سؤال عن صيانه ال 10 الاف للفيات بونتو 2013

**abo_salah** · 04-06-2013 02:23 AM

السلام عليكم
عايز اعرف اي معلومه عن صيانه ال 10 الاف كيلو للفيات جراند بونتو 2013 ..
اسعار الصيانه ؟ ايه اللي بيتغير غير الزيت ؟؟
في اي مصاريف او اي حاجه اعمل حسابها قبل ماروح ...
كمان في حاجه .. بقالي 3 ايام باتصل عشان احجز للصيانه ماحدش بيرد عليا .......:b4_564:
سواء جسر السويس او الدراسه ....
في حد عنده اي معلومه عن الموضوع ده ؟ او اسعار الصيانه ؟؟
اسف عالاطاله يا رجاله ...

**aliabdo** · 04-06-2013 10:18 AM

بص فى موضوع انا عمله عن اسعار صيانه الجراند بونتو ايه الى بيتعمل فيه و اسعار الصيانه التقريبه مش عارف الصراحه موضوع التليفوانات الى مش بترد ده ايه حاول تكلم اوماترا تاخد منهم الارقام تانى

**abo_salah** · 04-06-2013 10:14 PM

شكرا علي ردك ...
انا النهارده 5 يوم اتصل بالارقام اللي حجزت عليها قبل كده
يا اما رساله تقولي مواعيد الاجازات وتقفل ..
يا اما يقولي جميع الخطوط مشغوله ... انتظر شويه وهانرد عليك .. افضل مستني لحد ما الخط يقطع لوحده
اكتر من 15 مره النهارده الكلام ده ومفيش فايده .. ماحدش بيرد عليا ...
هاروح اطب عليهم مره واحده اعمل الصيانه مفيش حل غير كده ..

**aliabdo** · 04-06-2013 11:30 PM

حقك تعمل كده طالما التليفونات مش بترد عموما صيانه ال 10 بتعمل حوالى 700 جنيه

**abo_salah** · 05-06-2013 01:27 AM

شوفت بقي
في موضوع حلو اوي ... بيقول لك اوماترا اتباعت للفطيم ...
هتلاقيه في المنتدي ...

**aliabdo** · 05-06-2013 09:31 AM

فعلا سمعنا الكلام ده و ان شاء الله يكون احسن لينا بس برضو كل مراكز الصيانه شغاله عادى زى ما هى

**ayman2** · 05-06-2013 09:56 AM

المشاركة الأصلية كتبت بواسطة aliabdo

فعلا سمعنا الكلام ده و ان شاء الله يكون احسن لينا بس برضو كل مراكز الصيانه شغاله عادى زى ما هى

+1

**abo_salah** · 06-06-2013 12:02 AM

روحت مركز الدراسه النهارده الصبح ... عشان اعمل الصيانه من غير حجز زي ما قولت ....
لقيتهم عاملين اضراب .. ومش بيردوا عالتليفونات ... عشان ليهم مستحقات ماليه عند الشركه ومش عارفين ياخدوا حقهم
.. وحجزولي ميعاد تاني بكره الصبح عشان اعمل الصيانه ان شـــــــاء الله