Dvd&gps

**MohamedSotohy** · 03-06-2013 05:44 PM

من حوالي شهرين وانا بفكر اجيب جهاذ دي في دي ل عربيتي ويكون كمان فيه جهاذ جي بي اس
المهم بعد المقارنات بين المنتج والشركات والاسعار جبت واحد كامل ب كاميرا خلفيه وشويه اوبشن كتيره
المهم بعد ما جبته وجيت اركبه
قولت احسن واحد يركبهولي هوا كهربائي التوكيل
المهم كلمت واحد صنيعي اعرفه شغال في التوكيل واتفقت معاه
وكان اختياري ل كهربائي من التوكيل علي اساس انه عارف العربيه واضمن انه موش ها يفتي او يبوظلي حاجه او بمعني اصح ما يخربليش حاجه
المهم قابلته قريب من البيت وابتدا يشتغلي في العربيه
لكن للاسف بعد عناء حوالي 3 ساعات
معرفش يشغل الكاميرا ورا مع r
وكمان معرفش يشغل الاضائه للجهاذ
غير انه نسي يوصل اريال التليفزيون
غير انه عملي توصيلات غبيه
المهم قولتله شكرا علي كده
وبعد يومين روحت لبتوع الكاسيتات اللي في شارع احمد عرابي
بسم الله عليهم
في عشر دقائق كانو عاملين كل حاجه تمام
وكمان جي احاسب اخدو 30 جنيه بس وانا اديت الصنايعي 10

شوفتو بقا كهربائيه التوكيل عاملين ايه
والله طلعو حافظين موش فاهمين
وعلي فكره انا اما لقيته لايص عرضت عليه اني اقراء له خريطه التوصيل ونراجعها تاني مع بعض
بس رفض وقالي يابيه الجهاذ هوا اللي بايظ
دا انا مركب منه 100 واحد ف التوكيل
للاسف طلع شرم بروم
لان اللي عاملوه بتوع عرابي انهم مسكوا الدائره وفهموها الاول قبل ما يشتغلو
شوفتو بقا؟
المهم الحمد لله الجهاذ ذي الفل وجميل جدا وفيه كل اللي انا عاوزه
وعلي فكره سعره موش غالي خالص بالنسبه لامكانياته

**iouilugt** · 03-06-2013 06:42 PM

الف مبروك ياباشا والله انتا عندك حق انا عربيتى الاسكورت كانت كل حاجه تظهر فيها اجرى على ميكلنيكية الفورد الى فى اخر الدنيا وكل مره ميكملش شغله واسعاره بنت تيت يغير حاجه القيه يقلى 300 واكتر امت وديت العربيه عند ميكنيكى جنب البيت بس صنابعى شاطر والناس بتشكر فيه بقى يصلحلى كل حاجه ويقلى التدفعه الميكانيكا وحده فى كل العربيات بس فيه ميكنيكى نضيف وشاطر يصلح ويرجع كل حاجه مكنها وواحد معفن وخايب ده الفرق بس احنا بنقول كدبه ونصدقها لازم واحد بتاع فرد اى كلام ولا لازم ولا حاجه قول لازم نلقى واحد شاطر ونظيف فى شغله وبس .

على العموم مبروك بس مقلتش جبته بكام