.:خالد أباظة يقضى على أمال الlandRock الضعيفة أصلا.....!؟مقال غريب

فوجئت بمقال خالد أباظة فى الأخبار اليوم .. بيهاجم بشكل صريح السيارة landRock الصينية بعد أن
اختبرها فريق اخبار السيارات !؟!( وكأن دى أول عربية سيئة صينى تظهر فى مصر )
فرحت و الله وقولت كويس بينبهوا الناس .كتر خيرهم
لكن بقلب الصفحة 3 لقيت صفحة كاملة عن اسبيرانزا تيجوووووو :( وبعدها اعلانات عن ماهيندرا سكوربيو
.!.!.!.!
طيب لما أستاذ خالد قلبوا على الناس وخايف لا يلبسوا العربية ..!.!؟ كان فين أيام مشاكل اسبيرانزا و جيلى
فى أوائل أيامهم فى مصر ؟!!؟ أقسم بالله العظيم عندى صورة لعربية شيرى صاحبها بيفضح الشركة بعد عيوب صناعة فيها .. بيجر العربية بحمار ...والصورة كانت منشورة فى أخبار السيارات عام 2001 ؟!؟!
--------------------------------------------------------------------------------
للاسف مفيش صحافة سيارات يمكنك الاعتماد عليها فى مصر ... كلها مصالح ...:( :(

الله اعلم ممكن عشان اسبيرنزا منزله اعلانات كتير عندهم :) بس برضة اسبيرنزا اسم كبير وحقق انتشار كبير في مصر وبرضة ماهيندارا دي واخدة حملة كبيرة وبتتقفل عندنا اما لاند روك دي مسمعتش هنا قبل كدة

خالد اباظه منااااااااااااااااافق
و قولنا الكلام دا ميت مره في المنتدي
الشركه اللي بتجيب عنده اعلانات و هدايا تبقي فوق راسه
انما اللي مش بيهتموا بيه هو بينيل الدنيا
اسلوب قذر في الصحافه عموما.

بسم الله الرحمن الرحيم
أنا قريت المقال بتاع خالد أباظة في الأخبار النهاردة الصبح
وكان مفاجأة كبيرة جدا بالنسبة ليا
لأن خالد أباظة يوم الكومودو أو كومدينو ذي ما أنا مسميها قال كلام ملهوش حل
واللي يقرأ المقال اللي هو كاتبه النهاردة عن الصخرة هيكتشف ومن الوهلة الأولي أن المقال ده مدفوع تمنه وممكن يكون شرب شاي بالياسمين علي رأي عادل إمام
وسلملي علي الشاي بالياسمين .....
مصري وللآسف مصري محروق دمه ............................:censored::censored::c ensored::censored::censored::censored::ANSmile13:: sleeping::gunsmilie:

خالد اباظة دا الناس كلها (هارشاه) من الاخر كدا
شوفتوا قصائد المدح فى الكومودو الزبالة؟
قصائد!!! و الله حسسنى انها عربية مرسيدس بجد.
و اول مانزلت landrock كلام من اللى قلبك يحبه و من الاخر وراك العربية على حقيقتها!!!
على فكرة العربية الlandrock دى عربية زبالة الزبالات الصينى , بص على الفيديوهات دى
http://www.youtube.com/watch?v=0bDsgz2Jmz8
http://www.youtube.com/watch?v=DZWy_...eature=related
http://www.youtube.com/watch?v=DZWy_...eature=related

انما اشمعنى دى اللى اتكلم عليها , كتير اوى اوى من الزبالة الصينى نزلت مصر و لا حتى فتح بقه و لا قال بم؟
السبب واضح : العربية الزبالة دى بتنافس زبالات تانية فى نفس الفئة السعربية زى الكومودو و التيجو و الماهيدرا (الله اعلم الماهيدرا زبالة زيهم و لا كويسة)
كومودو = صفح اعلانات فى اخبار اليوم و ما خفى كان اعظم
تيجو = صفحة فى كل ملحق و ما خفى كان اعظم
الماهيندرا = توكيل البافاريا بتاع bmw ميقدرش يفتح بقه حتى لو محطوش اعلانات.
لاندروك=زبون جديد لسه متعلمش ازاى يتكتب عن عربيته انها احسن عربية فى مصر.

