بعد كثير من البحث و التمحيص قررت أن أحجز كيا سبور تاج ٢٠١٤ والحمد لله لسه مستلم اليوم واحب أن اشكر كل أعضاء كيا على كل التقارير الخاصة بكيا أسبورتاج وخصوصا الزميل محمد بدر مع حفظ الألقاب وأتمنى أن تقبلوني عضو جديد معاكم بإذن الله
عرض للطباعة
بعد كثير من البحث و التمحيص قررت أن أحجز كيا سبور تاج ٢٠١٤ والحمد لله لسه مستلم اليوم واحب أن اشكر كل أعضاء كيا على كل التقارير الخاصة بكيا أسبورتاج وخصوصا الزميل محمد بدر مع حفظ الألقاب وأتمنى أن تقبلوني عضو جديد معاكم بإذن الله
1000 مبروك عليك العربيه الجديده وربنا يباركلك فيها
الف الف مبروووووووووووووووووووووو وووك وربنا يباركلك فيه بس فى التقرير المصور
ألف مبروك
الف شكر على تهانيكم الطيبة
الفرق فى سبورتاج موديل 2014 عن الموديلات السابقة
فوانيس ليدات (ثانى فئة)
حساس مطر
بلوتوث والتحكم من الطارة
فوج لايت مختلفة (بصراحة احلى من الشكل القديم)
العربية بقت تقفيل الاتحاد الاوروبى (مش عارف الصراحة دى ميزة ولا عيب)
العفشة تحسنت بشكل رائع
بس انا حاسس ان الفرامل تقيلة شوية , وانتظروا التقرير قريبا انشاء الله
بارك الله لك فيها .. ممكن اعرف حضرتك حجزتها بكام وفين واستلمتها بسعر كام عشان انا سألت عليها فى محمد زكى وقالولى الحجز من 6-7 شهور والسعر عند الاستلام أرجو الرد لأنى فكرت اجيب مستعمل اما قالولى كدة .. هم فعلا قالوا انها تقفيل سلوفينى او سلوفاكى مش فاكر وفعلا مش عارف دى ميزة ولا عيب
ألف مبروك لحضرتك
السبورتاج سيارة رائعة أحسنت الأختيار
ربنا يبارك لحضرتك ويعطيك خيرها
الف مبروك
أنا جبت العربية من توكيل كيا اللى فى روكسي ، قالولى حجز ٤٠٠٠٠ الف والاستلام بعد ٣ شهور ( مفيش ٦ شهور دى خالص) والمهندس اللى فى التوكيل قالى قدام شوية هيبقى الاستلام فورى ، نصيحتى ليك هاتها زيرو وخصوصا موديل ٢٠١٤ أنا شايف أن تقفيلها أحسن وزودها اوبشنز الصراحة ، أنا يا آخى العزيز استلمت العربية بعد الحجز ب ٨ أيام ، اااه والله ٨ أيام فقط الحمد لله ومكنتش مصدق لان التوكيل قالى ٣ شهور ، بس ربك لما يريد
بارك الله لك فيها
نسيت أقولك أنا جبت ألفة الثانية ٢٢٢ ألف
هل السعر فعلا ب 222 ألف زى ما قالولى ولا اتغير عشان استلمت بسرعة ؟؟
ألف مليون مبروك يا باشا ... انشاء الله سبحانه وتعالى هحجزها يوم الأحد انشاء الله .. متهيألى التحصيل بيقى فى فرع القطامية مش كدة ؟؟ يا ريت تقوللى الأجراءات مشيت ازاى بالترتيب عشان سهولة الأمور .. يعنى اخد البطاقة والفلوس بس ؟؟ معلش هتعبك معايا عشان العربية دى داخلة دماغى بقالها كتير اوى
عيب عليك مفيش تعب ولا حاجة ، أنا أستلمتها بنفس السعر ، توكل على الله وهاتها مش هتندم انشاء الله ، التحصيل فى روكسي ، هتدفع ٤٠ ألف حجز و خد معاك البطاقة ، وهتختار اللون اللى انت عايزه ، ولو متردد فى كذا لون ممكن تحط اكتر من لون ( لون أساسي ولون احتياطي)
يا باشا تسلم والله .. انت حمستنى جداااااا انا اما قالولى فى القطامية استلام كمان 6 شهور بالسعر ساعتها انا قلقت وحسيت انها هتغلى اكتر وهستنى كتير وممكن يمطوحونى .. لكن كلامك رجعلى الأمل وهحاول معاهم شوية فى الأستلام الفورى نتيجة السفر لو أمكن لو مش ممكن يبقى مش مشكلة نيتنى حتى 3 شهور مبلوووعة ... عاوز بقا تقوللى انطباعك بالتفصيل الممل عن التقفيل الأوروبى واحساسك ايه اما ركبتها وجبت لون ايه .. بردو معلش تعبتك معايا بس انا بفكر فيها من ايام ما كانت ب 175 الف :) :) :)
