مين حاسس ان الجنة من غير ناس ماتنداس ؟
مين شايف ان الناس الحلوة هي اللي في مصر ؟
عندي home sickness ابن لذينا اليومين دول ، حاسس ان اي حاجة تغور قصاد القعدة وسط الاهل والاصحاب
مين عنده الشعور ده ؟
عرض للطباعة
مين حاسس ان الجنة من غير ناس ماتنداس ؟
مين شايف ان الناس الحلوة هي اللي في مصر ؟
عندي home sickness ابن لذينا اليومين دول ، حاسس ان اي حاجة تغور قصاد القعدة وسط الاهل والاصحاب
مين عنده الشعور ده ؟
شعور طبيعي و العلاج بتاعه سهل و بسيط. : حضرتك انزل اجازه أسبوع و شوف حال الناس و البلد و ان كنت اشك انك هتكمل الاسبوع اصلا و في الاغلب يومين ثلاثه و هتقدم ميعاد رجوع الطياره وبتقول في سِرك انا ايه اللي بأعمله في نفسي ده :whtauwant:
لا انت فهمتني غلط ، اللي بتقوله حسيته السنة اللي فاتت لما نزلت ، انا البلد مش هي اللي وحشاني ، الناس هي اللي وحشاني اهلي واصحابي واحبابي
اصل انا عندي صحاب لو لفيت العالم مش حعرف اعمل زيهم تاني ، وعيال اخواتي اللي مكنوش اتولدوا قبل ما اسافر دلوقتي صورهم على الفيس بوك بيجروا وبيتكلموا وما يعرفوش عمهم
شعور خنيييييق
فكرة سفرك أصلا صعب اوى حد يعملها
نفس الشعور كان ماسكني بشدة الشهر اللي فات لدرجة اني تقريبا دخلت في مرحلة اكتآب
لكن دلوقتي الوضع افضل
كان في واحد زميلنا مصري بيقولي الحنين لمصر بينقح على الواحد في اول سنة كل 3 شهور وبعد اول سنة بتتحول لانسان مختلف آخر
يا زعيم الناس مبقتش زي الاول
انا قبل ما ارجع كنت فاكر زيك لما اجي هرجع لصحابي و لقرايبي و نعيد التاريخ و الايام الحلوه
و كل ده محصلش
الظروف هنا صعبه و الناس علي اخرها و كل واحد بيقول يلا نفسي
مصر بقت مش جنه و لا فيها ناس
أنا ان شاء الله مسافر قريب ومش ناوي أرجع البلد دي تاني ولو حتي أجازات .. بلد تقرف ..
نصيحة من واحد عمل كده من اقل من ٤ شهور..........اثبت مكانك
أصحابي مش بشوفهم غير كل خميس ساعتين تلاتة بالعافية......مبقاش فيه حد فاضي لحد
انا شخصيا بخلص الشغل كل يوم متأخر و برجع البيت أنام و اصحى اروح الشغل الخ
اثبت اثبت اثبت
نصيحة من واحد عمل كده من اقل من ٤ شهور..........اثبت مكانك
أصحابي مش بشوفهم غير كل خميس ساعتين تلاتة بالعافية......مبقاش فيه حد فاضي لحد
انا شخصيا بخلص الشغل كل يوم متأخر و برجع البيت أنام و اصحى اروح الشغل الخ
اثبت اثبت اثبت
أنا لما مشيت مكنش حد من أصحابي متجوز وكنا مع بعض كل يوم. دلوقتي لما رجعت كلهم متجوزين (واحد منهم بقى معاه 3 عيال) ومحدش فاضي لحد ده غير اني نقلت من البلد جيت أكتوبر وبروحلهم مره كل شهر وبيقولو انهم مبيشوفوش بعض تقريبا الا لما أجي.
لو هترجع عشان البلد فالبلد مبقتش اللي انت سبتها.
ولو هترجع عشان اصحابك فأصحابك مبقوش اللي انت سبتهم.