حاجة تنرفز بجد

90% من الصحف والمجلات المهتمة بالسيارات تعتمد

اعتماداً كلى وجزئي على التمويل من خلال اعلانات السيارات

فمن يعلن يمدح ومن لم يعلن فعلية مواجهة العواقب.

شخص مادى وفقد مصداقيتة كاصحفى
ولما قريت المقالة بتاعتة عرفت ان ماخدش فلوس من الحاج صاحب التوكيل

خالد أباظة قلمه مدفوع الأجر مقدماً
والله أعلم

طيب هو مش ناوي يكتب كلمتين عن عربيته الكمودو اللي حجوزتها وصلت 2000 عربية

الفين عربية ولحد دلوقتي ماطلعش غير عربية واحدة

خالد اباظة تدفعله يكون عبدك ما تدفعش تكون تحت رحمت كلمته

لا شفت واحده كومودو
عربيه شكلها زباله

النهاردة بجد كنت هافرقع من الغيظ و مكانش فيه حواليا و انا بأفرأ المقال غير والدتي و شوية من أصحابي حواليا مش فاهمين في العربيات اساسا....مقدرتش أستحمل و قعدت اشرحلهم عشان يشاركوني غيظي!!!!

ايه الصحافة القذرة دي!!!
الأول الأخبار تتبني الكومودو...و تبني أمال و وأوهام...و حمله اعلانية عمرها زاد عن الشهر للاعلان عن سيارة قبل طرحها أصلا بالسوق...و بروباجندا لا تتساوي مطلقا مع الحجم الواقعي لهذه السيارة...

قامت الاهرام غارت....اشمعني الأخبار ....ما انا كمان اتبني عربية من العربيات ديه و تكون شبهها كمان....و اتبنت سي هويدي بعربيتي اللاند زفت....و هي عبارة عن شاسية نقل متركب عليه مقصورة....حاجة اخر دلع يعني...

تيجي بقي الاخبار ماترضاش بالي بيحصل...ازاي الأهرام تنافسني؟؟؟؟؟...هوب نزل مقالة زي الزفت عن العربية الجديدة...و هوب الناس قلقت ...و هوب مبيعات اللاند بتاع بقت في الأرض!!!و هوب تاني مبيعات الكومدو تقفز كالجياد !!!

لأ و خالد أباظة جاي علي نفسه شويتين و بيتكلم عن التأخير اللي حاصل في تسليم الكمودينو كام اسبوع علي رأي استاذ فتحي....


انا عايز أفهم...هما فاكرين الناس هبلة ولا ملهاش فيه؟؟؟

رحمتك يا رب...

لأ هما مش فاكرين الناس هبلة هما بيدوروا على الهبل علشان يشتروا العربية بتاعتهم

لو في حد فكر يشتري لاند رووك هيفتح النهاردة الاخبار ويلاقي مقالة بتشتم فيها

يروح زي العبيط مشتري كومودوا وبكده المقالة دي تكون ضربت عصفورين بطوبة واحدة

عمل دعاية لكمودو على حساب لاند رووك ويبلغ الناس ان اي حد هينزل عربية هيوقعها

الارض علشان خاطر كمودو وكلهم يخافوا وماينزلوش حاجة

انا فاكر برضه من حوالي 7 شهور كان أخبار اليوم عندها مشكلة مع هيونداي و خالد أباظة كتب مقال مثير للأعصاب

صحافة السيارات في مصر (و الصحافة عموما بشكل عام) أبجني تجدني

يا ريت كمان اللى عايز يتشل بعد ما يقرا مقال خالد أباظة يحلى بمقال ممتاز القط اللى ما عرفش ازاى بقى رئيس تحرير

