الموضوع: مقارنة بين يابانى واروبى سيفيم واوكتافيا

المشاركة الأصلية كتبت بواسطة amrico

الهوندا طبعا

العربية الوحيدة في الياباني اللي تعتبر ركوبة بجد

والسوبارو كمان لو عاوز تضيف حاجة تانية ياباني

معاك بس يابانى ولا اوربى؟

المشاركة الأصلية كتبت بواسطة corolladestroyer

لو المقارنة كانت بين الاوكتافيا القديمه (الفنتازيا) اللي موتورها MPI كان ممكن اقول السيفيك عشان الجري و ال vsa
بس هو منزل صورة الاوكتافيا الجديده MK3 الا وهي 1.4 tsi ودي هتبقى سريعه وفيها esp ف هنا هتبقى الاوكتافيا اسرع ونقدر نقول نفس الثبات واعتقد هتبقى في افضليه للاوكتافيا كمان عشان خاطر الشاسيه الجديد ا MQB مع تعليق (MULTI LINK +ESP) (اعتقد السيفيك MULTI برضو +VSA)
نيجي للركوبه انا ركبت السيفيك الجيل الثامن وركبت الفنتازيا راي الشخصي الفنتازيا افضل

تمام يا معلم بس انا سمعت ان التربو دا لازم بنزين 95 صحيح المعلومة دى ولا لاء

علشان لو صح يبقى خراب بيوت

المشاركة الأصلية كتبت بواسطة hany63

معلش سؤال ليه الناس دايما بتاخد انطباع و يفضل لازق في دماغها طول العمر حاجه غريبه جدا
ناس اول ما تتيجي سيرة السيفيك ال 2013 اول حاجه تتقال واطيه رغم انها تعتبر من اعلى العربيات حاليا
و لما تييجي سيرة الاوكتافيا يتقال بطه بلدي رغم انها بقت تربو
و بالنسبه للاخوه اللي رشحوا الاوكتافيا بكل ثقه طب اخبار الفتيس ال dsg ايه؟
و الراجل الطيب صاحب الموضوع لو سمع الكلام و جابها و حصل حاجه في الفتيس كالمعتاد ذنبه في رقبة مين؟

دا طبع الناس واللى يدخل يقول كلام سامعه مش مجرب

السيفيك ال 2013 عالية بس شكلها الجديد مش عاجبنى انا كنت موهوم بالسيفيك

اية موضوع الفتيس بالظبط علشان الواحد يفهم لانى كنت فعلا هروح اشتريها

المشاركة الأصلية كتبت بواسطة sameh_fouad

موضوع المحرك دة هيكون لسة فيها كلام , خصوصا ان دلوقتى البنزين ال95 بقى ب5.85 قرش , والمحرك دة تيربو فلازم بنزين 95 , وكمان هينزل dsg فدة مصيبة لوحدة

يعنى لو الناس كانت متضايقة من تصميم السيفيك وخاماتها اعتقد هيكون كدة اهون كتيير من مصيبة ال dsg اللى ممكن يوقف بيع العربية دية ويقلل جداااااااا من مبيعاتها

ويارب يكون لقوا حل للموضوع دة

وعلى فكرة انا بتعجبنى جدااا مقصورة الفانتازيا , بحس فيها بالفخامة وجودة الخامات بتاعتها ماشاء الله عليها بس نفسى فعلا ترجع تنافس تانى , لان وزن السيارة كان غير مناسب تماما للمحرك اللى فيها

كفاية مصيبة التيربو 95 دى لان دا خراب بيوت ودا لسه لو رفعوا الدعم هيرفع اكتر طبعا اوكتافيا لا

واية موضوع الفتيس دا اية عيوبه

المشاركة الأصلية كتبت بواسطة ahmedwagdy03

نصيحتى السيفيك بس الصورة اللى إنت حاططها دى لموديل 1800 الخليجى و مش فى مصر . الموجود هو نفس شكل 2012 بالمللى

انا مايل للسيفيك اكتر بس الشكل الجديد مش حلو خلو العربية اعلى بس الشكل تصميمة مش كويس

المشاركة الأصلية كتبت بواسطة maio_do

دا طبع الناس واللى يدخل يقول كلام سامعه مش مجرب

السيفيك ال 2013 عالية بس شكلها الجديد مش عاجبنى انا كنت موهوم بالسيفيك

اية موضوع الفتيس بالظبط علشان الواحد يفهم لانى كنت فعلا هروح اشتريها

ما تشتريش اي عربيه ب dsg نصيحة واحد جرب و غير فتيس مرتين و ما زال الناس لحد النهارده متبهدله اخر بهدله و يوم ما تحب تبيع العربيه بعد سنه هتخسر مش اقل من ٧٠ الف ده لو لقيت حد يرضى ياخدها حضرتك ادخل قسم vw هتلقى موضوع متثبت بيتكلم على الفتيس عيش معاه

و على فكره انا بعت الباسات تربو بالفتيس الموكوس و راكب حاليا سيفيك فرق السما من العما السيفيك برقبة اي عربيه بالفتيس ده

المشاركة الأصلية كتبت بواسطة hany63

و على فكره انا بعت الباسات تربو بالفتيس الموكوس و راكب حاليا سيفيك فرق السما من العما السيفيك برقبة اي عربيه بالفتيس ده

ربنا يباركلك فيها ويكفيك شرها انا شكلى هجيب السيفيك

وشكرا على النصيحة ويجزيك ربنا كل خير