لو هترجع عشان اهلك أقولك هما دول الوحيدين اللي متعرفش تعمل غيرهم ولا بره ولا جوه بس أنصحك تجيبهم عندك يزوروك بدل ما انت اللي تيجي.
انا عندي الشعور بتاعك دا لدرجة اني بقيت احلم بيه بس دا عادي اتعودت عليه كل لما اجي انزل اجازة وبعد اول يومين يابرنس اشوف الناس واصحابي اكره اليوم اللي رجعت فيه وابقا ناقم علي البلد
عادي بكرا تنسي
الغربه احساس بشع لايمكن ان يدركه الا المغترب . انا فاكر لما كنا مسافرين مع والدي فتره طويله للخارج كنا بنحس ان مصر دي احلى بلد في الدنيا بالرغم اننا كنا في بلد احسن من مصر في كل حاجه . باختصار هنا بلدك مهما كانت فهيا ملكك شوارعها وناسها وسهراتها وشرم والغردقه والقاهره بالليل واسكندريه بعد الساعه 12 عالكورنيش بعربيتك وانت بتسمع منير .. دي بلدك وانت في اي مكان اخر مهما كان افضل فانت مقيم او مواطن من الدرجه التانيه . لو حصلك اي حاجه لاقدر الله عندك ناس تشيلك وساعة الازمه تلاقي اهلك حواليك مش بالضروره الاهل بالمفهوم الواسع يكفي ابوك وامك واخواتك .. دمت بصحه
معلش يا فندم هي الدنيا كده محدش مرتاح و بخصوص الناس اللي حضرتك مفتقدهم فده حضرتك تقدر تلاقيله حل عن طريق الانترنت . الشعب كله دلوقتي بقي بيستخدم الانترنت و التكنولوجيا فحضرتك تقدر تجيب كاميرا محترمه hd و تكلمهم علي لإنترنت و تشوفهم و يشوفوك و تتكلم معاهم براحتك و انت في مكانك و اللي مساعد ان الانترنت بقت فيها سرعات عاليه و رخيصه كتير عن الاول . الموضوع ده هيقلل كتير الإحساس السلبي و كمان تقدر تشترك في أنشطه اجتماعيه او نادي عند حضرتك و كمان تجيب ريسيفر و طبق بيجيب النايل سات ده برضه هيقلل الإحساس بالغربه و ان شاء الله يبقي اللي عند حضرتك ده شعور مؤقت و يروح لحاله
طب و اللى نفسه يمشى من البلد !!!!!!!!!!!!!!
بخصوص اهلك و اسرتك عندك حق
لكن الصحاب خلاص محدش باقي فاضي لحد اللي بيشتغل طول اليوم و اللي سافر و اللي اتجوز و خلف و انشغل
و البلد حالها زي الزفت كتير اوي كنت اسمع من ناس مسافرة برة مصر انا مصر وحشتني اوي
ببقي عايز اقوله يا تري ايه اللي وحشك في مصر الزحمة اللي لا تطاق في كل مكان و لا الزبالة المرمية في الشوارع و لا دخان العربيات النقل و الميكروباصات و العربيات المفوتة ولا وحشك سواقين الميكروباص ولا قلة الادب بتاعة الناس و اللي زادت و تفحلت بعد الثورة و لا حال الشغل اللي واقف ولا المياه اللي بتقطع ولا الكهرباء اللي بتقطع بشكل شبه يومي ولا ايه ولا ايه ولا ايه و الله اعلم ايه اللي جاي كمان
ربنا يصبرنا و انا نفسي اسافر مش عشان الفلوس لا خالص انا نفسي اتجوز و اسافر برة عشان اعيش في بيئة احسن و اولادي يتربو في مكان افضل بلد محترمة فيهاوناس محترمة و شوارع نظيفة و نظام و قانون
انا في اخر سنة ليا في الكويت كنت هموت وارجع وكنت خلاص زهقت والحمدلله مش مخنوق من هنا بس طبعا الوضع كل شوية بيبقي اسوء
والله انت قلبت على الواحد المواجع يارب صبرني وكل ما افكر افتكر اني هنزل مصر وهزهق بعد اول يومين اقول لنفسي اثبت ......... بس بجد وحشتني بلدي وشوارعها واكلها واهلي واصحابي وكل حاجة حلوة وربنا يصبرنا بجد
اكلها ده كوم لوحده ، اكتر حاجة بتحسسك بالغربة اختلاف الاكلات ، ساعات بتهف على الواحد اكلات لما كان في مصر مكنش غاويها اصلا ، بس لما متكولهاش بمزاجك غير لما متبقاش موجودة اصلا ، ما بالك لما تكون غاويها ؟؟؟
اخر اجازة قلتلهم مش عاوز خضار غير الكوسة ومش عاوز ظفر غير الارانب والحمام ومحدش يحط قدامي رز ، عاوز عيش بلدي باي كميات! وطبعا هريت نفسي اي حاجة من البقرة ما عدا اللحمة ، كوارع لحمة راس ممبار كلاوي قلوب ، حرمان يابا !!!!!!
