بصرف النظر عن المعلومات القيمة الي بتتقال فعلا
حلوة قوي روح الود والتعاون دي هههههههههه
عرض للطباعة
الف مبروك يا زعيم
و ربنا يحفظها لك و يديك خيرها و يكفيك شرها
سؤال مهم جدا ... ايه اخبار العربية فى الحر ده خصوصا مع تشغيل التكييف؟؟
هل بتسخن؟ هل في مؤشر حرارة اصلا؟؟ قوة الموتور عاملة ايه فى الحر؟
صوت ال Alarm بتاع الحزام بيقف بعد دقيقتين من بدايته بعد ما تتحرك. بعد ما يكون زهقك عشان تلبسة.
ولو عاندت معاه اكتر وكملت الدقيقتين وملبستوش واستحملت زنه. هوا هيسكت ويقول انا عملت اللي عليا.!
ولو وقفت بالعربية واتحركت تاني عادي, مش هيزن
أما لو فتحت الباب من غير ما تنزل او نزلت. واتحركت من جديد. هيبدأ نفس الزن من أول وجديد.
أنا عن نفسي بلبس الحزام حتي لو جوا البلد.
ولو عايز تتخلص من الزنة ممكن تربط الحزام قبل ما تقعد وتقعد الكرسي ويبقي الحزام ورا ضهرك.
او لو مفيش حد معاك ممكن تربط حزام الكرسي التاني في سوكيت الحزام بتاعتك اللي جنب الكرسي بتاعك.
بس في كل الاحوال الحزام امان حتي لو جوا البلد.
ممكن تقول انا ماشي جوا البلد او في مكان نضيف ومش هيحصلي فيه حاجة
ويجي حد غشيم والغشم كتير يخبطك خبطة جامدة وتفتح الاير باج وانت مش لابس الحزام وتبهدلك جامد وممكن تسبب لك كسور في الرقبة كبداية.
http://www.nilemotors.net/Nile/361024-a.html
ربنا يستر طريقك وطريقنا.
والحزام أمان.
الف مليون مبروك عليك الجميله 301
انا والله بفكر فى العربيه ديه بس قولت استنى شويه اشوف راى الاعضاء مالكى العربيه
وانا شايف ان العربيه ديه سعرها هيطير على اخر السنه
ربنا يكفيك شرها ويديلك خيرها
تحياتى
النهارده الصبح زودت عجل العربيه الى 32 ومشيت بيها حسيت بفرق فعلا احساسى بالحفر والمطبات قل جداااا
على فكره انا كنت مضبط العجل على 30 ( بمقياس العادى مؤشر) لكن لما رحت النهارده ازود ل 32 ( مقياس ديجيتال ) الرجل قاللى انها كانت مضبوطه على 28 استغربت !! واضح فعلا زى الناس اللى نصحونا قبل كده لازم نطمن على ضغط العربيه عند محلين او تلاته للاطمئنان علشان كل واحد مقياسه مختلف عن التانى
وسالته على نفخ العجل نيتروجين قالى انها ب 20 جنيه للاربع عجلات بس لسه مش حاحول للنيتروجين دلوقتى لما اقيس مستوى استهلاك البنزين الاول
بسم الله ما شاء الله
ألف مبروك .. ربنا يبارك لك فيها و يحفظهالك.
الف مبروك ربنا يديك خيرها ويكفيك شرها
نسيت اقولكم حاجه
بالنسبه للترخيص كالاتى :
لازم يكون معاك ورق المبايعه من المورد للمعرض و مبايعه من المعرض ليك وافراج جمركى وشهاده بيانات للعربيه : اهم حاجه يكون فيهم رقم الشايه و لونها وطبعا انها بيجو 301 وانها 1587 سى سى وموديل 2014 ويكون وكمان معاك صورتين للبطاقه بالنسبه للمصاريف :
10 دوسيه والورق
320 تامين 3 سنين
140 طفايه حريق
45 ورق الفحص والتجديد 3 سنين
1033.5 ضريبه وحاجات كتيير كده
وطبعا البقاشيش
واستلمت الرخصه فى نفس اليوم
وصورتها و صورت البطاقه و اديتهم لسمير ريان علشان يدينى الضمان قاللى كمان اسبوع او عشره ايام حنكلمك ونديك الضمان
الف مبرووووووووووووووووكككككك كككككككك
الف مليوووووووووووون مبرووووووووووووووك
الف مبروووووووك
متابع بشغف
الله يبارك فيكم
وشكرا لمروركم الكريم
بارك الله لك فيها و آتاك خيرها و كفاك شرها
عندي سؤال بس يا جماعة لأني بفكر ان شاء الله اشتري العربية دي. و ناوي اشتريها بالتقسيط من شركة اسمها "المباشر" و كان اسمها قبل كدة "العالمية". حد عنده فكرة عنهم و عن التعامل معاهم أخباره إيه؟
و جزاكم الله خيرا.
