غير الكلاكس
عرض للطباعة
غير الكلاكس
علي فكرة انا بحترم المازدا الموديل دة اوي شوفتها مرة علي الدائري و كان بيشد و غرز و جري 160 الصراحة كنت مندهش مع اني كنت راكب 929 المازدا عربية محترمة هتتعب شوية كدة علشان لسة جايبها بعديها هترتاح اي عربية كدة
بص يا معلم الموضوع كله كربراتير و تعودها علي الجري شوية مع حبة حرق علي الغيارات بس بالعقل مش عافية الاول تظبط بكات الكربراتير و تشوف البابين شغالين ولا لا تاني حاجة مسمار الهوا لو مش مظبوط انسي انها تجري مع طقم فلاتر هواء و بنزين و 4 بوجيهات Ngk الاصلي العادية جدا وشوف السحب منها انا كنت بجري وراه اصلا و كنا نطلع 160 وننزل 120 علشان الطريق بس احترمتها بعد اللي شوفته دة
انا المشكلة عندى ال 120 بتيجى اصلآ بطيئه :eee:
والعربيه بتترج مش عارف ترصيص ولا الكاوتش كمان
بس خايف يكون حاجه فى العربيه نفسها
وكل شويه والله احاول اظبط الكربراتير وماحدش عارف يظبطه كويسه
وكل شويه اغير بوجيهات وفلاتر ومعتنى بيها والله بس هو اكيد الكربراتير مش مظبوط نهائى علشان كده مش بيجريها
اكيد انا كان معايا مازدا 929 كان والدي راكبها و بعد كدة ادهالي و جاب عربية تانية اول مرة سافرت بيها الساحل الشمالي جابت 120 و انا رايح و كنت جايب الدوساة للاخر جابت 140 بالعافية و صوت المكنة كان عالي المهم روحنا و قضينا الاسبوع واانا راجع لقيت السحب بتاعها احسن و بتجيب ال 140 بنفس الدوسة اللي بتجيب بيها ال 100 و بعد كدة لقتها كسرت ال 140 و جابت ال 160 و طبعا بعد كدة علشان مشواري كل يوم طريق سريع بقت تجيب ال 160 عادي جدا و مرة جابت ال 180 و صورتها و بعتها بعدها بس كانت حمالة قاسية و كل دة و عمري ما عملت عمرة للمكنة سايسها انت بس و اقرص علي الرابع شوية