العفشة بقت اكثر من رائعة , انا سوقت بتاعة واحد صاحبى موديل 2012 لاحظت العفشة بتاعتها ناشفة شوية ودة موضوع كان تاعبنى الصراحة, الماتيريل بتاعة العربية من جوة بقت افضل , بس الحاجة اللى ضايقتنى ان العربية لاغيين منها الولاعة وطفاية السجاير لانها تقفيل اتحاد اوروبى (صديقة للبيئة) , انا جبت لون sand track (بنى) واللون اللى كان عاجبنى بردة الاسود بس خفت من التراب اللى بلدنا غرقانة فيه , الفئة التانية بقت تنزل فوانيس ليدات ودى شكلها جامد الصراحة , انا بصراحة شايف ان سحبها مقبول بس متقرنهاش الصراحة بسحب عربية زى السيفيك , انا سئلت التوكيل اكتر من مرة على نوع البنزين اكدولى انها تمشى زى الفل انشاء الله ب 92 , توكل على الله وصلى استخارة وانزل احجز يا باشا وربنا يوفقك انشاء الله
الحمد لله انا مش مدخن .. انت والله شجعتنى جداااااااا انا طلبت انزل اجازة مخصوص عشان اجيبها بأذن الله .. بفكر فى اللون الموكا او المينيرال براون وربنا يكرم لو يسلمونى زى حضرتك فى الأجازة بتاعتى يبقى ممتاز بأذن الله .. ألف شكر ربنا يباركلك فيها بأذن الله ويكفيك شرها ويرزقك خيرها .. لو حضرتك رخصت انشاء الله ابقى عرفنا دفعت كام ضريبة ولو صورتين بكرة بعد الصلاة للعربية من برة ومن جوة عشان اعرف الفرق بينها وبين القديمة يبقى كدة كتر خيرك اوى اوى
الف مبروك لصاحب السياره ..
ربنا يباركلك فيها و يكفيك شرها .. و كلامك يشجع ان ماحدش يجيبها باوفر برايس و يستنى شويه و غصب عن التجار حيبيعوها بسعرها الاصلى .
الف مبروك وربنا يكرمك ان شاء الله ويكفيك شر طريقها وشر عيون الناس ويكرمك بيها
انا لسة مستلمتش الجواب اللى هروح بيه للمرور , قالولى فى التوكيل هستلم يوم السبت انشاء الله, انا للاسف يا باشا مش موجود فى القاهرة حاليا , انا فى الشغل حاليا بس هرجع انشاء الله الجمعة اللى جاية وهصورلك العربية حتة حتة , ولو عايز تجربها كمان عنيا ليك , واوعى حد من المعارض يستغلك ويقولك موضوع الاوفر برايس دة , توكل على الله واشتريها بسعرها الرسمى واستنى 3 شهور مش مشكلة, وعلى فكرة مادام نويت خير هتستلم زى كدة قابليها بكتيييييييييير انشاء الله , انا جبت لون موكا جامد جدا الصراحة وربنا يوفقك الى ما فيه من الخير والصلاح
ألف مبروك ياباشا علي العربيه
ومستنيين الصور
السﻻم عليكم
فى البداية إسمحولى اﻹشتراك مع اﻹخوة المحترمين ومﻻك الوحش الكورى سبورتاج فى هذا الموضوع
وبعد طول تفكير وحيرة شديدة الحمد لله إستلمت السيارة فعﻻ من حوالى أربعة أيام
هى الفئة اﻷولى 2014 وعلى فكرة زاد عليها شوية أوبشن عن 2013
زي بلوتوث وسينسور مطر ومثبت سرعة وسبويلر خلفى وفوانيس شبورة خلفى
كما إن شكل الفوجات إتغير فعﻻ للأحسن
الحقيقة فى المجمل العربية جميلة
أول لما إستلمت حسيت العفشة نشفة شوية لكن بعد تغير الكاوتش لنتروجين وظبط ضغط الهواء بقت أحسن كتير
ولو حد من حضراتكم يحب يستفسر على أى شئ أنا تحت أمره
وشكرا لكم
يا فندم السيارة من غير فوانيس شبورة ومن غير أى حاجة بسم الله ما شاء الله رائعة شكلها ثورى
ربنا يبارك لحضرتك
الكوريين ابدعوا