هده رساله ارسلتها للسيد خالد:

السيد خالد المحترم

تحيه و بعد

أثناء زيارتى لمصر حرصت كل الحرص ان اري السياره كومودو وفحصتها بدقه و يال هول ما رأيت

رأيت سوء التقفيل بشكل بشع و استغربت جدا أن يسمح لهده السياره أن تخرج هكدا من المصنع بهدا السؤءء

ليس الشطاره أن تخرج السياره في وقتها انما الشطاره ان تخرج في حاله تشرف

سيد خالد

أعتب عليك كرهك الشديد لمصر و المصريين

سيد خالد

فلوس المصريين مش فلوس حرام ولا يجب من أجل فلوس الأعلانات أن تشترك في عملييات تضليل اعلامي مرعبه

خسرت الرهان لكن خسرتها بدون شرفأنت مش بس

د. حسام سلامه

المشكلة يا جماعة ان ماحدش يعرف الكلام ده غيرنا
يعني الناس العادية بتتأثر جدا بالكلام ده وممكن يصرف نظر او يحط فلوسه كلها في عربية بسبب مدح أو هجاء من البني آدم ده اللي اسمه آباظة

لكي الله يا مصر

من سنتين لما نزل محمد نصير بالحملة الاعلانية لكيا في الاخبار
خالد اباظة نزل شتيمة في وليد توفيق
وانه اساء لكيا
وانه ضيع كيا
وانه وانه ومن ضمن الكلام وما بين السطور تقرا ان وليد توفيق عليه مديونيات اعلانات للاخبار
واول ما وليد توفيق دفع المعلوم ونزل بالبتاعة اللي اسمها فاشون دي
رجع وليد توفيق حبيب القلب وكشري بالزبيب والمكسرات
خالد اباظة انسان منافق لابعد الحدود وانا بعتلة ميل من سنتين اقولة احترم نفسك واحترم قلمك
ولا حياة لمن تنادي وقتها كان بيكت الميل بتاع تحت العمود
دلوقتي بطل من كتر الناس اللي بتبعتلة تنقدة

الأخوه الأعزاء

كنت قد اقترحت مند شهور أن ننظم حمله ضد السيد خالد أباظه و نفضح توجهاته الغير شريفه ليس فقط للجمهور بل أيضا للصحافه و هئة حماية المستهلك و كل المنتديات
انها لمصر و لأبناء مصر
وشكرا

د حسام سلامه

اقتباس:

---

المشاركة الأصلية كتبت بواسطة Husam_Salama

الأخوه الأعزاء

كنت قد اقترحت مند شهور أن ننظم حمله ضد السيد خالد أباظه و نفضح توجهاته الغير شريفه ليس فقط للجمهور بل أيضا للصحافه و هئة حماية المستهلك و كل المنتديات
انها لمصر و لأبناء مصر
وشكرا

د حسام سلامه

---

وأنا معاك في هذه الحملة

أقترح فتح موضوع مماثل لرسالة حضرتك لنقد خالد أباظة مع
إستطلاع على شرف قلمه ونرسل له رابط الموضوع مصحوباً بنسخة من نص الموضوع

بخصوص السيارات الصيني حد شاف الفيديو ده؟؟؟

http://www.youtube.com/watch?v=Dimg2...eature=related

انا اقريت العمود بتاعة وكنت هتتهبل الراجل دة منافق اوى وبعدين كل شوية يقول الحاج اكنة بيشتم الراجل

يا جماعة إنتوا زعلانين ليه ما خلاص كل مصر تقريبا عرفت حقيقته و عرفت أساليبة القذرة للإعلان أو فضح عربية و محدش خلاص بقى يصدق مقالاته من سنتين على الأقل

