تحذير من سيد عبده

**waelgaber** · 25-05-2014 08:04 AM

السلام عليكم اخى الكريم لو انتا بتدور على ميكانيكي كويس انا منزل موضوع عن واحد اسمه الاسطى محمود صابر فى المهندسين ده راجل جامد اوى وفاهم جدا فى قسم سكودا هو فى شارع خان يونس امام المدرسة

**sasa28** · 25-05-2014 11:07 AM

بسم الله الرحمن الرحيم
سيدي الفاضل مع احترامي لكلام سعدتك
انا بقالي من ٢٠٠٦ مع الراجل ده
و في صله صداقه بيني وبينه
فا بشكل ما شهادتي مجروحه فيه بس هاستغل شهادتك انه راجل بيفهم و عنده ضمير
اعرفك بيه ده راجل خريج جامعه يعني مش بليه و بقي اسطي
مثقف و متعلم و مدرك لنقطتين ان الزبون غالبا علي حق و ان الالمان مش احسن مننا
و الknow how لو مش عندك مش هاتنجح في الميكانيكا
و بالتالي كل مشكله عنده ليها اعراض و هي بتوصله للعيب في العربيه بجانب استخدام الكمبيوتر
طب اعرف منين انه شاطر و كويس
لما يكون العيب خبيث و اعراضه متداخله و بالاخص في العربيات الحديثه
و ساعتها بيخش مع الصنايعي اللي شغال في كل حاجه
المشكله في تلات عربيات البولو ٩٩ و الجولف ٣ و ٢ و الابيزا ٩٩
العربيات دي بتبقي مع ناس ما بترحش تعمل سرفيس
بطريقه منتظمه و الاغلب الاعم بيظهر فيها عيوب كتير مره واحده
و البيشتغل فيهاالصنايعيه الصغيرين
و هنا المشكله ان الورشه بتبقي زحمه و في سبع تمن عربيات مفتوحين و كله مستعجل
فا كل صنايعي بينده يا عم سيد يا عم سيد يا عم سيد
و ساعات من ضغط الشغل حد بيقع و ده وارد
فا غلطه سيد عبده ان هو اعتمد علي صنايعي ما عندوش ضمير
و ما راجعش الشغل
الصنايعيه عنده اشكال و الوان و علي مر السنين شوفت العجب عنده
و هاديلك الخلاصه
في و احد اسمه بكري و واحد اسمه سيد سلوم وواحد اسمه شريف
اول ما تخش اسال عليهم بالاخص لو عربيتك حديثه فوق الالفين
ولو هاتعمل حاجه خفيفه عيل اسمه حماده او عيل صغير خالص اسمه انبوبه عنده حوالي ١٢ سنه بس كويس الاتنين دول هم كل عشر دقايق بيروحوله يقولولو عملو ايه في العربيه
النقطه التانيه انا كنت اتكلمت معاه فيها قبل كده
ان الزبون بيمشي و ما يجيش من الصنايعيه
اقلي الزبون غلطان لان الزبون جيه و عمل شغل و حاسب و مشي
و العيب ظهر تاني يبقي يجيلي علي طول و يقولي حصل كذا وكذا من فلان
و يبقي انا عرفت ان الصنايعي ده مش تمام فا هارجع و اتاكد بنفسي
لكن الزبون بيمشي و مش بيجي طب هو دفع فلوسي و ماخدش حقه من المكان من ناحيه الصنعه
الخلاصه اي حد ممكن يغلط و ما اتيتم من العلم الا قليلا
فا اي حد يحصله حاجه زي كده يروح لصاحب الورشه و لو ما اخدلوش حقه يبقي هنا الكلام
و هو علي ايدي ياما دفع فلوس بسبب غلاطات صنايعيه
مرايه اتكسرت و فانوس و سيور و خراطيم و الخ
بالنسبه للسيد الفاضل صاحب الموضوع روح لبكري و اعمل عنده اي حاجه من غير ما تبص وراه
و بالنسبه للساده الاعضاء
روحوا للورش اللي تعجبكم بس المهم انه يكون بيفهم في الفولكس مش عيل واشتري الجهاز يبقي اسطي واسلمله رقبتي
والصنايعيه الوحشه بتضر المكان. فعلاهه

