سوالين في جراند بونتو 2013 عن الفتيس و ال aux

**totosaga** · 01-06-2013 09:12 PM

السلام عليكم. الحمد لله اشتريت جراند بونتو فئة راسينج بس ما استملتش الكاتلوج المفروض اروح استمله من التوكيل بس انا مشغول اليومين دول. انا بس عندي سؤالين. الاول بخصوص الكاسيت لما ادوس على زرار الاوديو يظهرلي في الشاشة mp3/cd/aux وانا مش لاقي اي مدخل aux اساسا (يعني المفروض يركب في التوكيل ولا ايه). السؤال الثاني للي عنده الفتيس الغريب الدوال جيك هو عادي بعد المطب العربية تطنط مني او لو في الزحمة كل ما اجي اقف واتحرك وبعدين الطريق يقف تاني (والعربية لسه على الغيار الاول) و اجي اشيل رجلي من على دواسة البنزين الاقي العربية بتطنط مني انا جربت الموضوع ده سواء الفتيس مانيوال .او اوتوماتيك او حتي على نظام ايكو بردو مافيش فايدة. انا متعود على السواقة سواء المانويال والاوتوماتيك لكن الاختراع ده شكله عيكرهني في العربية يا ليت لو حد يقولي الخلاصة في الحوار ده اتعامل معاه ازاي خصوصا اني قريت موضوع هنا عن الموضوع ده بس مافيهوش حل.

**aliabdo** · 02-06-2013 01:09 AM

الكتالوج المفروض بيكون فى العربيه انت شارى من عند مين ؟
الاى يو اكس الى اعرفه انه بيتركب و ممكن تعرف من التوكيل اكتر او لو رحت انا قريب حسئل لك
الفتيس حتتعود عليه وحد وحده عموما دور فى المنتدى حتلاقى مواضيع بتشرح الفتيس ده شغال ازاى
و الف مبروك العربيه

**totosaga** · 02-06-2013 01:20 AM

المشاركة الأصلية كتبت بواسطة aliabdo

الكتالوج المفروض بيكون فى العربيه انت شارى من عند مين ؟
الاى يو اكس الى اعرفه انه بيتركب و ممكن تعرف من التوكيل اكتر او لو رحت انا قريب حسئل لك
الفتيس حتتعود عليه وحد وحده عموما دور فى المنتدى حتلاقى مواضيع بتشرح الفتيس ده شغال ازاى
و الف مبروك العربيه

اشتريت من عند الطارق وحتى الاريال ماكنش موجود ورحت جبته من المخازن بتاعتهم والاستلام مكتوب فيه ان الكاتلوج ناقص. بالنسبة للفتيس كله المواضيع هنا زي ما قلت كلام نظري مفهم المهم الخلاصة و التطبيق من اصحاب الخبرة انا مشكلتي في الغيار الاول بس لما اجي اطلع وبعدين اجي اقف اول ما اشيل رجلي العربية تطنطط اكيد فيه طريقة اوحاجة انا مش عارفها و الله بيفكرني اول ما اتعلمت سواقة على عربية لادا

**aliabdo** · 02-06-2013 08:36 AM

طيب بص انا عندى حاجه شبه كده مع ان عربيتى منيول الحل انك اول غيار ده متقرصش عليه يعنى وحده وحده لحد ما تاخد التانى
انا شارى من عند الطارق و الكتالوج و الاريال كانو فى العربيه

**Formulator** · 02-06-2013 02:33 PM

السلام عليكم،

بالنسبة للفتيس الأول -انت بتتكلم فـ نقطتين:

- بعد المطب بتنط: لأنها بيتعمل downshift من الـ2nd (اللى انت داخل بيه عـ المطب معشق) للـ1st؟!!
طبعا: انت عارف تسقيط من الثانى للأولانى فـ فتيس مانيوال تعمل أيــــــــه؟؟
عايز تتأكد: عينك عـ الـdisplay بين العدادات.. هتشوف انها بتسقط من 2nd لـ1st

الحل: لما تيجى تطلع بعد المطب بلاش تكبس بنزين accelerator جامد!
أو تظبط رجلك عـ الدواسة بحيث انك تطلع وتنزل من عـ المطب - على نفس النقلة (سواء 2nd أو 1st)!!

- المشكلة التانية: الطلعة عـ الـ1st وانت كابس وبعدين لقيت junction زحمة/الطريق وقف::
اللى بيحصل ان الفتيس بيبقى خلاص هينقل عـ الـ2nd>>> وفجأة:
انت بترفع رجلك مرة واحدة abrupt فـ طبعا بيلغى كل الـpre-order ده، ويحصل juddering أو lengthwise-shaking إهتزاز للعربية قدام وورا؟!!

(كمان: رفعت رجلك مرة واحدة من عـ الأكسيليراتور دى: الـBrake-Assist بيفهم انها emergency وانك ممكن تدوس فرامل.. فـ بيفصل طلمبة البنزين)!
وبيهيأ الفرامل لدوسة lock -- فـ لازم يحصل كده!

الحل: ماترفعش رجلك مرة واحدة كده - خليك smooth سواء فـ الـlift-off أو الطلعة!

نصيحة بقى:
1- بلاش تمشى عـ الـEco-mode خالص! هيخنق معاك العربية؟!! هو آه بيوفر % بنزين!
بس لو رجلك مضبوطة عـ الدواسة وسواقتك سلسة:: مش هتحتاجه!
خليك عـ الـNormal-mode أو سواق مانيوال من الـgear-stick أو الشيفتات.

2- طبعا انت فاهم: فـ الزحمة والإشارات -تمور/الفتيس على N على طول!!

دا بالنسبة للـDualogic،

**Formulator** · 02-06-2013 02:54 PM

بالنسبة للـAux-in input

هأفترض ان عربيتك مفيهاش Blue&Me (أنا معرفش بس الـSporting مفروض فيها)؟!!

anyway
- لو الـHead-Unit عندك زى بتاع البونتو Evo: وأعتقد هى كذلك!

فيه ماركتين راديو/CD بينزلوا: واحدة Grunding Blaupunkt أو Delphi - الإثنين مختلفين فـ الـsockets اللى فـ ظهر الـunit؟!!
معظم اللى نزل مصر كان Blaupunkt جروندج ألمانى!

>> معرفش هتعرف تفك الـHU ولا لأ (هى سهلة وأى مركز نظيف هيعملها أدريان/أمبير...etc)!
مش لازم التوكيل - بس هأقولك عـ الطريقة الـDIY::

الأول هتشترى كابل زى ده من راديوشاك:
إسمه 3.5mm Aux-input اللى بيشغل iphone/ipad/android

بعد ماتفك الـHU وتخرجها لبرا

مكان الجاك/الـpin أهو، وممكن تراجع الـHarness/Wiring-diagram الورقة الملزوقة عـ اليونت

- هتسقط الكابل من ورا الـHU وتنزله لتحت: من ورا كنترول التكييف:

- وتوصل عـ الـsocket فـ ظهر الـHU بتاعك (لونه أصفر أو أزرق عادى، ومعاه aux-input جاك لونين)

تقفل وترجع كل حاجة زى ماكانت وتشد طرف الـAux كابل من تحت -قدام الفتيس:

كده المفروض لما تقلب من الزرار: مايقولكش source not found؟!!
Enjoy يابرنس!

Rgds،