الموضوع: احسن لون للاشارات بدل اللون الاصفر

بسم الله الرحمن الرحيم
السلام عليكم ورحمة الله وبركاته

انا ياشباب الحمدلله وربنا كرمنى ووصلت لفكرة انى اعمل اشارات فى المرات بشكل احترافى جدااااا
وبالفعل تم التنفيذ بس للاسف العيال سرقوا شريط الليدات اللى على المراية لانى مكونش مثبتة كويس
والاهم من كدة ان كان لونهم اصفر بلون الاشارات وكل اللى يشوفهم كان علطول يقول فبريكة
الا بقى لما يقرب ويشوف ان اللى راكب شريط ليدات عادى

دلوقتى انا كنت هعمل تقرير مصر عن الشغلانة دى بس العيال اولاد التيت يتمونى فى الشريط اللى على المراية اليمين
وجيت بقى ادور على شريط ليدات لونها اصفر لفيت الفيوم كلها مالقتش خالص الكل قالى مبينزلش منها
والالوان اللى موجودة دلوقتى احمر اخضر ازرق ابيض بنفسجى

دلوقتى جاتلى فكرة انى اغير لون الاشارات كلو باى لون من دول عشان شريط الليدات اللى هيركب على المراية

من وجة نظركم ايه احسن لون
واسف على الاطالة

فعلا الاشاره دورها مهم جدا و هي لفت نظر الاخرين الي الخطوه القادمه اللي نويت تعملهما علشان ياخدوها في الاعتبار و لا يصطدموا بحضرتك لا قدر الله و لذلك ياريت ما تغيرش لونها لان الناس ممكن ما تاخدش بالها منها وما تعرفش انت عايز تعمل ايه بالضبط و لو عايز تركب ليدات ممكن تركبها في اي مكان تاني زي مثلا علي الفانوس الأمامي زي العربيات الجديده او قريب من الاكصدام او في الشبكه اذا كان في مكان و في الاخر الموضوع ده مرتبط بأمان حضرتك و اللي حواليك

ماهو المشكلة انى لوجبت ليدات حمرا او لون تانى مش هتبقى لايقة مع الاصفر
طب ياجماعة محدش يعرف مكان فى الجيزة عموما بيبع شريط ليدات لون اصفر؟؟؟؟؟؟

المشاركة الأصلية كتبت بواسطة salamonti

أنا شاري ليدات برتقالي على شكل سهم من التوفيقية ولازقها ورا الكف الزجاجي بتاع المراية من جوة عاملها بالظبط زي الصورة كده..
لو حابب انت تحطها من برة براحتك بس من جوة أحلى كتير :)

كنت شاري الجوز بـ25 من غير فصال لأن لفيت كتير ومالقتهمش غير في محل واحد ومارضيش ينزل في سعرهم خالص..

بص يا سيدي انا مش عارف اسم المحل لكن هاوصفهولك بالتقريب كدة..

سيادتك هاتدخل التوفيقية من الشارع اللي فيه الفسخاني (الشارع اللي فيه توكيل كلاريون وسيمفوني أو مول التوفيقية)..
على إيدك الشمال هاتلاقي محل بتاع استيكرات فقط لا غير سيبه وكمل على طول،
على نفس الصف قدام شوية دور على محل مواصفاته كالتالي بقا:
المحل واجهته عريضة حوالي 6 أو 7 متر (محل كبير عكس باقي المحلات)
باب المحل في النص وعلى يمينه وشماله فاترينات عرض زجاجية كبيرة
الفاترينة اليمين فيها اكسسوارات متفرقة والفاترينة الشمال كلها شغل ليدات فقط لاغير
فاترينة الليدات فيها أشكال وانواع نادرة مش موجود منها عند حد غيره..
قريب منه محل متخصص في بيع منتجات بايونيير فقط لا غير (قبله أو بعده بمحل ولا اتنين)

اعذرني مش فاكر تفاصيل أكتر من كده عشان مانزلتش هناك بقالي فترة بقا :)

والله ياباشا انت راجل زى العسل
انشاء الله لما انزل مصر ابقى هاروح هناك لانى من الفيوم
وجزاك الله خيرا