اقتباس المشاركة الأصلية كتبت بواسطة inspiron مشاهدة المشاركة
والله شوف..بدون ما أخوض في حديث عن رأي حد من الأخوة الأعضاء..إحتراماً لوجهات نظرهم أين كانت..بس أنا واحد من الناس..لما أكون قاعد بتفرج علي التليفزيون.ومعايا أختي.أو أمي..أو خطيبتي..ويشتغل إعلان زبالة زي ده..ونقول إيه يعني..مهو باسم يوسف اللي قوي قلبهم فعادي بقي مندقش !!! ومنخدش أي إجراء ضد القذارة دي..يبقي قول علي الدنيا السلام..كده بقا مش فارقة..إخوان..خرفان..ليبرالي ..علماني..جن أزرق.
وعايز أقول حاجة..أكم من الناس تسمعه بيشتم وبيسب ويلعن في البلد والعيشة واللي عايشينها .. وكلمة مستنقع زبالة دي..بسمعها دلوقتي أكتر من صباح الخير..في الحقيقة بزعل..بس عارف..ببص حواليا كده علي حال البلد وحال الناس مع بعضها وكم التهكمات والتجاوزات مع بعضهم لمجرد إن أي حد شايف إن رأيه بس هو اللي صح.ولو سمع رأي معارض يبقي حاجة من التلاتة
ليبرالي
علماني
خروف
خلاص هي تقسيمة.وكله بيخبط في كله وكله بيكره كله..طيب معلش الأخوة الأفاضل إسمحولي أسأل كام سؤال..مع العلم إني لا عمري بعترف بالإخوان ولا بأي تيار من اللي إحنا عايشينه ده.وربنا قادر يزيح عنا العلل اللي ماسكة البلد..
كام مرة بتسمع سب الدين في الشارع ؟
كام مرة بتشوف خناقة في الشارع؟
كام مرة بتسمع صوت ضرب نار في الشارع؟
كام مرة بتشوف كوم زبالة في أرقي مناطق القاهرة الكبري مرمي في نص الشارع ؟
كام مرة بتسمع عن حالات سرقة؟
كام فيلم عربي قذر كله إيحاءات نزل في السينيمات علي مدار السنتين اللي فاتوا علي شاكلة برتيتا - ريكلام - بون سواريه - الألماني - عبده موته ؟
أخيراً توصل لأننا نسمع ألفاظ زي فش.... وهان.... وقرف عيني عينك ؟

أنا كل ما أسترجع لنفسي كل الأسئلة دي..بقول إحنا فعلاً في طريقنا لإننا نعيش في مستنقع زبالة هيلطنا كلنا.
ملحوظة..أنا من محبي باسم يوسف جداً..وبستني أتابع برنامجه..عشان المساخر اللي بيعرضها عن التحف اللي ماسكة البلد..لكن هذا لا يمنع..إن زفارة لسانه علي المشاع كده إدت فرص كتير لكلاب السكك تعمل إعلانات زي شبسيكو ده.
كلنا بنشتم.محدش فينا معصوم عن التلاسن.لكن مش كده.مش بالسفاهة دي..أقل ما فيها كل واحد فينا عنده حريم أهل بيته.
معذرة للإطالة
كلام جميل
بس بالنسبه لباسم يوسف انا كنت بتفرج عليه زمان لحد اما اشتفل فى التلميحات والكلام الفاضى
حرمت على نفسى انى اشوفه وعلى زوجتى انها تشوفه ايضا---اصلا انا زى الدكتاتور وكلمتى فى البيت لازم تمشى--الواحد يشوف حاجه تنفعه افضل من جو السخريه الغير مهذبه بتاعت باسم وربنا يهدى