الموضوع: بدائل قطع الغيار للسيارة جريت وول "بيري"

وانا كمان عايز اشترى جريت وول بيرى جديده بس مشعارف لو باظت هصلحها فين وقطع غيارها متوفره ولا لا والعربيه عموما كويسه ولا لا ؟

المشاركة الأصلية كتبت بواسطة mohamed samaha

وانا كمان عايز اشترى جريت وول بيرى جديده بس مشعارف لو باظت هصلحها فين وقطع غيارها متوفره ولا لا والعربيه عموما كويسه ولا لا ؟

هي فعلا جديدة مش موجود منها على ما يبدو لانى حفيت وراها وما لاقيتش الا موديل 2009 وما شاء الله عاملة حوالى 27 الف كيلو .. يعني كسر الزيرو.

يابا موضوع قطع الغيار دا احنا شعب مصر اصيل، والفكاكة أصولها، السوق متوفر فيه تقريبا معظم قطع غيارها عند شركات العربيات الصيني فى التوفيقية قاصد كريم والشركة الصينية وعوف وخلافه.

بصراحة العربية تحفة .. ثابتة جامدة فى السحب، أداءها فوق الممتاز فراملها كويسة جدا لسه ما جربتش تكييفها، والجميل انك وانت ماشى مش هتلاقى فى طريقك منها عربيتين.

فى الركنة سهلة طحن ، وفى الغرز ما اقولكش .. هي 1300 سى سى ياريت يعملوا منها 1600 .. بنزينها 92 معدلها استهلاكها داخل المدينة الزحمة يعني (أقل من 10 لتر لكل 100 كيلومتر) ..

انا بصراحة لو هبيع عربيتي هبيعها لبنت لأن العربية ما اتصنعتش إلا للأيادي الناعمة.

لو عايز تفاصيل تانية دا رقمي 01015760111