الموضوع: موتور باور ستيرنج للبونتو

المشاركة الأصلية كتبت بواسطة ahmed.mt911

بص يا باشا انا رأي الشخصي لو ناوي تركب بونتو هاتها كاملة وريح دماغك لان تركب الباور في عربية معقدة في الكهرباء زي البونتو مخاطرة كبيرة جدا ....

لو عاوز تركبها كده من غير باور ده حاجة ترجع ليك ... بس فكرة انك تفكر تخدها كده وتركب باور بعد كده اعتقد فكرة فاشلة جدا ... بلاش علشان الباور اصلا بتاعها كهرباء ومش اي اي اي حد يعرف يحط ايه فيها لان احنا مش عندنا محترفين اساسا في مصر في الشغل في العربيات

وانا طبعا بفضل لو ناوي تشتري يبقي اشتري حاجة كاملة باه مرة واحدة وريح دماغك والفرق هيكون في حدود 10.000 جنيه وتبقي كده ريحت نفسك

والله اعلم

شكرا جدا لرد حضرتك
وبما إن حضرتك عندك بونتو 2000 هي بالباور فارقة كتير من غيره ولا حضرتك معندكش فكرة؟

المشاركة الأصلية كتبت بواسطة m.a

شكرا جدا لرد حضرتك
وبما إن حضرتك عندك بونتو 2000 هي بالباور فارقة كتير من غيره ولا حضرتك معندكش فكرة؟

انا عربتي كاملة مانويل ((فول اوبشن )) يعني باور وسيتي باور --- وفعلا الباور مهم جدا جدا جدا خصوصا لو معظم يومك في القاهرة والزحمة زي حالاتي

المشاركة الأصلية كتبت بواسطة ahmedselaraby

السلام عليكم

بدون مقدمات


البونتو بتاعت اختى اشتريناها من واحد صديق والدى و من اقرب الاقربين و اكتشفنا ان الهانم بنت صاحب والدى اللى كانت معاها العربية كانت مبوظة الباور ستيرنج بتاع العربية , ازاى بقة , فيه فل بونتو زرار اسمه سيتى city ده بيساعد العربية انها تركن فل حتت الديقة و الركنات الصعبة , بيخلى الباور ستيرنج يلف اكتر من العادى , فهى سابت الزرار ده متداس عليه علطول مع انه المفروض يتداس عليه بس عند الركنه فا بوظ الباور ستيرنج اللى هو اصلا كهرباء مش زيت و لما باعولنا العربية , كانوا ملصمنها و بعد ما اشتريناها منهم ظهر العيب ( حسبى الله و نعم الوكيل) ست الاف جنيه فى التوكيل علشان يتصلح العيب ده و نجيب موتور باور جديد و بره التوكيل محدش فاهم فيها و محدش عارف يصلحها


ايه الحل ؟ حد قابلته المشكله ديه قبل كده و عرف يحلها ؟؟؟؟؟؟؟؟ يا ريت يقول عمل ايه و راح لمين ؟؟

يا ريت لا تخبلوا عليا بالإجابه

أنا عايز حل غير مكلف زى الوكيل و يرجع العربيه زى ما كانت


لو فيه أسماء محلات قطع غيار أو صنايعيه ميكانيكيه صلحوا المشكله ديه قبل كده ,, يا ريت العنوان أو رقم التليفون

معلش باه للباشا صاحب البوست الاساسي انا عارف ان احنا جايين بعد الهنا بسنة بس ياريت تقولنا علي التجربة بتاعتك مع الكهربائي علشان نستفاد .... يعني لو الراجل اللي انتا اتعاملت معاه ده فاهم كويس اروح اتعامل معاه انا كمان لاني من الدقي ومش بقدر اروح جسر السويس او الحرفين --- تبقي كتير الف خير لو قولت لينا الدنيا مشيت معاك ازاي

يارجالة بخصوص الموضوع الاساسى موتور الباور
نصيحة لوجة الله
انا حصل معايا نفس المشكلة وسمعت نفس الكلام ان لازم اغير قطمة باوور
وثمنها حوالى 1500 حنية حراااااااااااااااام كتير
بس انا جمعت شوية معلومات عن موضوع الباور الكهرباء دة لحد مقررت
فكيت الماتور بنفسى ورحت لواحد صحبى عتدة محل صيانة كاسيت سيارات بيفهم فى الكهرباء يعنى
عمل حاجة بسيطة فى الموتور وكانت المفاجأة
الحمد لله الموتور اشتغل والباور رجع عادى جدا والتكلفة بالنسبة لثمن الموتور ولاحاجة
انا عربيتى بونتو 2001
نصيحة مش لازم كل نسمعها تكون صح لازم تحاول
انا من الاسكندرية لو حد عندة اى استفسار عن الموضوع دة رقم تليفونى ممكن يكلمنى
01025094776

