شكراً منصور شيفروليه "فرع الهرم"

الموضوع يا جماعة إن كان عندى مشكلة التزييق فى طارة الدريكسيون فى سيارتى الأوبترا 2007 و ده تقريبا بعد صيانة الـ5000 (دلوقتى أنا عامل 18500) و هى عبارة عن تزييقة خفيفة جدا فى الدركسيون لما تلفه يمين و شمال فى مكان هادى و إنت قافل الزجاج و كنت أعتقد إنه مش مؤثر على سلاسة الباور و لو راجعتوا المواضيع الخاصة بهذه المشكلة بوصف الدكتور محمود صلاح و أخونا المهندس هشام عثمان هتلاقوا وصف دقيق لها و لكن من شهر ركبت عربية عمى (أوبترا 2008) لقيت الباور بتاعها خفيف بشكل ملحوظ عن سيارتى فعقدت العزم أن أذهب بها لتوكيل منصور بالهرم لأن الناس بتشكر فيه -على فكرة أنا من إسكندرية - و كمان لأنى عرضت المشكلة عليهم عندنا فى فرع العامرية فى صيانة ال15000 فقعدوا يقولوا أصل الصوت خفيف و مش باين قوى و مش مؤثر على حاجة و إنت لسه فى الضمان و كلام من ده .. شغل إسكندرانى
المهم يوم الثلاثاء الماضى كنت مسافر القاهرة لحضور دورة فى شركة THree brothers فاتصلت قبلها و حجزت و كنت هناك الساعة 11 ظهرا أخذت دورى و سلمت العربية لمهندس الصيانة (م/شِريف) و قلتله على المشكلة فقعد يسمع الصوت و قفل الزجاج و قعد يسمع تانى فقلتله إيه شايف إيه فهز رأسه و لم ينبث ببنت شفه !!!
دخلت العربية الصالة فى حدود الساعة 11:30 وقولت أطلع الإستراحة أشرب كوباية شاى رحت نايمو أنا قاعد فى التكييف اللذيذ حتى الظهر ، قمت صليت و قلت أشوف وصلنا لإيه ، لقيت العربية واقفة مكانها لم تتحرك .. قلت كده تبقى طالبة حته إسكنرانى ، قعدت أدور على المهندش شريف لقيته بعد عناء فى مكتب مدير الصيانة الموجود بالصالة قمت داخل رغم إعتراض فرد الأمن و كانت الساعة دخلت فى 2:00 ظهرا و قلتله إيه الموضوع يا هندسة إنتوا مش ناويين تشتغلوا فيها و لا إيه لقيته رد بهدووووء شديد و قالى و الله أنا داخل للمدير علشان عربيتك.... بإذن الله هنبتدى نشيك عليها قولتله تمام ربنا يقويكم و ما هى إلا ربع ساعة حتى فوجئت بالفنى المختص أخد العربية وو ضعها على الونش وتركها و انصرف ..و بعد 5 دقائق لقيته راجع و شايل معاه كارتونة السكاترا الجديدة فدخلتله و ظبطه و بدأ يشتغل فيها و الصراحة ولد 10 على 10 خلص الموضوع فى حوالى 45 دقيقة و غير طبعا زيت الباور و دخل العربية لتظبيط الزوايا
و أنا طبعا بدورى دخلت للمهندس شريف و لمدير الصيانة و شكرتهم و الحقيقة يا جماعة فعلا منصور من أحسن التوكيلات فى مصر و يستاهل الشكر و التقدير و الثقة و الظاهر كده إن إحنا فعلا فى "إيــــد أمينــــــــــــــــــــة "
يا رب ما أكون زهقتكوا

اقتباس:

---

المشاركة الأصلية كتبت بواسطة أبو عمار

فدخلتله و ظبطه و بدأ يشتغل فيها و الصراحة ولد 10 على 10 خلص الموضوع فى حوالى 45 دقيقة و غير طبعا زيت الباور و دخل العربية لتظبيط الزوايا

---

الحمد لله على انتهاء المشكلة على خير
وربنا يبارك لك في عربيتك
بس لفت نظري الجزء المقتبس
هو توكيل شيفروليه فيه "تظبيط" ؟

ربنا يكرمك يا أخى و بالنسبة لموضوع التظبيط فشهادة لله الناس محترمة جدا و الميكانيكى ما كانش عاوز ياخد حاجة و قاللى الشغل هيتعمل و الله و هتاخد حقك بس أنا كنت حابب أديله و أصريت ربنا يبارك فيهم

م/شريف من احسن الناس الى هناك

ممكن العنوان بالظبط يا ابو عمار ؟؟؟

العنوان بالضبط : ك 4.5 الهرم على الطريق الصحراوى بعد فندق الواحة مباشرة

هو غير السكاترا و لا علبة الدركسيون بالكامل
لأن اللى أعرفه أن العلبه بتتغير زى ما حصل معايا 3 مرات لغاية دلوقتى !!!
هيه الظاهر مشكلة علبة الدركسيون دى حاجه عامه للأسف فى الأوبترا و لو مش منصور ناس محترمه ما كانوش غيروه خصوصا أن صوت التزييق خفيف بس فعلا الدركسيون بيبقى تقيل و أنت مش حاسس لأنك أتعودت عليه.