بس من ناحية اخرى الواحد كان بدأ ينسى طعم الخضار الفريش الاصلي من كتر ما اتضرب في مصر ، واهم حاجة الخيار اللي لما اكلته بره مصر افتكرت ايام الطفولة قبل 1982 سنة ما يوسف والي مسك الوزارة ، كان الواحد بياخد قطاع في الخيارة على قطمتين من كتر ما هي تخينة ، كانت الحجة لما كانت تقطع خيار على السلطة كنت تشم ريحة الخيار من بره الشقة ، بعد كده حولوه لفاصوليا خضرا عاملة تجميل!
حد عجوز زيي فاكر الخوخ بتاع زمان ؟ اللي كان قلبه احمر غامق ولحمه ماسك في النواة مش عاوز يسيبها كان رهييييييب لحد لما حرروا سينا وقلك اللي مليان ماية وملوش طعم ده خوخ سيناوي وبعدين مشفناش البلدي تاني الله يرحمه
ساعات كتير باقعد أتأمل في الناس .. ده بيكسر علي اللي ماشي جنبه .ده بيرمي زباله في الشارع . ده بيشتم .. ده ماشي علي رجله و مع ذلك بيبلطج علي العربيات و بيعّدي قدامها من غير ما يبص .. ده بيركن صف تاني و لا مكان حد ... ده بيفضي الكاوتش بتاع عربيه واحد و لا بيخربشهاله .. ده بيجيب في سيره اللي حواليه ... ده شايف واحد بيسرق و لا واحده هتتخطف و عامل نفسه مش وأخد باله .. ده بيستغل حاجه الناس علي قد ما يقدر و بيغلي في الاسعار ... ده بينصب .. ده بيرتشي عيني عينك .. ده ماشي عكسي في طريق سريع و غيرهم و غيرهم
بأشوف كل ده و بعد كده اسأل نفسي هو ربنا ممكن يبارك لناس بالأخلاق دي ؟ الجميل في مصر كانت أخلاق أهلها مش شوارعها و لا مبانيها و ده لما كانت الناس عندها محبه و احترام لبعضها و ذوق و اخلاق مع تدين حقيقي يجعل هناك دائما حواجز بينها و بين الوقوع في الخطأ. النهارده الكلام ده كله راح و بقت الشطاره مش في الاجتهاد في العمل لكن في مخالفه القوانين و البلطجه علي الاخرين و فرض الرأي بالإكراه و بالتالي تحول الشعب الطيب الشهم الخلوق الي شعب تاني عنيف اناني و زادت الامراض الاجتماعيه و ده طبعا ساعد علي انحدار المستوي الاقتصادي و الضياع اللي بقينا فيه و اعتقد ان الأمل الوحيد هو عوده الأخلاق والتدين الحقيقي و كما قال الشاعر احمد شوقي في بيت الشعر المشهور و الذي يلخص حالنا
"وإِنَّمَـا الأُمَـمُ الأَخْـلاقُ مَا بَقِيَـتْ.
