تعبت من التكيف ساقع اوى

**aldesha989** · 06-06-2013 12:18 AM

السلام عليكم

انا بصراحه تعبت ف من التكيف

حسبى الله ونعم الوكيل فى اللى باعلى العربيه كل حاجه فيها عايزه تتغير

دلوقتى انا غيرت السربنتينه علشان كانت منيله بنيله وبتسرب
وبعدين جيبت فلتر ما نفعش يركب المسمار بعيد ركبت القديم تانى
شحنت التكيف تالت
لقيت الفريون بيهرب من اللكور بتاع الفلتر وانا نفسيتى تعبت اتنين كيلو فريون راحو على الارض من الشحن والتجربه
وفلاتر وسربنتنين وحاجه زى الزفت

دلوقتى انا مش فاهم ليه اللكور بتاع الفلتر بيسرب مع انه نفس الفلتر القديم ونفس اللكور وما اتغيرش فيه حاجه وكل ما اشد على اللكور اقرط عليه يعنى ما يحصلش حاجه حطيت امير ومادتين ولا نفع معاه الهواء ولا كأنى بعمل حاجه مش عارف انا تعبت نفسيآ بجد مش عارف اشغل التكيف

**aboamina** · 06-06-2013 01:07 AM

انت شغال بايدك وللا ايه؟

**bassemhoho** · 06-06-2013 01:12 AM

طيب ما تبطل ترمي فلوس علي الارض و بيع العربيه زي ما هيه لما يكون معاك تجيب واحده احسن او زيرو القديمه ديه مفيش حاجه حتزودها

**aldesha989** · 06-06-2013 02:19 AM

المشاركة الأصلية كتبت بواسطة aboamina

انت شغال بايدك وللا ايه؟

المنتدى كله شغال بأيده

المشاركة الأصلية كتبت بواسطة bassemhoho

طيب ما تبطل ترمي فلوس علي الارض و بيع العربيه زي ما هيه لما يكون معاك تجيب واحده احسن او زيرو القديمه ديه مفيش حاجه حتزودها

انتا بتحلم هو فى حاجه قديمه ما بتصرفش عليها ؟

**A3SAR** · 06-06-2013 02:56 AM

ربنا معاك
انا كان مع والدي لادا 2003 وكانت بتكييف وكنت بشغله بحس بحر فرن
الحمد لله ماسورة فريون انكسرت ومن ساعتها معملتش حاجه فيها
يعني ريح دماغك وبلاها تكييف او بيع العربيه مهما كان نوعها وهات واحده تانيه
او غير نظام التكييف كله وعلي فكره اكيد اللكور سليم اصلا ويمكن بتسرب من حته تانيه انت مش عارفها
يستحسن تروح عند متخصص تكييف سيارات او كهربائي شاطر وهو يشوفه
ده اقتراح متواضع مني لاني مش صاحب خبره الصراحه
ويسيدي انا اهو من غير تكييف ولا عربيه وبتكيف بسيجارة والحمد لله علي كده
المهم انك متتعصبش وتزعل كل حاجه هتتحل ان شاء الله
علي فكره انا عجبتني جدا في بياناتك
السيارة[2]: مازدا 121 :d
:d قولي بتضحك ليه بقي جنب المازدا عشان عايز اجيب واحده ؟

**al_manara** · 06-06-2013 03:14 AM

العيب في بتاع التكيف الي بيعملك الشغل .
المفروض يكبس لك هوا الاول. ولو في تسريب يكشف الاول ويعرف العيب منين .

واخر حاجة خالص الشحن .
شوف واحد محترم اتعامل معاة

**aldesha989** · 06-06-2013 11:40 AM

المشاركة الأصلية كتبت بواسطة a3sar

ربنا معاك
انا كان مع والدي لادا 2003 وكانت بتكييف وكنت بشغله بحس بحر فرن
الحمد لله ماسورة فريون انكسرت ومن ساعتها معملتش حاجه فيها
يعني ريح دماغك وبلاها تكييف او بيع العربيه مهما كان نوعها وهات واحده تانيه
او غير نظام التكييف كله وعلي فكره اكيد اللكور سليم اصلا ويمكن بتسرب من حته تانيه انت مش عارفها
يستحسن تروح عند متخصص تكييف سيارات او كهربائي شاطر وهو يشوفه
ده اقتراح متواضع مني لاني مش صاحب خبره الصراحه
ويسيدي انا اهو من غير تكييف ولا عربيه وبتكيف بسيجارة والحمد لله علي كده
المهم انك متتعصبش وتزعل كل حاجه هتتحل ان شاء الله
علي فكره انا عجبتني جدا في بياناتك
السيارة[2]: مازدا 121 :d
:d قولي بتضحك ليه بقي جنب المازدا عشان عايز اجيب واحده ؟

بضحك جنب المازدا علشان اول عربيه نضيفه بعد السيات :d

انا شايف التنفيس بالمايه والصابون والرغاوىى بتطير من عند اللكور بتاع الفلتر وبيرغى زيت كمان فانا شايفه كويس
انا صرفت كتير وبصراحه مش هأجى على الاخر واكسل حرام وهو مش هيستخدم كتير بس ما احبش يكون عندى حاجه مش شغاله انا جايب العربيه علشان التكيف :d

المشاركة الأصلية كتبت بواسطة al_manara

العيب في بتاع التكيف الي بيعملك الشغل .
المفروض يكبس لك هوا الاول. ولو في تسريب يكشف الاول ويعرف العيب منين .

واخر حاجة خالص الشحن .
شوف واحد محترم اتعامل معاة

انا وابن خالتى اللى شغالين فى العربيه وكبسنا الاول قبل ما نشحن ورغينا العربيه كلها مايه بصابون واستنينا شويه ان فى حاجه تهرب ابدآ بس الظاهر كانت محتاجه كبسه اكبر