اإستفسار بخصوص تجربة البلوك سيل

**أحمد جودة** · 02-06-2013 01:03 PM

السلام عليكم ورحمة الله

كل صيف وانتو حرانين

واضح كدة ان الصيف السنادي هيتعبنا

الموضوع بإختصار قرررت أكمل مسيرة الصيانة الدورية للعربية اللى بعملها اليومين دول وهروح اغسل دورة التبريد وعندي تسريب بسيط جدا من الردياتير عارف مكانه من عند السوكة بتاعت الردياتير من فوق واتلحم قبل كدة ومازل فيه تسريب بسيط مع الضغط المهم قولت اخد رأيكم فى فكرة البلوك سيل ياتري اخبارها اية معاكو

وعرفت الطريقة اللي هنفذها

هفك الخرطوم التخين اللى تحت القربة من ناحية الموتور وهسيب المياة لما تفضي
وبعدين هربط الخرطوم مرة تانية
وبعدين هفضي البلوك سيل فى القربة وادور العربية وفى ثواني
هبتدي احط مياة جديدة لحد مظبط منسوب المياة الطبيعي
وهسيب غطاء القربة مفتوح 10 دقايق والعربية دايرة سلانسية

طيب السؤال الاول بالنسبة للهواء اللى فى الدايرة اتاكد منين انه خرج من الدايرة

السؤال الثاني ياتري اللى جرب الفكرة دي اية رأيه ومدي فعاليتها وهل عالجت مشكلته ولا اية

السؤال الثالث بعد تنفيذ هذه الخطوات المفروض أفضي المياة مرة تانية من دورة التبريد واغيرها ولا لاء

السؤال الرابع ودة الاهم بعد نجاح التجربة إن شاء الله أحط مياة خضرا وابقي ازود بمياة حنفية ولا احط مياة متكثفة من التكييف ولا احط مياة من الفلتر بتاع البيت اللى فى المطبخ
ياريت أرائكم علشان محتار جدا ومش عاوز أعمل حاجة واندم عليها

أسف جدا أني طولت عليكم

**أحمد جودة** · 02-06-2013 02:28 PM

w 8

**المنسي** · 02-06-2013 02:56 PM

المشاركة الأصلية كتبت بواسطة أحمد جودة

السلام عليكم ورحمة الله

كل صيف وانتو حرانين

واضح كدة ان الصيف السنادي هيتعبنا

الموضوع بإختصار قرررت أكمل مسيرة الصيانة الدورية للعربية اللى بعملها اليومين دول وهروح اغسل دورة التبريد وعندي تسريب بسيط جدا من الردياتير عارف مكانه من عند السوكة بتاعت الردياتير من فوق واتلحم قبل كدة ومازل فيه تسريب بسيط مع الضغط المهم قولت اخد رأيكم فى فكرة البلوك سيل ياتري اخبارها اية معاكو

وعرفت الطريقة اللي هنفذها

هفك الخرطوم التخين اللى تحت القربة من ناحية الموتور وهسيب المياة لما تفضي
وبعدين هربط الخرطوم مرة تانية
وبعدين هفضي البلوك سيل فى القربة وادور العربية وفى ثواني
هبتدي احط مياة جديدة لحد مظبط منسوب المياة الطبيعي
وهسيب غطاء القربة مفتوح 10 دقايق والعربية دايرة سلانسية

طيب السؤال الاول بالنسبة للهواء اللى فى الدايرة اتاكد منين انه خرج من الدايرة

السؤال الثاني ياتري اللى جرب الفكرة دي اية رأيه ومدي فعاليتها وهل عالجت مشكلته ولا اية

السؤال الثالث بعد تنفيذ هذه الخطوات المفروض أفضي المياة مرة تانية من دورة التبريد واغيرها ولا لاء

السؤال الرابع ودة الاهم بعد نجاح التجربة إن شاء الله أحط مياة خضرا وابقي ازود بمياة حنفية ولا احط مياة متكثفة من التكييف ولا احط مياة من الفلتر بتاع البيت اللى فى المطبخ
ياريت أرائكم علشان محتار جدا ومش عاوز أعمل حاجة واندم عليها

أسف جدا أني طولت عليكم

نصيحة منى غير الردياتير افضل من استخدام البلوك سيل ومش بقول الكلام ده علشان البلوك سيل سيء ... حضرتك بتقول انه كان ملحوم قبل كده مرتين

