تغيير باب صني في التوكيل

**M.Akef** · 07-06-2013 05:58 AM

السلام عليكم يا رجاله نيسان يا رب يكون الجميع بخير

بختصار انا واحد صحبي خبط عربيه نيسان صني في الباب الامامي يمين و هي موديل 2011 2012 هي اخر الشكل القديم بس مش فاكر الموديل بالظبط
المهم قلنا لصاحب العربيه نجيب له باب استيراد نفس اللون و كأن شئ لم يكن و مش راضي و مصمم يروح التوكيل و بعد جدال طويل كان نفسي اضربه فيه و اقول له ملكشي عندنا حاجه اتفقنا معاه اننا هنصلحها له في التوكيل علي حسبنا
حد يعرف تكلفه الباب كام و العتبه الي تحت الباب اتنت هي كمان و الكبوت فتح كنت عاوز اقول له هي العربيه بتعتك دي البرومه مشيه فيها من زمان ولا ايه ! دا كلو مقابل ديفيندر عربيه تريوس اتنا !!
حد يعرف اي معلومات هنتخيط في كام في التوكيل و الي نصايح او فروع الوكيل و احسنهم
معلشي متقل عليكم يا رجاله اول موضوع اعمله عندكم في القسم عن حادثه :(

**el diesel** · 07-06-2013 07:19 AM

الباب بالتركيب تقريبا 2300 جندى

**sas5** · 07-06-2013 08:42 AM

المشاركة الأصلية كتبت بواسطة el diesel

الباب بالتركيب تقريبا 2300 جندى

فى التيويتا كرولا كلفنى 6000 جنيها
يابختكم يابتوع النيسان

**haissam24h** · 07-06-2013 09:22 AM

هاته استيراد وعجبه عجبه مش عجبه قوله اعمل الى يعجبك

**4fun14** · 07-06-2013 01:06 PM

انا لو منك اقوله هو تمنه استيراد كذا..اتفضل فلوسك
لو مش عاجبه يمشى قانونى باه..راجل مستغل بصراحه

**abdulmoniem** · 07-06-2013 02:44 PM

هو إيه إللي مستغل يا رجالة؟

الراجل حد خبطه .. وبيطلب يصلح عربيته .. هو عشان بيطلب يصلحها في التوكيل يبقى مستغل.

افرض إن إنتا إللي حصل معاك الموقف ده وإنتا كل صياناتك في التوكيل وكل قطع غيارك من التوكيل .. هترضي يركب حاجة على عربيتك مش مظبوطة؟

**KoKyKa** · 07-06-2013 03:10 PM

أنا فئ مكروبأس خبطنى من ورا جبلى سنطة و رفرف و أكصدام

طبعا هو اللى غلطان من فوق لتحت

حبيت ألم الدور معاه و اللى معاك ادفعه

قالى مش دافع و اللى عايز تعمله أعمله

عملت محضر و عرض على النيابة و قضية و العربية اتحجزت يوم فئ القسم و عشان استلمها و أناصاحب حق أتزليت

وفى الآخر لا حق ولا باطل لانى لازم أكمل مشوار القضية و أجيب محامى و مصارف و هكذا

المهم العربية أتكلفت تصليح 9000 جنيه والى الآن لم أصل لنتيجة من المحضر لانى لازم أعين محامى يتابع القضية يعنى حصرف لا يقل عن 3000 جنيه كمان و يا عالم حيتحكم بتعويض قد إيه

الكلام ده من شهر مارس

الخلاصة البلد ده تضيع فيها الحقوق

وقله الأدب هى التئ تسود

**مانويل مايكل** · 07-06-2013 04:03 PM

زى ما الباب اللى اتخبط باب مش استيراد يبقى حضرتك تجيب باب مش استيراد . وربنا يسلم طريقك وطريقة

**zangry** · 07-06-2013 04:13 PM

مستغل ليه !! الراجل من حقه يرجعها زي ماكانت .. انتو بتهرجوا ولا اية !!

**dr.hazem** · 07-06-2013 08:14 PM

هو الاستيراد ممتاز بس مش مشكلة..
انت بتقول ان العتب اتنى وده بيقلل قيمة العربية وتصليحه مش سهل للأسف..... تحياتي

Sent from my LT18i using Forum Runner