بس بصراحة مقاله الأخير مفضوح و مفقوس قوى كل دا علشان الاهرام سبقت و إعلنت على العربية و هى إللى جربتها الاول مش هو و كل دا علشان الراجل طنشه و مارحلوش و الأهرام سبقه بسبق صحفى

هو خلاص إفتكر نفسه رجل السيارات الأول فى مصر

المفروض الناس تقاطع أخبار السبت لعدم مصداقية البيه

اقتباس:

---

المفروض الناس تقاطع أخبار السبت لعدم مصداقية البيه

---

وهو أهرام الجمعة اللي عدل قوي:)

حضرتك نسيت المطابخ المانعة للإنطلاق:)

اقتباس:

---

المشاركة الأصلية كتبت بواسطة NaderNabil

وهو أهرام الجمعة اللي عدل قوي:)

حضرتك نسيت المطابخ المانعة للإنطلاق:)

---

طيب احنا نتابع اية دلوقت الاهرام باعلاناتة المستفزة ولا الاخبار بالنفاق والكدب
من رائيى المنتدى يعمل مجلة بالجهود الذاتية ونتابعها وخلاص :laugh6::laugh6::laugh6:

يا جماعه ده كمان غير انه انسان منافق فىه طبع وحش قوى بما انه رئيس تحرير ومشرف على الملحق ومجله اخبار السيارات ....ايام المعارض الدوليه للسيارات بيتفنن انه يجيب صور العارضات العاريات فى المجله بصوره استفزازيه جدا بحس انها مجله بورنو مش مجله متخصصه فى السيارات والعدد الوحيد اللى اشتريته من حوالى سنه كان ايام معرض بكين الدولى للسيارات عامل تقرير حوالى 15 صفحه عن عارضات السيارات وصور مخجله جدا بجد انا ندمت انى اشتريتها ...طب احنا مالنا دخلنا ايه انا رايح اشترى مجله سيارات الاقيها مجله ازياء وموضه وبصوره فاضحه ده غير الملحق .....يا جماعه انا من قرفى منه والله ماعنتش بمسك الملحق وتعرفوا انى لسه مقريتش المقال مع ان الجرنال عندى



..mokhtar..

يا ريت اللى بيشترى المجلة ال **** اللى اسمها أخبار السيرات يبطل
يشتريها .... العدد اللى كنت باشتريه هو السنوى لكن والله العظيم عدد 2008
كان زبالة بمعنى الكلمة .... فعلا حاجة تكسف ... فى مجلة مش بطالة اسمها
عربيتى وفيها سوق مستعمل تحفة وعددها السنوى جميل جدا وب 3 او 4 جنيه تقريبا .... أكيد خدتوا نسخة منها فى المعرض .....

اقتباس:

---

المشاركة الأصلية كتبت بواسطة ahmad7610

--------------------------------------------------------------------------------
للاسف مفيش صحافة سيارات يمكنك الاعتماد عليها فى مصر ... كلها مصالح ...:( :(

---

باشا احنا مهندناش لا مجلة ولا جريدة لخبار سيلرات فى مصر باعتراف الجميع مجرد صحف للأعلانات ومجلات لأعلانات ايضا ليس الا
وخالد ده شكله اللى بيعمل حمله عنده غة الملحق بيكتب فيه شعر

اقتباس:

---

المشاركة الأصلية كتبت بواسطة karim_monir

من سنتين لما نزل محمد نصير بالحملة الاعلانية لكيا في الاخبار
خالد اباظة نزل شتيمة في وليد توفيق
وانه اساء لكيا
وانه ضيع كيا
وانه وانه ومن ضمن الكلام وما بين السطور تقرا ان وليد توفيق عليه مديونيات اعلانات للاخبار
واول ما وليد توفيق دفع المعلوم ونزل بالبتاعة اللي اسمها فاشون دي
رجع وليد توفيق حبيب القلب وكشري بالزبيب والمكسرات
خالد اباظة انسان منافق لابعد الحدود وانا بعتلة ميل من سنتين اقولة احترم نفسك واحترم قلمك
ولا حياة لمن تنادي وقتها كان بيكت الميل بتاع تحت العمود
دلوقتي بطل من كتر الناس اللي بتبعتلة تنقدة