بالنسبه للمصنعيات انا مش هاينفع اقول غير ان الموضوع نسبي بحت و دي نقطه مهمه ان سعات الانسان بيبقي ميزان الفلوس عنده مختلف عن غيره بس اعتقد ان سيد عبده مش طماع و الا مغلواني عكس ناس تانيه كتير الطمع بينقط من عنيهم
بدون ذكر اسامي ورش عشان عدم التجريح و هو كمان بيقبل التفاهم في السعر

اسف للاطاله بس كان عندي احساس بظلم من عنوان الموضوع
و اكرر شديد احترامي لصاحب الموضوع و للاعضاء

**minicooper20** · 25-05-2014 08:02 PM

هو انتو قصدقو على سيد عبدو ال جسر السويس على ناصيه شارع سنان

**فنان** · 15-06-2014 05:49 AM

سيد عبده ووليد هاوزر قرايب وبتاع قطع الغيار اللى بيجيبوا منه عند التجنيد قريبهم ايضا ومن الآخر كده كلهم شلة حرامية ونصابين عينى عينك والصنايعية عندهم فاهمين الكلام ده كويس علشان كدة بيسرقوا الزبون وهم مطمئنين وبيعملوا عمولات رهيبة من قطع الغيار القديمة والجديدة دول عصابة يابا حسبى الله ونعم الوكيل فيهم اللهم انتقم منهم فى هذه الايام المفترجة

**S O P H O S** · 28-06-2014 12:13 AM

فعلا اهم شئ تلاقي حد بيشتغل بأمانة وفاهم

**J A G U A R** · 28-06-2014 12:51 AM

المفروض بقى الواحد يتعلم من المواقف اللى زى دى علشان بقى فى اهمال غريب جدا

**hossamalsadik** · 29-06-2014 01:46 AM

كل صنايعى وله ميزه وعيب الشاطر الى يبقى فاهم هوا عاوز مين فى مشكلته ده ولا ده
انا مش عاوز اقول مكرر عن الاهمال الى بيتسببه الصنيعيه والى ممكن يؤدى لكارثه وبنا يسلم طرقنا جميعا
من اكثر الصنيعيه الى لما بيقفل العربيه بيربط تمام والنقطه ديه تميزه محمد الزعيم فولكس بجميع الانواع قديم وحديث ومحمد أبو كف ومركز محمد طنانى ده عضو معانا للعلم بس متخصصين اكتر فى الاوبل واكثرهم فى موضوع التاكد من التقفيل خالد عبيد بمجلس الامه بس للاسف هوا ممكن يشتغل فى الفولكس خفيف مش بكثره لاكن بيفهم فيهم لانه تخصص فى الكورى واليابانى أكتر
أما سيد عبده انا متعملتش معاه بس لى أحد الأصدقاء بالمنتدى كان بينصحنى بيه مره فلو حصل ورحتله مثلا أكيد هخليه يراجع بنفسه على الشغل قبل ماهدفع فلوس الذنب هنا ذنبه لازم يراجع ورا الصنايعى عنده لان ده زبونه مش زبون الصنيعى يعنى مثلا واحد زى خالد عبيد لاحظت انه معندوش اى صنيعيه وطبعا الموضوع مرهق جدا بالنسباله ولما سألته قالى أنهم بيطفشو الزباين بسبب اهملهم فميلزمونيش ديه ارواح ناس وفلوس ناس وسمعة ورشه لما ألاقى الصنيعى المحترم ابقى اشغله عندى هوا انا يعنى مش عاوز ارتاح بس مش على حساب الزبون
الفكر ده موجود بس للاسف قليل الى بيعمل بيه فى مراكز الصيانه والورش
الغرض لازم تفهم وتراجع بنفسك وراى اى صنيعى وهوا ده الى بيعمل عليه المنتدى هنا انه يجمعنا مع بعض عشان نفهم ونتعلم وبكدا نحارب الاستغلال والاهمال
واسف على الاطاله