اجيب لحضرتك زبونها يا باشا
طالما ان الرش من غير حوادث
و طالما الدواخل سليمه

الموضوع: الحقونـــــــــــا

LinkBack

أدوات الموضوع

عرض

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة