مسمار الكرنك غلبني

**Elkomanda** · 03-06-2013 08:45 PM

السلام عليكم ورحمة الله وبركاته

لو سمحتم يا جماعة محتاج مساعدة بالنسبة لفك مسمار الكرنك
العربية بولو موديل 99

المسمار محتاج أفكه علشان أغير أولسيه الكرنك لإنه بيرشح زيت
وبعد عنااااااااااااء طويل برضه مش عارفين نفكه
رحت حتى لخراط معرفش يفكه
قعد يحاول انه يلحم حديدة عليه ويدق عليها بالشاكوش
الحديدة كانت بتتكسر والمسمار برضه مش بيفك
ده غير محاولات الميكانيكي المتعددة معاه بكل الطرق
ودي مش أول مرة تحصل الحكاية دي لإن برضه قبل كده وأنا بغير سير الكاتينة الميكانيكي معرفش يفكه بنفسه بس جاب خراط فكه
المشكلة إن الميكانيكي ده دلوقت مش موجود وأنا مش عارف اعمل ايه

هل له طريقة معينة علشان يتفك مثلاً ولا ايه؟؟
وهو بيفك يمين ولا شمال؟؟

ياريت لو حد يعرف يقول لي
وشكراً مقدماً

**Karim Ibiza** · 04-06-2013 10:49 AM

جرب ترش عليه wd40

**SYD** · 04-06-2013 11:03 AM

للأسف احياناً الميكانيكية في حاجة زي كدة بيمسك المسمار كويس اوي باي حاجة
ويخليك تدي سنة مارش
عزم الموتور بيفك المسمار

مش عارف هذا الكلام ينطبق علي مسمار الكرنك ولا لاء

بس عموما مفيش حاجة مالهاش حل

تحياتي