انا اللي مضايقني و معصبني ان الهاي لاين مفيهاش فتحة سقف و مرايات ضم او حتى اشارة في المرايات
عرض للطباعة
انا اللي مضايقني و معصبني ان الهاي لاين مفيهاش فتحة سقف و مرايات ضم او حتى اشارة في المرايات
متابع
انا عامل بالعربية 180 كيلو فقط ( اتوماتيك الفئة المش هاى لاين ) وملاحظتى على العربية ( انا مش خبير لكن سائق عادى جداا )
* العيوب:
- الكبوت مش قوى من عند مساحات العربية ضعيف جداً
- لما بشيل ريجلى من على البنزين والسيارة مازالت تتحرك بسمع صوت بس مش عالى زى الزنة وكذلك لما بدوس على الفرامل والعربية لما بتكون ماشية في طريق زحمة جدا بسمع صوت لما بدوس فرامل
- صوت العربية عالى بس مش عالى جدا
- عزل العربية مش كويس
- النتشة من الاول الى الثانى مش عاجيبنى خالص واضح جدااااااااااا لو حابيت ازود بنزين بحس انى بحرق على السيارة زى المانيوال
- صوت العربية بيزيد وبيعلا لما بعدى سرعة 100
* المميزات
- العربية خاماتها من الداخل كويسة اوى
- واسعة جداااااااا من الداخل الكنبة والكراسى مريحة ، وشنطة العربية واسعة جداا
- العربية عالية جداااااااااااااااا من على الارض
- اول مرة في حياتى اجيب 140 والعربة ثابتة جدااااااااااا وماكنتش خايف خالص على طريق n.a وحاسس انى متحكم في السيارة عكس الاكسنت حبيبتى
- العربية سريعة مجرد ان احط رجلى على دواسة البنزين العدد بيقرب من سرعة 100 علاطول :) ولوسرحت العداد شغال
- الفرامل تحفة ( الله أكبر )
في مجمل السيارة كويسة جداا
سؤال هل يمكن اركب فيها سينسور ركن وسعرة كام في التوكل ولو ركبته خارج التوكيل هل بيلعب في ضفيرة العربية وبتخرج برة التوكيل ؟
ربنا يباركلك فيها
بص ياباشا ان شاء الله الصوت العالى ده بيقل تدريجيا لحد ماتوصل ل 3000 كم
بالنسبه للاصوات ال حضرتك بتسمعها اسأل عليها وقولهم عليها فى صيانة ال 2500 كم
و بالنسبه للنتشه اعتقد حضرتك اكيد شاريها من بره التوكيل يعنى هي نازله من كذا شهر
لان التوكيل فيه سوفت وير جديد بيصلح النتشه دى برضو هيتسطب فى صيانة ال 2500 كم
ولو حضرتك متعرفش صيانة 2500 دى بتبقا تشييك على السوائل و تربيط العفشه تنزيل السوفت ويير فقط مش بيتغير حاجه ولا حتلا الزيت
اول صيانه فعليه فى صيانة ال 1000 كم
من فضلكم بعد اقتناعى بكلامكم المحترم عاوز اسأل عن الوانها المتاحة وانا شايف ان لون الفرش الداخلى فى اسود وفى بيج هل ده متاح فى الهاى لاين ؟ولا ده حسب طلبى؟
البيزلاين كمان فيها البلاستيك الأسود
ازاى بيتم نظافة التبلوه والابواب من الداخل انا حاسس انه بيلم تراب بسرعة اوى استخدم اى نوع من المواد
انا اخويا جابلى فوطه كده عامله زي القطيفه ماشاء الله بتمص التراب
جربتها ع البلاستيك و التابلوه و الابواب ميه ميه
حاول تجيب فوطه ناعمه
و ممكن تبص ع الميكروفيبر دى
Car Washing Gloves with Super Meitt Microfiber for all cars,motorcycles and households في مصر, الإسكندرية, القاهرة | سوق
العفو ,, اي خدمه
يابو هنا اهلا بيك
استاذ حاتم صاحب الموضوع مدخلش بقاله زمان جدا
هى العربيه الحمدلله تمام مع الناس و محدش اشتكى من اعطال تعيب العربيه يعنى
و هي بدات تنتشر جامد فى الشارع و ان شاء الله ربنا يهديك للاحسن
و انزل اتفرج على العربيه افضل
او تابع مواضيع المنتدى انا عملتلك بحث
حاول تقرا على قد ماتقدر و قرر بقا
http://www.google.com.eg/cse?cx=part...301&gsc.page=1
الف مبروك اخي الكريم .