المشاركة الأصلية كتبت بواسطة ahmed.mt911

انا عربتي كاملة مانويل ((فول اوبشن )) يعني باور وسيتي باور --- وفعلا الباور مهم جدا جدا جدا خصوصا لو معظم يومك في القاهرة والزحمة زي حالاتي

ربنا يباركلك فيها
وبالنسبة للزحمة ده آه وألف آه من القاهرة ورخاااااامة شوارعها من مصر الجديدة لمدينة نصر لجسر السويس للتجمع تقريبا بلف الأربع أماكن دي كل يوم أومال أنا هجيب عربية من شوية ههههههههههههههه
طيب أنا دلوقتي قدامي بونتو 2001 كاملة بس رشة بره عاملة 39000 ومش راضي ينزل فيها حضرتك إيه رأيك سعرها كده تمام ولا؟

المشاركة الأصلية كتبت بواسطة shady.punto

يارجالة بخصوص الموضوع الاساسى موتور الباور
نصيحة لوجة الله
انا حصل معايا نفس المشكلة وسمعت نفس الكلام ان لازم اغير قطمة باوور
وثمنها حوالى 1500 حنية حراااااااااااااااام كتير
بس انا جمعت شوية معلومات عن موضوع الباور الكهرباء دة لحد مقررت
فكيت الماتور بنفسى ورحت لواحد صحبى عتدة محل صيانة كاسيت سيارات بيفهم فى الكهرباء يعنى
عمل حاجة بسيطة فى الموتور وكانت المفاجأة
الحمد لله الموتور اشتغل والباور رجع عادى جدا والتكلفة بالنسبة لثمن الموتور ولاحاجة
انا عربيتى بونتو 2001
نصيحة مش لازم كل نسمعها تكون صح لازم تحاول
انا من الاسكندرية لو حد عندة اى استفسار عن الموضوع دة رقم تليفو
نى ممكن يكلمنى
01025094776

إيه رأيك ف البونتو بما إنها معاك يعني هي ولا أكسنت؟
وكمان أنا معروض علي بونتو 2001 فيها باور وسيتي باور بس رشه بره ب 39000 سعرها كده كويس ولا لأ؟

المشاركة الأصلية كتبت بواسطة m.a

ربنا يباركلك فيها
وبالنسبة للزحمة ده آه وألف آه من القاهرة ورخاااااامة شوارعها من مصر الجديدة لمدينة نصر لجسر السويس للتجمع تقريبا بلف الأربع أماكن دي كل يوم أومال أنا هجيب عربية من شوية ههههههههههههههه
طيب أنا دلوقتي قدامي بونتو 2001 كاملة بس رشة بره عاملة 39000 ومش راضي ينزل فيها حضرتك إيه رأيك سعرها كده تمام ولا؟

بص ياباشا لو العربية سليمة من جوه يعني مفيش لاقدر الله حاجة في الحوض او اي رش جوه وماشية قليل ونظيفة من الصالون وكده يبقي توكل علي الله السعر ده كويس والله لو هي فول اوبشن ويا سلام كمان لو فيها رخصة سنة ولا اتنين --- تبقي تمام جدا

بس نصحيتي ليك اكشف عليها كويس اووي اووي اووي عند حد مختص بتاع فيات علشان تتطمن اكتر علشان لو لاقدر الله فيها حاجة في المكنة هتدفع في الصيانة كتير علشان حاجتها غالية شوية مقارنة بالكوري ---


يعني ببساطة الماستر العلوي بتاع الفرامل لوحده ب 350 جنيه انا لسا جايبه من كام يوم

اكشف علي المكنة والكهرباء كويس اوووي اوووي اووووووووي واتوكل علي الله

في مركز خدمة فيات في المطار لو انتا قريب من هناك جنب بنزينة التعاون اللي في المطار وانتا خارج منه --- عيال فاهمة اوووي في الفيات دي وانا بتعامل معاهم اساسا


وطبعا مش محتاج اقولك استخير ربنا وان شاء الله ربنا يحتار ليك الصالح