Skoda Fantasia TSI Turbo 1.4

**برنس الليالي** · 04-06-2013 12:45 AM

العربية دي ممكن تستخدم بنزين 92 عادي ولا حيعملها مشاكل ؟

انا عرفت ان البنزين بيكون حسب نسبة الإنضغاط مش النقاء بس انا حبيت استشيركم في المشوار دا اكتر عشان اطمئن
اتمنى لو حد يساعدني في الاستفسار دا

**inspiron** · 04-06-2013 01:05 AM

المشاركة الأصلية كتبت بواسطة برنس الليالي

العربية دي ممكن تستخدم بنزين 92 عادي ولا حيعملها مشاكل ؟

انا عرفت ان البنزين بيكون حسب نسبة الإنضغاط مش النقاء بس انا حبيت استشيركم في المشوار دا اكتر عشان اطمئن
اتمنى لو حد يساعدني في الاستفسار دا

شوف يا برنس الليالي

العربية تقبل بنزين 92..ولكن..هتلاحظ فرق ( لا يذكر ) في التسارع علي السرعات البطيئة

المهم بقا طلب أخوي..يا ريت بعد إذنك تعملنا تقرير عن أداء العربية دي بالموتور والفتيس ده..ويا سلام عليك لو عملت فيديو للتسارع بتاعها من 0-100..تبقي برنس البرانيس كلهم مش الليالي بس.

تحياتي

**برنس الليالي** · 04-06-2013 02:24 AM

هو بصراحة كتر الكلام على النقطة دي خلتني قاعد قلقان من ساسي لراسي
ناس قالت ان العربية حيبقى فيها فرق لا يذكر وناس قالت ان البنزين 92 حيقصر من عمر الموتور
وانا عن نفسي دي اول مرة اجيب فيها عربية لإني كنت لسا بتعلم السواقة في اكاديمية واخاف اعمل حاجة في العربية دي تبقى ضربة معلم ليا
عشان كدا من اول ما جبتها وانا بكع كل اللي في جيوبي على البنزين 95 وخايف احط 92

سبحان الله العربية نفس لون عربيتك ..
طيب حاضر بس بعد ازنك اديني يوم او يومين عؤبال معملك فيديو محترم وكام صورة مع تنسيق التقرير حياخد مني شوية وقت

وياريت يا شباب اللي عنده معلومات اكتر يفيدني

**inspiron** · 04-06-2013 03:03 AM

المشاركة الأصلية كتبت بواسطة برنس الليالي

هو بصراحة كتر الكلام على النقطة دي خلتني قاعد قلقان من ساسي لراسي
ناس قالت ان العربية حيبقى فيها فرق لا يذكر وناس قالت ان البنزين 92 حيقصر من عمر الموتور
وانا عن نفسي دي اول مرة اجيب فيها عربية لإني كنت لسا بتعلم السواقة في اكاديمية واخاف اعمل حاجة في العربية دي تبقى ضربة معلم ليا
عشان كدا من اول ما جبتها وانا بكع كل اللي في جيوبي على البنزين 95 وخايف احط 92

سبحان الله العربية نفس لون عربيتك ..
طيب حاضر بس بعد ازنك اديني يوم او يومين عؤبال معملك فيديو محترم وكام صورة مع تنسيق التقرير حياخد مني شوية وقت

وياريت يا شباب اللي عنده معلومات اكتر يفيدني

بص يا باشا أولاً ربنا يباركلك في العربية ويديك خيرها ويكفيك شرها..
ثانياً.. إوعي ( إوووووعي ) تمشي ورا كلام الناس..لازم في الآخر تمشي ورا كلام المتخصصين في العربية..يعني نقطة بيقصر عمر الموتور دي أنا سمعتها كتير..لكن سبحان الله المدير المالي عندي في الشركة راكب باسات فيها نفس موتور عربيتك وعاملة دلوقتي 100000 كم وبسم الله ما شاء الله علي حالة الموتور بتاعه .. مع العلم..عمره ما حط فيها 95.

المطلوب من حضرتك .. وطبعاً إذا أذنت لينا..إنك تعملنا تقرير يوضح بالفيديو .. أداء الموتور العنيف ده علي العربية دي ومعاه الفتيس الـ dsg عاوزين نعرف الفرق بينها في السير عن النسخة الـ 1600 اللي معانا.