بالنسبه لضغط الاطارات انا املك بيجو 206 يوجد ملصق على جنب الباب الامامي جهة السائق يبين قياس الاطارات وضغط الهواء اللازم التي تنصح به شركة بيجو مثلا عندي اطارات 165 /85/r14 ضغط الهواء يكون 33 .
ايضا عندنا في فلسطين منتشر ما يسمى باطارات التيوبلس - اي يتم ازالة الكوشك الداخلي ويفضل الخارجي ويتم بعدها تعبئته بالهواء - ايجابياته اذا انخرم الكاتشوك تسير معك العربيه مسافه قبل ان ترتاح على الارض مو مثل الجواني يقعد على المطرح - سلبياته انك بحاجه دائما الى ظبطه كل يومين او ثالثه .
تحياتي
ياجماعه انا هقسط تبع التوكيل (صلاح سالم) تبع شركه تبعه ليهم اسمها رواج برجاء من عنده معلومات برجاء الافاده ضرورى لانى حيران بين رواج ولا بنك فيصل الاسلامى
بنك ناصر اسلامى؟ ممكن تفاصيل
تقرير ممتازززززززززززز
راجع الرد دا,
http://www.nilemotors.net/Nile/39669...post3875356864
انا سألت في التوكيل عن الشركة دي... انا هحاول افتكر التفاصيل على قد ما أفدر
اولا:هما بيقسطوا بفايدة 8.8 % سنويا مع البنك الاهلي المتحد
الإجراءات: بتملا ابلكيشن القرض في التوكيل (مندوب الشركة متواجد في التوكيل) بعدها ب 24 ساعة بيتصل بيك مندوب الشركة عشان يعمل معاك مقابلة غالبا بتكون في مقر عملك بيسألك شوية اسئلة عن شغلك و دخلك و يعدها ب 48 ساعة بيرد عليك اذا كانوا يقبلوا تقسط معاهم ولا لا و يطلبوا انك تقدم الورق اللازم للقرض ( جواب مفردات مرتب - صورة بطاقة - ايصال كهربا او غاز - مش عارف بصراحة بتقدم عرض سعر ولا هما بيتصرفوا مع التوكيل على طول)
بعد كده هيبعتوك عشان تفتح حساب في البنك الاهلي المتحد ب 1000 جنيه على الاقل بصفتك عميل للشركة و تطلع بيه دفتر شيكات عشان تمضي شيكات القرض ( ال 1000 جنيه تقدر تسحبهم بعد ما تطلع دفتر الشيكات) وبعدين ترجع للشركة و تمضي شيكات بقيمة القرض
تستلم العربية من التوكيل و تكمل اجراءات التأمين و الترخيص.الرخصة طبعا بيبقى عليها حظر بيع و بتعملهم توكيل. الاقساط بتسددها في اي فرع للبنك
المميزات: مش بتحتاج تحويل مرتب - سرعة الاجراءات ( مش بتحتاج اكتر من اسبوع على حسب كلام مندوب الشركة)
العيوب من وجهة نظري : نسبة الفايدة ممكن تكون عالية شوية
اتمنى اني اكون افدتك يا باشا و انا تحت امرك في اي استفسار
هو ليه عداد السرعه فى البيجو 301 اخره رقم 200 مش 220 زى باقى العربيات سواء نيسان صنى او لانسر او يارس ؟؟
وقوه الماتور كام فى البيجو 301 ؟؟
البيجو الموتور بتاعها 115 حصان.
والعداد أخره 200 لأنها مقفولة لأنها مقفولة ألتكرونياً علي 188 كيلو متر زي أغلب العربية من لانسر أو ياريس.
فيه ناس ممكن تلغي ال Speed Limit دا عن طريق الكمبيوتر بتاع العربية والعربية هتجيب سرعة أعلي توصل ل 220, ولكن دا مش هيبقي أمان لأن كل العربيات الأقتصادية زي الانسر بومة أو يارس أو حتي بيجو 301 السرعة القصوي فيها اللي المصانع شايفاها مناسبة بالنسبة لتصميم العربية من ناحية الفرامل و من ناحية تحمل الحوادث هوا 180 ل 190 كيلومتر في الساعة.