لو سمحت عايز اعرف مكان رقم الشاسية فين فى البيجو 301 علشان وقت الترخيص ؟
الف مبرووك يا باشا
وشكرا جدا على المجهود الرائع دة
الف مليون مبروك ويارب يكفيك شرها ويديك خيرها
الف مبروك
وتحياتي علي تقريرك الوافي ..
الف مبروك يا باشا انشاء الله البيجو بيجو بس لي ملحوظة على ضغط الكاوتش طول عمرنا بنظبطه 28 فى البيجو و اللانوس و اللانسر و بتبقى العربية جميلة حتي كتالوج عربية منهم كان كاتب 30 بس كانت العربية ناشفة شوية و لما ضبطه علي 28 بقت كويسة و الف مبروك مرة أخري و شكرا علي مجهودك فى التقييم
حجزت 301 النهارده
مبدئيا انا رحت المركز الرئيسي اللي في صلاح سالم الفئات اللي كانت هناك المانوال والبيزلاين والهايلاين.
انا كنت نازل اصلا متردد شويه وكنت رايح اجيب لانسر شارك 2014 اول فئه ب 137000 او نيسان صني 2014 الشكل القديم ex ب 109000 ( طبعا سعرها الرسمي 100000) وال 9 دول اوفر برايس نزلت طبعا ع نيسان الاول ولما شفت العربيه ع الطبيعه وتجهيزاتها الفقيره جدا يعني هي اوتوماتيك وايرباج واحد للسواق وفرش قماش وطاسات اخدت قرار وقتي برفضها واستبعادها 90% وال 10% دول بحيث اني ممكن ارجعلها تاني ومشيت خرجت ع اللانسر شارك طبعا الفئة الاولى سيئة التجهيز جدااا وكمان من غير اسبويلر ف خلي شكلها وحش والنقطه الاهم السعر عالي اوي 137 بالنسبة للتجهيز الفقير دا وبصراحه مش مقتنع بيها اصلا ..
المهم خرجت بقي ع خط سيري الاخير 301 وانا رايح متردد شويه وحاسس اني بردو هطلع من هناك ايد ورا وايد قدام دخلت التوكيل وقعدت مع الموظف مقابله كويسه وناس كويسه ودخلت افحص العربيه حته حته.. والله من اول نظره بس عليها حسيت اني اخدت القرار ان هي دي ولسه حتي مفتحتهاش ولا لفيت حواليها .. بدات بقي القي نظره متفحصه للشكل الخارجي من قدام والجنب وورا اقل حاجه تقولها روووووووعه وشكلها ع الطبيعه يختلف كتير عن الصور واجهه مميزة جدا جدا بشبك عريض وعلامة بيجو وفتحات تهوية وتناسق مع حجم وجسم العربيه الجنب بقي ممتاز جدا انسيابيه جيده وتصميم هادئ وحيوي في نفس الوقت ومحدش يسئلني ازاي عشان مشعارف .الشنطه والضهر بصراحه كنت مسترخمه في الصور بس الطبيعه اختلفت كتير ..نيجي بقي للشغل التقيل الداخل انا في اعتقادى الشخصي مفيش عربيه في السوق كله من نفس الفئة بالجمال والهدوء واناقة التصميم والارتياح من دخلتك المقصوره .قعدت ع كرسي السواق وقفلت الباب وظبطت الكراسي ع قعدتي وكنت حاسس اني فعلا قاعد في عربيه مختلفه اوروبي بمعني اصح (خصوصا اني قارنت بالشارك والصني ) الصالون واسع جدا وقعدة الكراسي اللي قدام مريحه جداا وتحس انك اتمكنت من العربيه (مع اني مسوقتهاش) الطابلوه جميل جدا مع العدادات وشاشه عرض المعلومات اللي في نص التابلوه والوان اضائته وباقي التابلوه منظم ورائع جدا الصراحه .كرسي السواق بصراحه مريح جدا وبصيت ع اجناب العربيه من قدام كنت حاسس انها بعيده او مش شايفها يمكن عشان الشمس كانت ضاربه في عيني او لسه مسوقتهاش ف متعودتش عليها يعني طبعا شغلتها وشغلت التكيف ع اعلي درجه كنت الساعه 2 الضهر وكان اكتر من ممتاز برغم مشاركات الاعضاء اللي بيأكدوا انه بيتحسن بعد 3000 كيلو (مش فاهم هيتحسن اكتر من كدا ولا قصدهم ايه) ماعلينا ..