بالنسبة لموضوع العفشة ده شئ طبيعى سيارة عاليه ومع ذلك انا عارف من مالكيها وعن تجربة صغيرة ايضا ان العفشة معقولة جدا ولا غبار عليها ربنا يحفظها لك
أنا عضو جديد في المنتدي دة...ويا ريت تقبلوا مشاركتي...أولاً ألف مبروك على عربية حضرتك...ربنا يحفظها لك... أنا حاجز سبورتاج هاي لاين من شهر 3 اللي فات...وشفت من كام يوم موديل 2014 عند طارق إسماعيل...بصراحة زعلت شوية من موضوع الكرسي اللي بقة مانيوال مش كهربا...وموضوع الزجاج الفيميه اللي مبقاش موجود....وفرامل إليد اللي كنت بدال عند الرجلين بقت فرامل يد عادية... غير التقفيل.... و- دة اللي أنا حبب أسأل عليه حضرتك...إيه رأيك في التقفيل السلوفاكي؟؟ أنا حسيت إن الأبواب بقت لازم تتهبد عشان تقفل كويس...وده مكنش موجود في سبورتاج 2013...الحاجة الثانية إيه رأيك في نعومتها وثباتها على الشارع؟؟ يا ريت حضرتك تفدني
أنا عضو جديد في المنتدي دة...ويا ريت تقبلوا مشاركتي...أولاً ألف مبروك على عربية حضرتك...ربنا يحفظها لك... أنا حاجز سبورتاج هاي لاين من شهر 3 اللي فات...وشفت من كام يوم موديل 2014 عند طارق إسماعيل...بصراحة زعلت شوية من موضوع الكرسي اللي بقة مانيوال مش كهربا...وموضوع الزجاج الفيميه اللي مبقاش موجود....وفرامل إليد اللي كنت بدال عند الرجلين بقت فرامل يد عادية... غير التقفيل.... و- دة اللي أنا حبب أسأل عليه حضرتك...إيه رأيك في التقفيل السلوفاكي؟؟ أنا حسيت إن الأبواب بقت لازم تتهبد عشان تقفل كويس...وده مكنش موجود في سبورتاج 2013...الحاجة الثانية إيه رأيك في نعومتها وثباتها على الشارع؟؟ يا ريت حضرتك تفدني
على ما أعتقد ﻹنى لم أستفسر بشكل كبير وأنا بأستلم ﻷنى والحمد لله كنت راضى جدا عن العربية ومكنتش عاوز أشتت نفسي ودة طبعى دائما
إن الفئة الثانية ذادت ليدات أمامية وبلوتوث ومثبت ومحدد سرعة إلى جانب كمالياتها اﻷساسية ...وأنا مش متأكد أوى
لكن أى سؤال عن الفئة بتاعتى أنا تحت أمرك
أولا اهلا بيك وحضرتك تسأل فى أى حاجة وأنا تحت أمرك
والله يبارك فيك وإنشاء الله تستلم عربيتك ونباركاك كلنا
أولا بالنسبة للتقفيل السلوفاكى أنا شايف إنه أفضل من الكورى بشكل نسبي والفنش أصبح أحسن من اﻷول
واﻷبواب بقت أتقل شوية ودى مصلحة
أما بالنسبة لفرامل اليد أنا شايف إنها ميزه كبيرة إنها ترجع مكانها تاني عاطفية أكتر ومتعودين عليها أكتر
وعلى فكرة لما كنت بعمل مقارنة بين اﻹسبورتاج2013 وهيونداى ix35 كانو فى توكيل هيونداى بيبعولى فكرة التقفيل السلوفاكى وفرامل اليد على إنها أهم المميزات عن اﻹسبورتاج
أما بالنسبة لفامية الزجاج فلك أن تعلم أن أول فئة الزجاج الخلفى كله فامية فمابالك بالهاى ﻻين أكيد مفيمة
وبالنسبة للنعومة والسحب والتكييف فهو حقبقى وبدون أى تحيز ممتاز ممتاز وحاسس إنك راكب الطريق وتقدر تعدى فى أى وقت
الحاجة الوحيدة السلبية هو إن إستهﻻك البنزين داخل المدينة وفى السرعات الصغيرة كبير بشكل ملحوظ ويمكن دة مكنش مشكلة عندى قبل كدة ﻻكن بعد اﻷزمات الطاحنة للبنزين بقيت بخاف أمشى بيها كتير ملقيش بنزين لها تخيل .ههههههه
أما موضوع الثبات فأنا ممشيتش بيها لمسلفات بعيدة سوى يوم إستﻻمه وكنت ماشى على مهلى لكن إن شاء الله أنا مسافر غدا مرسى مطروح يعنى حوالى 500 كم إن شاء الله لما أرجع هأكتب كل إللي حسيت بيه من ثبات وسرعة وإستهلاك بنزين ....وشكرا