Gear UnAvailable in Grande Punto 2009 Dualogic

**Ahmad Shawky** · 03-06-2013 04:10 AM

السلام عليكم ,

ده تانى موضوع ليا فى عن مشكلة العربيه الى حصلت فىالفتيس

الموضوع بختصار

من شهر ظهرتى علامت check transmission فى الجراند بونتو بتاعتى الأوتوماتيك موديل 2009
ومش عارف العلامه دى معاناها ان الجير فى ايه
حاولت ادور فى المانيوال ملقتش خالص العلامه دى مذكوره

هل دى حاجه خطيره جدا
هل ده ليه علاقه بزيت الفتيس فقط وله المشكله ممكن تكون اكبر

المهم ان العلامه دى ظهرت وانا بركن العربيه وخلاص هغطيها علشان مسافر شهر

انا لسه راجع من يومين وجيت ادور العربيه ولقيت ما لا اتوقع

اول مجيت دورت طباعا البطاريه كانت نيمه
جبتلها واصله وشغلتها بس جيت اتحرك قالى حاجه جديده خالص
Gear Unavailable

وثابت على ال N
مش بيتحرك خالص ولا حتى بيقلب مانيوال ومش عارف احرك العربيه من مكانها

كلمت المهندس شريف قالى البطاريه بتاعتك سلييمه قوتلو لا عاوزه واصله
قالى ممكن تبقى المشكله فى البطاريه حاول تجيب بطاريه جديده ومممكن العيب ده يروح نهائيا

جبت بطاريه جديده وبرضو لا جديد نفس المشكله ومش بتتحك من على ال N

يريت لو حد يعرف حاجه قولى حتى اشغلها ازاى واوصلها لحد التوكيل

ولو مفيش حل غير انى انقلها بعربة انقاذ يريت حد يقولى عربيه انقاذ رخيصه علشن كلهوم بيستغلو حتى لو كان العربيه مركونه تحت البيت ومش حاله طارقه

وايه احسن مكان اصلحها فيه لان ممكن تبقى دسك واسطوانه او حساس السيلسبيد او يكون نقص فى الزيت

ده على اد معلوماتى لو حد عندو سبب اخر يقولى

ومش عارف اروح التوكيل يريت لو تقولو اروح لمين انا سمعت عن مركز الاقصى بس ده توكيل معتم من اوماترا يعنى اكيد حراميه زيهوم

وسمعت عن البلقان بس ناس بتقول انو قفل

وسمت عن مركز Deutsch

وده ناس بتشكر فيه وواحد كاتب تجربته مع نفس مشكلتى وحلولو المشكله بتغير دسك واسطوانه بنص ثم امواترا

مش عارف اخد قرارق فين واروح لمين ونمر تليفونات الناس دى ايه لان نقلت الونش هتبقى لمكان واحد فقط عاوز الى انقلو يكون كويس واصلح عندو على طول بدل مجيب ونش وانقل تانى وفيلم هندى

مستنى ردكم فى اسرع وقت لتصليح العربيه غدا

اخوكم احمد

**3dwizard** · 03-06-2013 09:39 AM

"""اولا"""
لازم تقرأ البوست ده : http://www.nilemotors.net/Nile/317915-a.html

ثانيا :
Deutsch ما بقوش يشتغلو فيات نهائيا كلمتني واحده من خدمة العملاء هناك و اكدتلي الموضوع ده و انهم بقو مركز معتمد بي ام دبليو . و انا كنت رايحلهم لتغيير الطقم بردو.

ربنا معاك

**3dwizard** · 03-06-2013 09:44 AM

البرقان نقلو ابو رواش : 01280702207 او 01094821248

**osamy** · 03-06-2013 01:24 PM

بص يا باشا انا لما حصلي الحوار ده ودورت ايه ممكن المشكلة فهمت انها حاجه من تلاتة

يا البطارية مش مضبوطة

يا زيت الفتيس او السلسبيد تقريبا

يا اما فوركة دبرياج او طقم دبرياج كله

وانا طلع معايا انها تالت واحده
وغالبا هتبقى معاك برضه كده لو انت عامل بتاع 50 كيلو

انا في الاول عافرت معاها كتير وكانت بتجيب N مني لوحدها وانا ماشي
وبعد كده الدنيا باظت اكتر وبقى الغيار الاول والتاني بييجوا متأخر يعني العربيه تفضل تنقل في الغيار في فترة 3 ثواني مثلا

ومرة وقفت مني وكتبلي
gearbox unavailable تقريبا او حاجة كده

ومارضتش تتحرك من على الN وكنت في وسط الطريق
حاولت معاها بالمسايسة كده لحد ما جابت غيار وبعديها وديتها على طول علشان تتصلح

المهم انا في الاول خالص روحت للتوكيل بس كان بدري عند حاجة و30 والمشكلة اني ما كنتش بجيب N في الزحمة فكان الدبرياج شغال اكنك دايس علية مانوال

المهم قالولي ده كده طقم دبرياج قولتلهم بكام قالولي كله بالفوركتين بتاع 3200 جنية
قولتلهم فككوا مني انا عامل حاجة و30 الف ازاي طقم دبرياج

فمهندس سيد هناك في فرع الدراسة (هوه مشي دلوقتي) قالي هملالك الفورك علشان اتاكلت ونشوف

ملهالي نحاس تقريبا والعربية اشتغلت بتاع 10000 كده ولا حاجة مش فاكر بالضبط (بس ساعتها كانت كل الي بتعملة انها بتجيب N وانا ماشي بس)

المهم بعدها عملت الحوار ده تاني فقالولي لازم طقلم دبرياج
المهم دورت كده ولاقيت ان فيه حد بيعملة اسمه كريم حافظ في مركز دويتش في التجمع والراجل ده كان شغال في فيات وكذا واحد كان بيقولي علية انه كويس وهيعملي الي انا عاوزة

روحتلة غيرلي الفورك الخارجي بس والعربية فضلت 3 ايام زي الفل بس بعديها رجعت تجيب N تاني فقولت خلاص بقى طقم دبرياج وخلاص

دفعت كله على بعضه تقريبا 1800 جنية بس المشكلة ان مهندس كريم مشي من هناك فمش عارف ايه الظروف دلوقتي
اه وهما الي بيجيبوا قطع الغيار ماينفعش من برة

الي فهمته عامة انا المشكلة مش في الطقم اد ماهي برضه مشكله في الكمبيوتر علشان يعمل كاليبراشن للفتيس

في واحد برضه كان باعتلي عن ميكانيكي في مدينة نصر كويس عملها عندوا وهوه الي جاب الطقم من الكيلاني

والراجل ده شغال في فيات برضه على كلامه
نمرته (محمود 01116443492)

نمرة دويتش الي كلموني منها 01024666601

**Ahmad Shawky** · 04-06-2013 03:52 PM

المشكله طلعت فيووز يا جماعه الحمد لله

حد يعرف اقدر اجيب فليوزات منين

**3dwizard** · 04-06-2013 05:56 PM

طيب الحمد لله , بس عرفت ازاي؟

**Ahmad Shawky** · 04-06-2013 07:55 PM

كلمت كريم حافظ , فيات سابقا

وقالى اكيد دى مشكلت فيوز فتحت علبة الفيزات وبسيط فعلا على الفيز لقيتو ضرب حطيت مكانو فيووز ال Air bag

لان هومه الى 2 30 امبير

ودور العربيه كل حاجه بقيت تمام الحمد لله