فيه عربيات كتير ياباني وكوري و حتي أوروبي عدادها هتلاقيها كاتب 220 و 240
لكن في الحقيقة أقصي سرعة العربية بتجيبها وهيا Factory default بتكون 180 ل 190
أنا كان معايا لانسر بومة قبل البيجو وكانت أقصي سرعة بتجيبها علي طريق مستقيم حتي لو دايس أخر الدواسة لمسافة طويلة هيا 180,
ولما كنت أطلع كوبري وأنزل كانت تجيب 190 في المنزل وترجع لل 180 بعدها بشوية تاني,
وليا أصدقاء كسرو ال Speed Limiter دا عن طريق الكمبيوتر وكانت بتجيب 220 ومصورينها قافلة العداد وممكن ابقي ارفع لك الصورة, لكن دي مش شطارة لأنك بتمشي فوق حدود العربية وبتدخل في منطقة المجهول.
مساء الخير
انا من اصحاب سياره بيجو 301 ومن اوائل الى استلمو فى شهر 5 --2013
وبصراحه السياره ممتازه معايا وانا سعيد بيها جدا جدا ومرتاح معاها
ولكن بالصدفه قراءت الموضوع ده عن مشكله خطيره فى ماتور بيجو 301 بتخليها تقف بدون سابق انذار واحب اسمع اراء المتخصصصيت فى هذا الموضوع ده للاطمنان وده روابط مباشره للموضوع
البلاد الحدث / عطب مفاجئ بـ "بيجو 301" و "سيتروين سي إليزي" يهدد أرواح الجزائريين
البلاد الحدث / بيجو تعترف بـ "فضيحة 301" وتستدعي الضحايا المتضررين
الخبر اللي بتتكلم عنه دا خاص بالمواتير ال ١٢٠٠ سي سي زي ما أستاذ egypt0 وضح لك.
لو كنت قريت شوية في الخبر اللي حضرتك حاطط اللنك بتاعه هتلاقيه بيقول
"وراجت أنباء عن تعرض محرك سيارة ”بيجو301 /1,2 بنزين"
وأحنا معندنش في مصر مواتير ١٢٠٠ ولا حتي مواتير ٣٠١ ديزل,
وعندنا في مصر المواتير ال ١٦٠٠ فقط ودي نفس مواتير ال ٣٠٧ ودي مفهاش مشاكل وفيها تعديل بسيط عشان تحسن إستهلاك البنزين وتطلع هورس باور أعلي.
والموضوع دا كان أتطرح هنا قي المنتدي لو حابب تقري فيه.
http://www.nilemotors.net/Nile/401953-301-1-2-a.html
الف مبروووك
على فكرة العداد اخره 220 بس اخر واول رقم مكتوبين . (نقطة)
يعنى هتلاقى الصفر برضه مش مكتوب بس مكانه موجود والـ 220 كذلك والار بي ام كذلك ، الـ 0 و الـ 7 مش مكتوبين بس موجودين في تدريج العداد عادى
وادى صورة
http://i59.tinypic.com/jjvklc.jpg
اولا:- الف مليون مبروك على العربيه ربنا يحفظهالك ويحفظك من كل سوء موجود فى الشارع المصري
ثانياً :- انا محتار لسه فى عربيه جديده - ان شاء الله - ياريت تقولى ليه حضرتك اخترت البيجو ال 301 بالذات وكنت محتار بينها وبين ايه . ؟
والف شكر على التقرير الروعه اللى انت عامله
انا هرد بناءاً على وجهة نظري
انا حاجز الهايلاين في اوخر يناير
كنت محتار في عربية مستعملة من فترة كبيرة وخايف اجيب مستعمل ويضحك عليا
وبعدين شوفت الايمجراند ولاقيت فيها مشاكل من ملاكها وبعد كدا لوجان ، سانديروا ، ستيب واي ، بس مرتاحش عشان تقفيل مغربي وبعد كدا كنت هاجيب اسبرانز m11 وبعد كدا تيجو وخوفت عشان صيني زي الجيلي رغم أن بقالهم فترة في السوق
بعد كدا واحد صاحبي اقترح عليا الستروين والبيجو
وبعد متابعة وقراءة كتييير عنهم ونزلت شوفتهم في المعارض استقريت على البيجو
وانهاردة قولت اريح ضميري واشوف الريو لاقيت ان البيجو أفضل بكتير من حيث أوبشن أمان ماتور وسع داخلي قطع غيار شكل ودي أذواق
متابع