الموضوع: كمبريسور تكييف جولف 5

التكييف بيتأخر علشان يبرد و احياننا الكمبريسور بيتأخر علشان يشتغل و لما يشتغل بيكون البرودة ضعيفة . شحنتة كذة مرة و الكل اجمع ان لازم اغير الكمبريسور و الولي ب 3000 جنية . مين افضل واحد اروحل و اعمل اية و هو ممكن يتصلح و لا لاء

انا اول ما جبت العربية عملت الحوار ده انا معايا جيتا
دورت كتير على الحلول و الي يقول غير اصلي و اللي يقول الاصلي هيبوز تاني و اللي يقول غير واحد صيني و يتعدله القواعد عشان ارخص بس انا رفضت طبعا
و اللي يقول زي الاصلي بس الياباني زي ساندن تبريده احسن من الاصلي و مشاكله اقل
بعد بحث و تدوير و سؤال ناس كتير في واحد في الحرفيين اسمه الكابتن او سكارو راجل محترم جدااا رحت قالي هغيرلك الكمبروسور و السربنتينة من عنده هو عنده مصنع في الصين يعني صيني و بيديك ضمان سنة
و لقيت عربيات سكودا و جيتا و حاجات تانية كتير واقفة بتغير
و لقين الناس فاهمة قوي و الصنايعية فكوا 60 عربية قبل كده فعارف كل مسمار
اتشجعت و غيرت كان بحوالي 3100 و الحمد لله شغال كويس
انا بعدها بشهر كان في كده ترس برة قفش في الكمبروسور و كان شغال على طول رحت عملهالي و مخدش و لا مليم يعني انا شفت انه راجل محترم