روحت ل 6 صنايعية والمشكلة لسه متحلتش
الاخوة الافاضل /
لقد سجلت في منتداكم بعد ان ضاق بي الحال ومللت من كل الصنايعية العواطلية الفتايين
مشكلتى ان العربية كانت بتنتش وساعات تبطل وادوس بنزين محسش ان فيه اكسراتير تحت رجلي اضغط لكن مفيش كبس ولا المكنة حسة بيه ولما اسيب العربية تبرد تشتغل شوية كويسة حوالى 15 كم وبعدها تحصل نفس المشكلة
اول كهربائي روحتله : طرمبة البنزين عاوزة تتغير قولتله غير بكوري مش صيني تكلفة 195 بالمصنعية وبردو مشيت من عنده تماما اتاري العربية كانت بردت كالعادة وتشتغل شوية كويس وترجع تانى
روحلت للكهربائي قاللى روح للميكانيكي عشان شكل سير الكاتينة مأخر شوية
روحت للميكانييكي ظبط سير الكاتينة وبردو المشكلة متحلتش قاللى الموبينة بايظة قولتله غير ادي كمان 190 بالمصنعية وبردو متحلتش المشكلة
روحت لميكانيكي تانى قاللى بوجيهات قولتله نغير جبت بوجيهات ياباني Ngk ادي 95 بالمصنعية
بردو المشكلة متحلتش
روحت لميكانيكي تانى قاللى حساس منظم اللى راكب تحت حساس الايدل قولتله غير جبته استيراد ب 175 جنيه بعد الفصال وادي 235 بالمصنعية وبردو المشكلة متحلتش
ميكانيكي تانى قاللى دا سير الكاتينة قولتله ماهو مظبوط قال لا قولتله ظبط المهم ظبط وقاللى تمام قولتله نجرب مشوار طويل بقا عشان انا زهقت لان العربية بمشي بيها من عند كل صنايعي تبقا فل وبعدها ب 15 كم ترجع تانى جربت لقيت المشكلة زي ما هيه قاللى الرشاشات قولتله نغير استيراد وادي 250 جنيه كمان جبهم من عنده من وسط الزبالة بتاعته
هنا بقا المشكله اتحلت ومبتقش العربية تقطع ولا لمبة التشيك تنور لما ازود سرعة بس ناقص ان لما احب اكبس بنزين مرة واحدة للاخر عشان التسارع العربية تحس انها مخنوقة مع الكبس لكن لو بزود بنزين بالراحة بتستجيب وتجري زي الفل
المشكلة هنا ايه في موضوع الكبس للبنزين فالمكنة تتخنق ؟
اه نسيت اقولكم انى غيرت سلوك بوجيهات كمان
ارجو الرد من الاخوة الافاضل وخصوصا الاستاذ / محمد ممدوح