---

والله كنت متابع الحمله دى يا كريم وحسسنى ان محمد نصير رسول وعربيته الميجان اللى مقطعه الدنيا مش عارف ايه والصيانه اللى مش عارف ايه
واسم كيا هيطع السما مع محمد نصير الرجل العصامى الفطامى البتنجانى
وكان وليد توفيق عليه 10 مليون جنيه لأذكر. وفى كل مقاله يشوه وليد وينفخ فى نصير
رغم انى من متبعاتى للقضيه وجدت ان وليد توفيق مظلوم وهو احق بالتوكيل
اللى جاننى اكتر بقى ان لما وليد توفيق نزل بعربيه جديده مش عارف اسمها ايه
رجع يقولك وليد توفيق وعمرو دياب والحبشتكنات دى
لازم وقفه يا رجاله مع الراجل ده
يالا نعمل حمله زى اللى معموله ضد هيونداى فى موضوع السيارات الكورى

أخوانى الأعزاء

ان كنا حقيقى جادين فى حماية أهلنا من الغش و الغشاشين و اعطاء هدا الموقع الرائع حيثيه و قيمه و سبق يجب ان نبتعد عن الوصف الدي يعاقب عليه القانون و نحول غضبنا و قرفنا الى حمله حقيقيه و منظمه ضد السيد خالد و اطالب ادارة الموقع المحترمه بوضع خطه فوريه وتوزع المهام على الأعضاءز

و شكرا

لمصر و المصريين

د. حسام سلامه

اقتباس:

---

المشاركة الأصلية كتبت بواسطة hazem_khidr

خالد اباظه منااااااااااااااااافق
و قولنا الكلام دا ميت مره في المنتدي
الشركه اللي بتجيب عنده اعلانات و هدايا تبقي فوق راسه
انما اللي مش بيهتموا بيه هو بينيل الدنيا
اسلوب قذر في الصحافه عموما.

---

بحس بكده والله العظيم في أغلب مقالته اللي بتبقى منحازه لفئه معينه من السيارات دون الأخرى .. اللي في الأخر الاتنين سيئين .

اقتباس:

---

المشاركة الأصلية كتبت بواسطة ows212

يا ريت كمان اللى عايز يتشل بعد ما يقرا مقال خالد أباظة يحلى بمقال ممتاز القط اللى ما عرفش ازاى بقى رئيس تحرير

---

ها ها ها .. لا تعليق كان في أسوبع بينتقد شركة مصر للطيران وحاططها في سابع أرض .. والأسبوع اللي بعده قصائد مدح لا أخر لها .. حاجة غريبة مش كده

