يعني ايه موتور بوكسر ؟؟؟؟؟

**ahmedelaraby** · 07-06-2013 12:39 PM

بصوا انا ضيف هنا ف منتدى الفا وبصراحة الكلام عن الالفا حببني فيها اوي بس دايما بشوف كلمة موتور بوكسر في العربيات الرياضية زي البورش والسوبارو و.......الخ بس نفسي افهم يعني ايه موتور بوكسر هل هي تكنولوجي زي المايفك والايكوتك و ......الخ ولا هو ايه بالظبط

بصراحة الفضول هيجنني انا مغرم بالعربيات من صغري وبحب عربيتي يمكن اكتر من نفسي وبحب الجري والثبات ونفس ارجع اركب حاجة عليها القيمة بعد الاوبل كاديت الله يرحمها ( حبيبتي ) ؟؟؟؟

**M.Elwan** · 07-06-2013 02:01 PM

المواتير البوكسر بتكون السيلندرات فيها بيكونو فى وش بعض وعشان كده بيسموها بالاسم ده يعنى الملاكم كانهم بيلاكمو بعض وهما شغالين وميزتهم ان ليهم نقطة جاذبية منخفضة والاهتزازات بتاعتهم اقل ما يمكن

**ahmedelaraby** · 26-06-2013 03:45 PM

شكرا يا باشا على الرد والتوضيح

**i_Am_Legend** · 13-07-2013 12:42 AM

مواتير البوكسر..ميزتها كمان انك كل ماتجرى بالعربية...كل ماتثبت اكتر...بسبب القوة الطردية..وهي مواتير سهلة الصيانة...وغير معقدة...كفاية انك تطلع الموتور في نص ساعة..من غير ماتفك عفشة ولا فتيس ..ولا مساعدين ولا اي حاجة :)