نزلت طبعا من قدام وقعدت ورا وكان معايا صحبي قعدنا ورا احنا الاتنين وكنا مرتاحين جدا ورجلينا مفروده وفعلا العربيه واسعه بطريقه غريبه..بالنسبه للخامات والتقفيل فبصراحه قررت اني انسي بقي حاجه اسمها ياباني وكوري ..فعلا الاوروبي اوروبي ..
الشنطه بقي ماشاء الله حجمها مش طبيعي من كبرها مش فاهم يعني ام المهندس اللي مصممها وسعها اوي كدا ليه بجد واسعه بااعجوبة اعتقد ان طولها متر كامل وعرضها كذلك مع انه كان ممكن يصغر مساحة الشنطه شوية ويكبر الصالون اكتر وساعتها كان هيبقي انتريه :D
صاج العربيه قوي وجدا ومتين والدهان ممتاز وكل الوانها روعه بصراحه لدرجة اني اصلا كنت رايح مستبعد 3 الوان وبفضل 3 تانين لما شوفتهم ع الطبيعه عكستهم بقي :D بتحصل بتحصل :D
حجزت الاسود اول لون والبترولي والفيراني ..الفئة المانوال ب 107900 البيزلاين 124000 الهاي لاين 135000 انا جبت المانوال دفعت حجز 10000 ولو اني كنت هموت واجيب الهاي لاين بس اضطريت اجيب المانوال عشان والدي مش بيحب الاتوماتك ومش متعود عليه (معلش بكره يعرف غلطته):D
طبعا الفئات الاعضاء مشكورين جدا اتكلموا بالتفصيل الممل فمش هحكي فيه..كمان العربية عاليه عن الارض افتكر 16.6 والاكصدامات اللي ورا واللي قدام عاليين اكتر من البدي نفسه كمان..
كمان اخدت ورقه بااسعار قطع الغيار
فلتر هواء 50
فلتر بنزين 40.5
فلتر زيت 48
فلتر تكييف 134
ذراع ميزان امامي 85
تيل خلفي 550
طقم دواسه 354
اكصدام امامي 2230 خلفي 1845 (متهيالي غاليه شويه)
برابريز امام 998
مرايه كهربا 624 زجاج المرايه 66
مساعد خلفي 239
فانوس خلفي شمال او يمين 591
كشاف شمال 1274
طنابير امامي 636
مارش 1204
بوجيه 33
غماز رفرف 22
طلمبة بنزين 788
طقم كاتينه 481
كبوت 2333
بلية مجموعه 494
كصدام امامي 2230
تيل امامي 424
في النهاية هقولكم والله انا من اول بصه ع العربيه وانا قررت اني هاخدها ان شاء الله وارتحت من ام الحيره اللي كنت فيها بصراحه تستاهل سعرها بالنسبة لامكانياتها وشكلها وتجهيزاتها حتي الفئه الهاي لاين تستاهل 135000 وروعه وان شاء الله تنجح في السوق وتاخد الشو من عربيات كتير ..
انا هستلم في حدود شهرين ان شاء الله .ادعولي:)
اعذروني لو في اي اخطاء وربنا يبارك لاي حد فيها ويديله خيرها ويجنبه شرها
استاذي الفاضل أولا مبروك على الحجز بس انا كنت هناك الساعة 3 ظهرا و لم يكن هناك إلا سيارتين 301 هاي لاين ومفيش مانويل أو اوتوماتيك بيزيك و لكني موافقك إن العربية هايلة من كله بصراحة و خصوصا إنى ركبت البيجو بتاع زمان 504 و 505 و بصراحة أحلى عربيات يمكن ركوبها و اتمني أن تكون ال 301 مثلهم فى الكفاءة طبعا مع فارق الزمن
اعتقد اني شوفت حضرتك فعل هنااك ولو انت اللي جيت اتفرجت ع الفيراني اللي كانت مفتوحه وفي حد اتنين كانوا واقفين جنبها فهو انا :d انا وصاحبي :d
هو كان في مانوال اللي كانت في وشها الفضي والموظف قالي ان هي الشركة نزلتها كدا فئة مابين المانوال والاوتوماتك مش بتتباع يعني بس قبل ماحضرتك تيجي انا كنت خلصت الاجراءات وحجززت وخلصت وانا طالع مروح دخلت تاني اتفرج عليها :d
الفئة المانوال دي كانت نفس الفئة اللي هستلمها بس من غير السي دي والبلوتوث والجنط البيز لاين بقي كانت واقفه بره بس والله مش متاكد هي كانت تبع المعرض ولا تبع حد
عموما انا حجزت الحمد لله وربنا يسهل بقي هعمل موضوع تاني دلوقتي باسم حجز بيجو 301 بتاريخ جديد
مبروك للحاجزين كلهم