فَـإِنْ هُمُ ذَهَبَـتْ أَخْـلاقُهُمْ ذَهَبُـوا"
مش معنى إن النماذج السيئة كتير إنها تكون الغالبة .
أنا قلت الكلام ده هنا قبل كده . أعرف ناس بتعمل حاجات كتييييييير إيجابية من عمل خير و بيزنس و تعليم و تدريب للناس و عايشة حياتها صح و بما يرضى ربنا و بحاولوا يعملوا خير و يصلحوا و مش حابين يسافروا و يسيبوا البلد . و فى شباب كتير بأقابلهم فى أماكن كتير بيعملوا خير و هما فرجانين و مبسوطين و ربنا بيفتحها عليهم .
فى مصر بالذات الحساب مش بالمسطرة و القلم . مصر فيها حاجات حلوة بس محتاجة تظهر على السطح . فى أمثلة كتير جدا سيئة فى حاجات كتير . بس سبحان الله فى الاخر بتلاقى الناس اللى زيك حابين البلد هما اللى بيشدوك معاهم
نفسى ارجع
نفشى اقعد مع امى
نفسى انزل اتكشى فى الشارع
نفسى اتخانق فى اتوبيس
ميحسش بالغربه غير الجربها
باستثناء تانى امنية ,,
متاكد ان نفسك ف الباقى ؟!!!!!!!!!!!!!!!!!!!!!!! :U_thin1[1]:
متهيالى انك يا باشا (و الجماعية اللى متفقين معاك ف الراى) بتقول كدة عشان قاعد هناك و مش بتواجه اللى احنا بنواجه هنا و حتى لو نزلت اجازة هيتهيالك ان مصر وحشاك لانك من جواك عارف انك راجع هناك تانى ,, لكن لو لاقدر الله رجعت مصر و انت عارف انك خلاص مش هتسيبها تانى , ساعتها هتشوف الامور اوضح :waaaht:
عارف ,, الكلام دا فكرنى بمسرحية المتزوجون لما سمير غانم كان بيقنع شيرين انهم يرحوا القصر عند ابوها و هى مش راضية فكان بيقولها متزعليش هنبقى نزور الخرابة :)))))))))
:10_1_104v[1]:
ف النهاية اتمنى ان ربنا يكرمك ف اى مكان
الموضوع من 6/6 ولسه شايفه دلوقتى
يمكن علشان كان فى وقت العمره وبعدها مدخلتش كتير .
يا أخى العزيز
أنا عارف إنك متابع الأحداث من عندك زينا بالظبط .
لكن فى الكام يوم اللى فاتوا تحديدا اللى بيحصل مش هيخليك حتى تفكر إنك تعدى ترانزيت
يعنى إيه الناس وصلت لمرحله قله الأدب وعدم الإحترام حتى فى المناقشات العاديه لمجرد الإختلاف
فى الرأى او وجهات النظر سواء إخوات أو أصدقاء أو جيران أو زملاء عمل أو حتى أغراب فى
الشارع .
وصلنا لمرحله مؤكد أنك مشوفتهاش ولا حتى أى واحد فينا شافها لأنها جديده علينا
يمكن كانت موجوده جوانا وكانت مدفونه لأسباب كتيره انت وانا وكلنا عارفينها .
