الحمدلله علي كل حال
قضا اخف من قضا
والله لو قدرت في سكتك تسألي علي الكبوت يبقي كتر الف خيرك
متشكر اوي يا احمد علي اهتمامك وسؤالك
عرض للطباعة
الله يسلمك
بالنسبة لتغيير الحارة:
انا كنت خلاص اقصي اليسار ومفيش شمال تاني ، واما لليمين فدة كان شبه مستحيل لأني اصلا كنت ماشي بالورب (جاي من اقصي اليمين لأقصي اليسار) ودة الحمدلله اخف الضررين لأن عندي الرفرف الشمال سليم تماماً مافيهوش خربوش ولا حتي الاشارة اتكسرت او اتخلع من مكانه
الحاجة التانية ان مفاجأتي قللت جدا جدا فرص الاختيار او التفكير لأن المسافة بيني وبين اللي قدامي كانت لا تتعدي ال4 او 5 متر
شكرا جدا علي اهتمامك وسؤالك
تحياتي
ربنا يارب يبارك فيك
الله يسلمك
متشكر اوي
الحمدلله
كل اللي يجيبه ربنا كويس
الحمدلله
فعلا انا ان شاء الله المرادي لن اتنازل عن تركيب الفلين خلف الاكصدامات
امين يارب العالمين
شكرا لكم جميعا الاهتمام والسؤال
لا حول ولا قوة إلا بالله .. الف حمد لله على سلامتك يا باشمهندس .. لعل الله رفع عنك أذى أكبر من ذلك بسبب المعروف اللى بتعمله مع الناس .. وإن شاء الله ربنا يكرمك بحال أفضل من كده يا راجل يا محترم ..
ربنا يعوض عليك يا رب .. المهم انت بخير ..
عجــبا لأمــر المـؤمـن إن أمـره كلـه خيــر وليــس ذاك لأحــد إلا للمؤمن ، إن أصابتــه ســـراء شكـــر فكـــان خيــرا لــه وإن أصابتــه ضـــراء صبــــر فكـــان خيــــرا لــــه
سيد بك حبيب قلبي ، قلبي عندك يا باشا والله ، وقد اية انا حاسس بالموقف الى انت فيه ، بس فى الاخر الحمد لله على كل شيء وسلامتك اهم من اى شيء تانى وفعلا لو كنت شوفت الى حصل عندنا فى شارع التسعين هتحمد ربنا على الى حصل ده اوى اوى اوى اوى اوى اوى اوى ، قدر ولطف يا باشا وفداك اى حاجة وانا اعرف كويس جدا ان صاج الايبيزا بالذات فى الموديلات ده رخيص مش غالى انا اعرف ان الرفرف بيعمل حوالى 100 جنية او اقل بقليل والماسك الامامى ده كاملا اكصدام بكبوت والرفرين والشبكة بالعلامة واعتقد الفوانيس على ما افترك ممكن يدخلوا فى واحد ونص وتبقى مغير كل حاجة قدام والاسعار ده قبل غلو الدولار الفترة الاخيره ، اما باب الشنطة كامل ممكن يدخل فى 400 جنية على اقصي تقدير ، قلبي عندك يا حبيبي والله وان شاء الله كل حاجة ترجع احسن من الاول ، وانا معايا كروت محلات كتير اوى ممكن لو حبيت ابعتهالك وتتصل وتسال هما فى الحرفيين والاربعيين .
اهم شئ حمداا لله على سلامتك يا استاذ سيد
والحمد لله على كل شئ وربنا يعوض عليك خير ان شاء الله
وهنا عاوز اسأل سؤال لو انت جاى بسرعه وقابلك حيوان ( قطه او كلب او معزه ) وانت جاى بسرعه ليه تقف وتعمل مشكله اكبر مع ان دهس الحيوان اقل خساره ( عارف ان ناس حتقولى انت معندكش قلب وكلام كتير من كده ) وانا لما الموضوع ده اتفتح قدامى قلت رأى فى كذا موقف شبيه وطبعا ساعات كانو بيتهمونى انى مليش قلب وكلام كده
بس الواحد لو فكر شويه ومثلا ماشى بسرعه ومعايا اطفالى وانا فرملت على قطه مثلا وطبعا الولاد الصغيره ممكن يتأذو ا من الاندفاع المفاجئ ده غير اللى ممكن يحصل من حوادث وغيره مع ان تكلفه دهس الحيوان ( سواء تكلفه ماديه او نفسيه ) اكيد جتكون اقل
بس ممكن يكون تعليلى الوحيد ان ده بيكون رد فعل معاكس ( لا ارادى للسائق ) وده الخوف منه وربنا ما يوضعنا ابدا فى موقف مشابه
اسف طولت عليكم بس حبيت اطرح فكره ( يمكن ناس كتير تستهجنى عليها لكن ده مجرد رأى )
واخيرا حمدا لله على سلامتك استاذ سيد كمان مره