حرب السيارات الصينية بين أخبار اليوم والأهرام عبد الفتاح على (جريدة الفجر)
http://elfagr.org/Main_images/168/999.jpg
أزمة غير عادية بين مؤسستي الأهرام وأخبار اليوم بدأت منذ زمن طويل بسبب المنافسة الحادة بين الصحيفتين الاكبر في مصر حتي وصلت آخر فصول الازمة إلي ملحقي السيارات.
الفصل الأخير كان مثيرا وغريبا جدا، فقد بدأت أحداثه عندما استعان توكيل سيارات «كومودو» الصينية ذات الدفع الرباعي بأخبار اليوم وبمشرف الملحق الزميل خالد اباظة في الدعم الصحفي والإعلاني للسيارة الجديدة وبالفعل قدم ملحق اخبار السيارات دعما بلا حدود للوكيل الجديد، فكان المقابل ان اعلانات كومودو اقتصرت بنسة كبيرة جدا علي ملحق اخبار السيارات، الامر الذي أغضب القائمين علي ملحق سوق السيارات بالأهرام، فحملت صدورهم من الانحياز لأخبار اليوم ومنحهم النصيب الأكبر من الكعكة الاعلانية الكبيرة.
مرت يام قليلة حتي بدأ ملحق سوق السيارات في الاهرام بتبني توكيل جديد لسيارة صينية جديدة ذات دفع رباعي يضا هي «لاند روك» منافسة للسيارة الصينية كومودو التي تبنتها أخبار اليوم في ملحقها الأسبوعي، وبدأت حملة تشويقية للسيارة لاند روك وانتهزت الهزة التي حدثت في السوق وانخفاض المبيعات الحاد الذي اصاب الشركات فتعثر تسليم الدفعة الاولي للسيارة كومودو لبعض الحاجزين عن الموعد المحدد، فانهال ملحق السيارات لأول مرة في تاريخه بالهجوم علي السيارة واعتبرها سيارة اقل من المستوي وأن الوكيل غير ملتزم، وتناسوا الأزمة التي تضرب سوق السيارات في كل ناحية فيه، وأن التأخير قد يكون سببا خارج عن الارادة وهذا أمر حاصل في سوق السيارات أكثر من مرة مع أكثر من وكيل من الوزن الثقيل لكن الأهرام لم تتجرأ علي مهاجمة ي وكيل أو ي سيارة تأخر موعد تسليمها أسبوعا او اثنين كما حدث مع كومودو.
إذن المسألة كانت نتيجة الغيرة المهنية بين المؤسستين الكبيرتين وليس لها علاقة بقواعد العمل الصحفي او الشفافية التي من المفترض أن تتعامل بها ي صحيفة، وهذا أمر عهدناه بكل ملاحق السيارات، لكن أن يتحول الصمت عن الخطأ في أوقات كثيرة ونماذج أكثر الي هجوم شرس وعنيف ومدفوع بغيرة اعلانية فهذا أمر غير محمود من مؤسسة كبيرة مثل الأهرام.
أخبار اليوم لم تصمت ولم تسكت علي محاولات الأهرام ضرب حليفها كومودو، فقرر خالد اباظة المشرف علي ملحق سيارات اخبار اليوم بالرد الاعنف والأقوي والأشرس والصريح ضد الوكيل والسيارة لاند روك، وقال فيها ما لم يقله مالك في الخمر، بدءاً من الشاسيه وحتي الكماليات واليرباج.
ليس هناك مجال لنشر الهجوم علي احد، فلي موقف واضح وصريح من السيارات الصينية التي لا أراها قد نضجت بعد ولم تصل للمستوي الآمن، لكن الحرب الدائرة بين الملحقين لها الظاهر ولها الباطن لو امعنا النظر فيهما سنخرج بنتيجتين الاولي قد ترضي المستهلكين والثانية قد لن ترضي الملحقين الاكبر في صحافة السيارات.
ظاهر الامر أن المستهلكين أو القراء لأول مرة يحصلون علي معلومات مهمة وواضحة وشفافة عن سيارتين لم يكن مقدرا لهم ولا في احلامهم ان يعلموا عيوب كل سيارة فيها لولا الخلاف العنيف بين الملحقين، الامر الذي يدفعك لليمان بالمثل القائل خلافهم رحمة بالمستهلكين والقراء.
أما الباطن فهو من الخجل الخوض فيه باستفاضة لأنه من العيب أن نصل لهذا المستوي المهني، فقد قبلنا أن يتحول الملحقان من خدمة صحفية محترمة الي مجرد خدمة إعلانية كانت محترمة حتي سقط الغريمان في حرب ليس لهما كبير فيهما وهذا أمر يحتاج لكلام.
لماذا قلنا إن الاثنين ليس لهما كبير لأنه وحتي الازمة الاخيرة كان كثير من صحفيي السيارات يرون في خالد اباظة شيئا من القيادة او الزعامة او الكبير كما يحلو للبعض أن يطلق عليه، فالرجل له من الصفات الإنسانية ما يؤهله لدور ما، ولو كان هناك رابطة لصحفيي السيارات لكان مرشحها الوحيد.
لكن مجموعة صحفيي ملحق سوق السيارات وهم مجموعة محترمة يضا كانوا يرون في خالد اباظة أقل من أن يكون رئيسا لرابطة غير موجودة، فقد كان احساسهم بأن ثقل مؤسسة الأهرام يمنعهم من الاقتناع بخالد اباظة فهم ابناء مؤسسة الاهرام الكبري ومن الطبيعي - من وجهة نظرهم - ان يكون احدهم هو الكبير استنادا للمؤسسة، لكن طبيعة تداخل الاختصاصات في ملحق السيارت التابع للاهرام كان يحول بين هذا الامر لأن كل صحفيي ملحق الاهرام هم في الاصل صحفيو حوادث أو رياضة وبالتالي فهم غير متفرغين لتخصص السيارات بشكل كامل، علي عكس اباظة الذي تفرغ تماما لصحافة السيارات مما اهله لتولي رئاسة تحرير مجلة اخبار السيارات.
إذن الازمة كان لها في النفوس براح ومساحة كبيرة من الغيرة المخلوطة بقليل من الغضب وكثير من الطمع، حتي جهاز حمية المستهلك الذي طالب الملحقين بتدخله ضد سيارة الطرف الآخر كان له موقف مختلف تماما من الأزمة، وحتي كتابة هذه السطور كان هناك اجتماع في شعبة السيارات لمناقشة الأمر بعد ان كشفت الازمة عيوبا في السيارتين، هذا ما أكده لنا سعيد الألفي رئيس جهاز حمية المستهلك.
يا كان الأمر علي الجميع أن يعترفوا بوجود أزمة لكن في ظل عدم وجود كبير للطرفين يمكن الرجوع اليهما قد يتطور الأمر الي ما هو أبعد من ذلك إلا لو تحكم الطرفان في اعصابهما وذهبوا ولو مرة إلي القواعد المهنية ويحتكمون اليها.
قد يظن البعض ان نقابة الصحفيين وبالأخص النقيب الاستاذ مكرم محمد احمد قد يتدخل، لكن هؤلاء فاتهم ان طبيعة الملحقين الإعلانية قد تفرض قيودا علي النقيب في النزول والخوض في معركة طرفاها يسعي لاستفادة مالية وقد يضر بسمعته تصيبه سهام طائشة في حرب التراشق الكلامي بين المؤسستين الكبيرتين.
نحن في انتظار أن يتدخل أسامة سرايا وممتاز القط لكبح جماح الأزمة قبل أن تتحول لفضيحة.