الثوره وأقصد طبعا ثوره 25 يناير طلعت أسوا ما فى المصريين
أظهرت القبح وسوء الأدب والفساد اللى جوا ناس كتير إلا من رحم ربى
سامحنى خرجت بره سياق موضوعك
لكن هقولك بإختصار شديد جدا
بلدك مش هى بتاعه زمان
أهل بلدك مش هم ناس زمان
أصحابك كل واحد عنده حياته وبيته وأولاده تقريبا مش هتشوفهم
أهلك وأحبابك ودول اهم عنصر فى سبب حنينك لمصر
تقدر واكيد انت بتعمل كده تتواصل معاهم بطرق مختلفه
لكن خليك فى البلد اللى بتتعامل فيها كإنسان
خليك فى البلد اللى بتتعامل فيها بإحترام
خليك فى البلد اللى حاسس فيها بالأمان
خليك فى البلد اللى حاسس فيها بالعدل ولك فيها حقوق بالرغم من كونك أجنبى
خليك فى البلد اللى إتطمئنيت على أمن وسلامه أولادك فيها
خليك فى البلد اللى هتعرف تعلم وتربى وتنجح أولادك فيها بدون واسطه
وبدون إستغلال وإستنزاف لك ولدخلك ولصحتك
وفى الاخر يا تاخد نتيجه ترضيك او لأ
خالد بك
مصر مش هى مصر زمان وزكريات السبعينيات والثمانينيات وحتى التسعينيات اللى عشناها
مصر إتغيرت قوى ومش هرتجع زى زمان
لكن هى بلدنا ومهما بعدت عنها لازم هتحن لها وهترجه لها بس زياره
أرجوك بلاش تندم
تحياتى الكبيره لك ولأسرتك الكريمه ....
لاااااااااااااااااااااااا اااااا , الفترة دي بالذات صدقني من معرفتي بيك سهل اوي تحس بغربة هنا
خليك عندك صدقني , اللي طفشك لسه موجود و زيادة كتير اوي
لما يكونوا الناس .... ناس
الوطن - في تقديري - تلت حاجات:
1-ارض
2-شعب
3- ادارة او سميها حكومة
الارض مع احترامي التام للجميع لم تكن تمثل الي اي شيئ من ناحية الحب والحنين الا تلت اماكن بحس فيهم بالراحة
هما اسكندرية واسوان وسيوة ، غير كده لا يعد نفسيا بالنسبالي "وطن " تفتكر واحد اسكندراني لما يتغرب ويحس بالحنين بتوحشه الزقازيق والا دمياط والا بني سويف والا حتي القاهرة ؟ الوطن بالنسبالي هي مدينتي اللي اتولدت وعشت فيها واسوان بلد جذوري بلد الناس الطيبة والطبيعة الخلابة وسيوة التي تضعني في حالة نفسية رائعة لا توصف ولا اي مكان على الارض اشعرني بهذا السلام النفسي رغم كثرة اسفاري
اسكندرية للاسف اخر اجازة ليا وجدتها قبيحة!! كم مباني مرتفع وقبيح تم بعد الثورة لا يوصف ، تقريبا جميع الفلل هدمت! ، البيوت العتيقة ذات الاربعة طوابق تم تعليتها ل 12 دور ؟ اعمال البناء في كل مكان وبالتالي فاكوام الرمال وشكاير الاسمنت تحتل الارصفة ، يكفيها نسمة هواها اللي كانت عليلة زمان ، الان اصبحت تثير اتربة واسمنت بسبب التشوين في العراء ، دي اسكندرية ؟
اما الشعب....... ابويا وامي واخويا وكام صاحب وقريب وشكرااااا
ادارة ؟ ابو دي على اللي قبليها على اللي لسه حتيجي!!!
