فى حدود 90 الف .. تيدا هاتشباك ولا كورولا ولا حاجه تانيه؟؟

**mans336** · 06-06-2013 03:01 PM

السلام عليكم ورحمة الله وبركاته
انا معايا 90 الف جنيه
محتار جدا اجيب ايه؟
انا عجبانى التيدا الهاتشباك اوى علشان توكيل محترم وقطع غيار كويسه وعربيه محترمه من الاخر
وبردو الكورولا عربيه كويسه جدااا
عاوز اخد رأى الاعضاء اجيب ايه وليه؟؟؟

**amr011111** · 06-06-2013 03:05 PM

تيدا بها اتنين ايرباجز وفرامل abs+ebd+ba ده استاندرد فى كل الفئات

وطاره مالتى وجنوط ده فى الفئه الفول اوبشن بلس

بالنسبه للكرولا مش هعرف افيدك

**Land_Cruiser** · 06-06-2013 03:08 PM

العبره بالحالة الفعليه للعربيه و لو حضرتك ناوي تبدل قريب يبقي خليك في الكورولا لانها من اسهل العربيات في البيع بالذات الشكل القديم اللي هو قبل الشكل الحالي أما لو هتحتفظ بالعربيه فتره فهتلاقي التيدا جميله و مش هتزعلك و في كلا الحالتين لازم تكشف علي العربيه كويس قوي قبل الشراء و يستحسن في التوكيل

**M I D O** · 06-06-2013 05:21 PM

حسب حالة العربيتين معا اني ميال للتيدا عشان الامان

**Land_Cruiser** · 06-06-2013 10:06 PM

المشاركة الأصلية كتبت بواسطة mans336

ان شاء الله العربيه اللى هجيبها هتقعد معايا 3 او 4 سنين لو ربنا ادانى عمر
هكشف ع العربيه بإذن الله فى التوكيل علشان اعرف حالتها بالظبط
بالنسبه للكورولا ايه حكاية مشكلة الفتيس بتاعها؟
وهل قطع غيار التيدا ارخص ولا الكورولا؟؟
الاوفر فى البنزين مين فيهم؟

الكورولا اللي كان فيها مشكله فتيس هي الشكل الحالي بس اللي كانت بتتجمع في جنوب أفريقيا و كان الفتيس بتاعها mmt و تويوتا بعد كده بطلت تجمعها هناك و بقت بتجمعها في اليابان بفتيس عادي . لو العربيه هتقعد مع حضرتك ٣ او ٤ سنوات يبقي ممكن تفكر في التيدا و هي عربيه قليله الأعطال و توكيلها كويس وواسعه من الداخل و استهلاكها للبنزين كويس قوي . هي بس هينزل منها السنه دي جيل. جديد