الموضوع: ضميرى معذبنى يمكن ماتو

انتا عملت الصح

المشاركة الأصلية كتبت بواسطة wessamraafat

لأراحة ضميرك لابد من التوجه للشرطة و عمل محضر و الخضوع للتحقيق و حاجة من ثلاثة:
- ياهما حراميه فعلا و غالبا بيبقى ليهم سجل ، فلا غبار و يبقى أستريحت
- الموقف ألتبس عليك و كانت مشادة مش أكتر ، ولك عذرك أيضا لعدم وجود النية المبيتة و وقوفهم أمامك يمكن اعتباره حادث هم يتحملوا الجزء الأكبر فيه لأنهم لم يتركو لك خيارات كثيرة بالأضافة لأظهارهم للشر (قطع الطريق عليك) ، و قانونيا و دينيا أعتقد موقفك قوي و يمكن ترسى على دفع دية ........و أيا ما سيحدث فقد أرحت ضميرك و هي خطوة لايقوى عليها سوي المحترمين و أصحاب الدين الصحيح
- المحضر أغلق لعدم الأستدلال عليهم ....و كده يبقى عملت اللي عليك و كمان غالبا محدش جراله حاجة أو خاف و مبلغش لأنه حرامي فعلا و بالتالى لا غبار ايضا

ملحوظة:
في حالة تأكدك التام من شروعهم للأضرار بيك سواء بالسرقة أو غيرة.....فلا يهمك و هو دفاع مشروع عن النفس....و يجب أسترجاع تفاصيل الحادث و الأستدلال باتفاصيل الدقيقة (اشهار سلاح أو غيره) ...ثم أستفتي قلبك

ناس كتير كان رد فعلها حيبقى زيك ومنهم أنا نظرا لسوء الأحوال (العامل النفسي و ضغطه عليك) و سرعة الفعل و عدم و جود مساحة زمنية للتفكير و بالتالي و جوب سرعة رد الفعل

ده علي اساس النزاهه والعداله اللي الداخليه بتتعامل بيها ؟؟ اللي حضرتك بتنصحه بيه ده هايدخله في متاهه وهيأذيه مش هيفيده خصوصا في القانون العقيم اللي احنا بنشتغل بيه... اذا كان الناس بطلت تساعد حد مخبوط بسياره خوفا من اتهامهم بانهم هم اللي خبطوه يقوم يروح القسم ويقلهم حققوا وشوفوا انا غلطان ولا لأ؟؟ خصوصا وان ده هيستدعي ترك بياناته وعنوانه في المحضر ولو العيال دول ما ماتوش مش هيسيبوه... اعتقد لو حضرتك مكانه كنت هتعمل اللي هو عمله وكنت هتفكر مليون مره قبل ما تعمل اللي بتطلبه منه ده...