عالبركه....
ومتابع معاك....
تحياتي
Sent from my Xperia Arc S using Forum Runner
عرض للطباعة
انا معايه شيروكي 98 والفل بتاعها تقريبا 65 لتر ولو مشيت تحت ال120 تكفيك تقريبا من 350 الي 400. كيلو اما لو مشيت فوق ال120 هتشرب البنزين بسرعه انا بتكلم علي عربيتي سته سلندر 4000 سي سي المفروض ان عربيتك تمشي الضعف يعني معلومتك صح لما قلت ان التفويله عندك تمشيك 600 كلم وطبعا استهلاك البنزين بالطريقه الرهيبه دي عندك معناه ان فيه شئ غلط ومعتقدش انه يكون من الاسباب دي
البوجيهات هتي لو بقالها عشرين سنه متخليش الستمية كلم 170
فلتر الهوا
تنظيف الانججكيشن
نقص الهواء في الاطارات
دي اسباب استهلاك البنزين بس مش توصل للدرجه الرهيبه اللي عندك دي اخرها قول تاثر في مية كلم لكن احنا هنا بنتكلم في 400 كلم
اللي انا شاكك فيه ان الدبل يكون شغال عندك وانت متعرفش او فيه تهريب كبير عندك بالبنزين روح للميكانيكي واقف علي ايده وخليه يشيك علي الدبل ودورة البنزين وان شاء الله تتحل مشكلتك
البوجيهات بتعمل فقد 10% لو منظومة الشرارة بايظه وهو قال ان عنده ريحة البنزين الني المميزه
فلتر الهوا لو مسدود كمان 10%
الانجيكشن لو بيسيل الفقد بيبقى عالي جدا
نقص الهوا كمان 10%
وفي معلومه بسيطه...
في العربيات الكبيره.. كلما قل حجم الماتور زاد حمل الوزن عليه وبالتالي مش بالضروره استهلاك البنزين يقل....
مثال
التيجي ال1600 بيستهلك بنزين زيه زي ال2000 واحيانا لو الطريق مطالع هيبقى اكتر!!!!
تحياتي
Sent from my Xperia Arc S using Forum Runner
في الحاله هنا ماتور ال4000 شايل الجيب مستريح فاستهلاكه على وزنه معقول
بينما ال2500 الحمل عليه اكتر بكتير وبالتالي استهلاكه للبنزين عكس المتوقع هيكون عالي مش اقل....
تحياتي
Sent from my Xperia Arc S using Forum Runner
أنصحك تصلح عوامه البنزين لانها ممكن تساعدك في القياس و كمان تنبهك لو البنزين خلص منك بجد قبل ما العربيه تقف بيك. ممكن تبص علي الحاجات اللي ذكروها الزملاء زي ضغط الهواء في الاطارات و حاله البوجيهات و الكهرباء و ضبط الموتور و برضه من الحاجات اللي تخللي بالك منها يا تري العربيه بتسحب معاك فعلا اثناء الجري و لا مخنوقه و مع ذلك استهلاك البنزين عالي لان البنزين بيطلع ني مثلا او في ريحه عادم او دخان كتير طالع من الشكمان او ريحه بنزين داخل المقصوره. لو حضرتك دورت في شويه النقاط دول و ملقتش حاجه يبقي ساعتها ممكن. تفكر تقلبها غاز و ده هيوفر معاك كتير في المصاريف . هو هيقلل السحب شويه و هياخد جزء من الشنطه لكن في نفس الوقت هيوفر لك جامد قوي
شكرا يا جماعه عالردود دى والاهتمام
امبارح انا كملت 106 كيلو من بعد التفويله التانيه واللمبه منورتش والمؤشر تقريبا داخل عالربع مع العلم ان العوامه مش مظبوطه اوى
المره اللى فاتت بعد ال 106 كيلو دول دخلت الجراج لقيت لمبه البنزين منوره لكن المره دى لما فولت زودت الكاوتش واكتشفت ان كان كله تحت العشرين وظبته على 35 وكنت مستنى اشوف هيحصل ايه وفوجئت ان امبارح اللمبه منورتش زى ما قولت لحضراتكم بالرغم ان ال 106 كيلو المره دى اعتقد انى سوقت فى زحمه اكتر من المره اللى فاتت
طبعا انا روحت مبسوط بسبب ان حصل فارق بعد ما زودت الكاوتش بس برده مش عارف الفارق ده هيبقى كبير ولا ممكن النزوله الجايه الاقى اللمبه نورت :(
بالنسبه للسحب العربيه كويسه ومميزه فى السحبه بتاعتها ودى اكتر حاجه عجبانى فيها وده بشهاده جميع الميكانيكيه اللى اشتغلوا فيها انا لما بقرص بنزين وانا وافق بتلاقى جسم العربيه بيتهز ودى فى ميكانيكى قالى ان ده دليل ان العربيه قويه والموتور جامد
والعوامه هعملها قريب ان شاء الله بس المشكله انها نادره شويه
روح للميكانيكى لان استهلاك البنزين الكتير دا يدل ان الماتور فيه مشكله..دايما لما تلائى استهلاك زيت او بنزين او ميه زياده عن الطبيعى اعرف ان الماتور مشيس او محتاج عمره...ممكن صبابات او بساتم...الميكانيكى يقولك...معتقدش استهلاك البنزين الكتير دا من التسخين او الحرق او الارص حتى...لو حرقت او ارصت بتستهلك عن الطبيعى مثلا 5 لتر ولا حاجة بس مش بالنسبه بتاعتك دى!! استهلاك الاربعه سلندر فى الشيروكى فى البنزين ودا على تجربه بيبئا 18 لتر فى ال 100 كيلو صحراوى 22 لتر فى ال 100 كيلو جوا البلد...استشير ميكانيكى وشوفه حيقولك ايه...ممكن تكون محتاج تسقط ماتور
شكرا يا فندم عالرد والاهتمام
بالنسبه للموتور انا كنت عامله عمره كامله من حوالى سنتين اتكلفت حوالى 7000 جنيه بالاضافه انى مش بخرج بالعربيه كتير هيا مره او اتنين فى الاسبوع والخروجه بتعمل 27 كيلو هل الموتور يكون لحق يبوظ ؟
وكمان سحب العربيه كويس وعزمها كويس والميكانيكيه اللى بيشتغلوا فيها مفيش حد اشتكى من الموتور خالص
هل مع ذلك ممكن يكون الموتور وحش واكون محتاج عمره او تسقيط