امال ليه في حنين ؟
لان الحنين للوطن اسمه بالانجليزي home sickness, يعني مرض ، حد بيسأل المريض انت مريض ليه ؟
أنت شكلك ما شوفتش المشاركه بتاعتى رقم 29
ارجع لها وهتلاقينى فى اخرها بكلمك عن الحنين الى الوطن والبلد بس
هو ده بس
يعنى تفضل تحن لبلدك بالرغم من اى حاجه فيها
لكن حنين الزياره مش حنين الاقامه
انت عارف لو عملت موضوع عكس كده
مين مخنوق و عايز يسافر
هتلاقي كتييييييييييير انا مخنوق من البلد و كنت موضوع على الحكاية دي
انا كنت بفكر زمان السفر ده لما اكون مزنوق في فلوس او عايز احوش او اي سبب
لكن عرفت الايام يعني ايه تسافر عشان مخنوق من البلد بس
مهما كانت الحالة اللي فيها مصر و مهما كان اللي بيحصل فيها و لناسها مفيش مكان زي مصر حتي و هي في اسوأ حالتها و ان شاء الله مش هاتفضل بالحال دا كتير و هاترجع احلي من الاول
هجرة البلد الام كانت فى الاساس عشان تحقيق اهداف
تبقى معاك فلوس كتير و تشوف ثقافات مختلفة و تحقيق الذات
يبقى كان لازم تضحيات وبسبب كدة كلمة عبارة واحدة اقولهالك
No Sacrifice No Victory
بدون تضحيات مفيش اى حاجة هتتحقق
انا مخنوق و نفسي آجي :(
انتو فكرتوني باللي عايز انساه اصلي لسه جديد في الغربه بقالي 3 اشهر
يا جماعة الخير المشكلة أن الواحد دايما بيدور علي اللي مش في أيده و يتمناه من كل قلبه. شوف كده قبل رمضان كان الاكل و الشرب بالنسبالك عادي جدا. دخلنا رمضان و الواحد بيشوف الاكل و الشرب علي انه كنز و منتظره بفارغ الصبر. بعد رمضان يرجع الأكل و الشرب عادي و بعدين ييجي رمضان و هكذا. نفس الموضوع في السفر تسيب البلد توحشك . ترجع تقعد فيها تزهق و عاوز تهج. عارفين أنا حاسس بالموضوع ده جدا ليه. لأن شغلي تقريبا حوالي 5 أو 6 أسابيع و بعد كده أرجع أقعد زيهم في مصر و بعدين أسافر 5 أو 6 أسابيع و هكذا. اللذيذ بقي أني و أنا في الشغل هاموت و أروح و لما أرجع مصر باكون فرحان و بعد كام أسبوع أزهق من الزحمة و الاستغلال و المطبات و قلة الأدب. أرجع و أقول علي رأي أحمد مكي: أرضي يا ابن ادم باللي اتكتب عليك و لاوني عارفك مش هترضي غير بتراب في عينيك . بجد حاول ترضي باللي انت فيه و شوف مميزاته عشان تهون عليك عيوبه.
انا قريت كللللللللللل التعليقات
وفعلا الموضوع جميل .. وكلنا بنحس بيه وفي اوقات كتييييييييييير
بس انا ليا وجهة نظر في الغربة
اعتبر الغربة هي وطنك .......... مجازاً
وشوف هتعيش فيها ازاي ؟؟
جرب
وانت تلاقي ان الموضوع بقى سهل خااااااالص ومش محتاج تنزل اجازات
هتقولي ازاي ؟؟
هقولك ازاي ؟
وانا في مصر استغربت قووي من اخويا اللي بيقبض 900 جنية وجاب احدث تليفزيون وماسك احدث موبايل
كل ده من الـ 900 جنية ؟؟
قلتله انا مقدرش اعمل زيك كده
لان فيه حاجات كتيرة لازم تتعمل .. لو هتكون نفسك للجواز .. او تشتري شقة .. او عربية .. حاجات كتير تمنعني اعمل زيك ؟
وللامانة الموضوع ده اخد كتير من تفكيري
وبنظرة صغيرة على المصريين اللي هنا
هنلاقي ان معظم المصريين عايشين حياة مؤقتة
يعني مش فارق معاه يركب عربية ايه ؟؟ ولا ساكن فين وازاي ؟؟ ولا لابس ايه (عند بعض الناس)
الخلاصة
جرب تعيًش نفسك بطريقة لذيذة وفي نفس الوقت توفر لمستقبلك
مش لازم نوفر الراتب كله ونعيش بـ 1000 ريال
والله اعرف ناس بتعيش باقل من نص المبلغ ده !!!!!!!!
رغم ان مرتباتهم كويسة
من الاخر
رفًه عن نفسك وعيش حياة كريمة
ولو متجوز هات مراتك تعيش معاك
وصدقني
اليوم اللي هيعدي مش هيتعوض تاني
اسف اني طولت عليكم
بس جرب تعيش بجد !!!!؟؟؟