بالنسبة لطريقة استخدام البلوك سيل عم صبحى هتلاقيه داخل دلوقتى يكتب لك التفاصيل كاملة بس لوحبيت تستخدمه يفضل يكون معاك حد جوة العربية علشان يدور اول ماتفضى البلوك سيل علشان ماينشفش ويغلبك

بالنسبة للسؤال الاول هو التاكد من خروج الهوا من دايرة التبريد هتفك الخرطوم الراجع على القربة وتزود بنزين من الاكسلاتير لحد ماتلاحظ قوة خروج واندفاع المية الراجعة من الموتور بقت شديد هتقفل الخرطوم وترجع تزود مية مكان اللى نقصت ولغاية علامة max مش اكتر وتقفل على كده

بالنسبة لسؤالك التانى انا استخدمت البلوك سيل عندى لسبب ان كان عندى بداية جوان وش سلندر وكان فيه طحينة على خفيف فلحقتها من اولها والحمد لله على كده ومن ساعتها الطحينة اتمنعت

بالنسبة لسؤالك الثالث التعليمات الموجودة على العلبة بتقول انك لازم تفضى المية دى بس انا عن نفسى منزلتهاش من ساعتها ويادوبك بزود حاجات بسيطة

بالنسبة لسؤالك الرابع يفضل انك تستخدم مية خضرا ولو نقصت تزود برده عليها مية خضرا بس الاول تلاحظ ان المية مش بتنقص نتيجة تسريب وتتوكل على الله وتحط المية الخضرا وان شاء الله هتلاقى انك بتزودها كل فترة كبيرة حاجات بسيطة بس فى حاجة الناس مش بتبقى واخدة بالها منها وهو غطا القربة انه ساعات بينفس ويسرب وتلاقى المية عندك بتنقص بس مفيش تسريب

**EngAhmedSayed** · 02-06-2013 04:16 PM

المشاركة الأصلية كتبت بواسطة المنسي

نصيحة منى غير الردياتير افضل من استخدام البلوك سيل ومش بقول الكلام ده علشان البلوك سيل سيء ... حضرتك بتقول انه كان ملحوم قبل كده مرتين

بالنسبة لطريقة استخدام البلوك سيل عم صبحى هتلاقيه داخل دلوقتى يكتب لك التفاصيل كاملة بس لوحبيت تستخدمه يفضل يكون معاك حد جوة العربية علشان يدور اول ماتفضى البلوك سيل علشان ماينشفش ويغلبك

بالنسبة للسؤال الاول هو التاكد من خروج الهوا من دايرة التبريد هتفك الخرطوم الراجع على القربة وتزود بنزين من الاكسلاتير لحد ماتلاحظ قوة خروج واندفاع المية الراجعة من الموتور بقت شديد هتقفل الخرطوم وترجع تزود مية مكان اللى نقصت ولغاية علامة max مش اكتر وتقفل على كده

بالنسبة لسؤالك التانى انا استخدمت البلوك سيل عندى لسبب ان كان عندى بداية جوان وش سلندر وكان فيه طحينة على خفيف فلحقتها من اولها والحمد لله على كده ومن ساعتها الطحينة اتمنعت

بالنسبة لسؤالك الثالث التعليمات الموجودة على العلبة بتقول انك لازم تفضى المية دى بس انا عن نفسى منزلتهاش من ساعتها ويادوبك بزود حاجات بسيطة

بالنسبة لسؤالك الرابع يفضل انك تستخدم مية خضرا ولو نقصت تزود برده عليها مية خضرا بس الاول تلاحظ ان المية مش بتنقص نتيجة تسريب وتتوكل على الله وتحط المية الخضرا وان شاء الله هتلاقى انك بتزودها كل فترة كبيرة حاجات بسيطة بس فى حاجة الناس مش بتبقى واخدة بالها منها وهو غطا القربة انه ساعات بينفس ويسرب وتلاقى المية عندك بتنقص بس مفيش تسريب

[gdwl]لو حط بلوك سيل علشان الرداتير يبقى حضرتك تعمل صيانة لردتير يأما تغيره
بلاش بلوك سيل
و كلامك مظبوط يا منسى[/gdwl]