ana kont ba7eb 2a2raloow bas 7`alas el3`roor 7`ado we kalamo ba2a damoo t2eel

صاحب التوكيل بتاع لاندروك
دفع لخالد اباظة ونزل اعلان صفحتين فى ملحق اخبار السيارات بتاع النهاردة

انزلوا اشتروا الأخبار....و اقروا مقال خالد أباظة و قلبوا شوية في الصفحات....

ارحمني يا رب!!!!

لأ وكمان حطين صورة كبيرة لاخ هويدي ببدلة علشان يثبتوا انه مش حاج

زي ما خالد اباظة قال علية

الملحق إنهاردة قمة الكوميدية ..
و كمان صفحتين للاند روك :)

صدق اللي قال فعلا مفيش صحافة سيارات في مصر

بالمناسبة فيه صحيفة سيارات محترمة بقالها فترة قليلة لسة طالعة انا بتابعها هي شغلها فيه إجتهاد يعني و من غير إعلانات و الجو ده .. أخبار عالمية و السوق المحلي معمول فيه تحقيقات بس من غير تلميع في توكيلات و شركات .. الجريدة إسمها اوتو ويكلي بتصدر كل يوم خميس .. انا عرفتها بالصدفة كان بيوزعوها مجاناَ في إمارات مصر اما تشتري حاجة و لقيتها كويسة