الف شكر يا ابو عمار ...

دلوقي انا جربت الموضوع بتاعك ده عندي (الف الدركسيون والعربيه واقفه)
مره و الفتيس علي p مكنش بيطلع صوت عالي ..ومره علي d4 كان بيطلع صوت تزييق عالي جدا خصوصا عند لف الدركسيون يمين
اعتقد كده انا محتاج زياره لمنصور في صيانه ال10000 ان شاء الله .

وكمان عندي حاجه تانيه مش عارف عندكم في الأوبترا برده ولا دي مشكله عندي ..
لما تقف بالعربيه خالص وانت دايس علي الفرامل طبعا وتجيب p وتيجي تشيل رجلك من علي الفرامل تسمع صوت تزييقه عاليه او صوت ترييحه معدنيه في العجل ادام
(بشك في الطنابير) ...هل ده طبيعي في العربيه ولا مشكله عندي ؟

صوت التزييق ده طبيعى يا تايسون و ده صوت إحتكاك تيل الفرامل مع الطنبور عند الضغط الخفيف على الفرامل و ليس له علاقة بالصوت اللى فى علبة الدريكسيون و الصوت ده أنا سمعته فى سيارة أخى (أوبل أسترا) و الغريب إنه مش موجود خالص فى سيارات مثل النيسان و اللانسر مش عارف إيه السبب
اللى يعرف يا إخواننا يشارك لتعم الفائدة

لو انت رافع الهاند بريك و حلوت تلف الدريكسيون لازم هتسمع صوت تزيق دة ملوش دعوة بغلبة الدريكسيون دة من احتكاك التيل بالطنابير

اقتباس:

---

المشاركة الأصلية كتبت بواسطة أبو عمار

الموضوع يا جماعة إن كان عندى مشكلة التزييق فى طارة الدريكسيون فى سيارتى الأوبترا 2007 و ده تقريبا بعد صيانة الـ5000 (دلوقتى أنا عامل 18500) و هى عبارة عن تزييقة خفيفة جدا فى الدركسيون لما تلفه يمين و شمال فى مكان هادى و إنت قافل الزجاج و كنت أعتقد إنه مش مؤثر على سلاسة الباور و لو راجعتوا المواضيع الخاصة بهذه المشكلة بوصف الدكتور محمود صلاح و أخونا المهندس هشام عثمان هتلاقوا وصف دقيق لها و لكن من شهر ركبت عربية عمى (أوبترا 2008) لقيت الباور بتاعها خفيف بشكل ملحوظ عن سيارتى فعقدت العزم أن أذهب بها لتوكيل منصور بالهرم لأن الناس بتشكر فيه -على فكرة أنا من إسكندرية - و كمان لأنى عرضت المشكلة عليهم عندنا فى فرع العامرية فى صيانة ال15000 فقعدوا يقولوا أصل الصوت خفيف و مش باين قوى و مش مؤثر على حاجة و إنت لسه فى الضمان و كلام من ده .. شغل إسكندرانى
المهم يوم الثلاثاء الماضى كنت مسافر القاهرة لحضور دورة فى شركة THree brothers فاتصلت قبلها و حجزت و كنت هناك الساعة 11 ظهرا أخذت دورى و سلمت العربية لمهندس الصيانة (م/شِريف) و قلتله على المشكلة فقعد يسمع الصوت و قفل الزجاج و قعد يسمع تانى فقلتله إيه شايف إيه فهز رأسه و لم ينبث ببنت شفه !!! دخلت العربية الصالة فى حدود الساعة 11:30 وقولت أطلع الإستراحة أشرب كوباية شاى رحت نايمو أنا قاعد فى التكييف اللذيذ حتى الظهر ، قمت صليت و قلت أشوف وصلنا لإيه ، لقيت العربية واقفة مكانها لم تتحرك .. قلت كده تبقى طالبة حته إسكنرانى ، قعدت أدور على المهندش شريف لقيته بعد عناء فى مكتب مدير الصيانة الموجود بالصالة قمت داخل رغم إعتراض فرد الأمن و كانت الساعة دخلت فى 2:00 ظهرا و قلتله إيه الموضوع يا هندسة إنتوا مش ناويين تشتغلوا فيها و لا إيه لقيته رد بهدووووء شديد و قالى و الله أنا داخل للمدير علشان عربيتك.... بإذن الله هنبتدى نشيك عليها قولتله تمام ربنا يقويكم و ما هى إلا ربع ساعة حتى فوجئت بالفنى المختص أخد العربية وو ضعها على الونش وتركها و انصرف ..و بعد 5 دقائق لقيته راجع و شايل معاه كارتونة السكاترا الجديدة فدخلتله و ظبطه و بدأ يشتغل فيها و الصراحة ولد 10 على 10 خلص الموضوع فى حوالى 45 دقيقة و غير طبعا زيت الباور و دخل العربية لتظبيط الزوايا
و أنا طبعا بدورى دخلت للمهندس شريف و لمدير الصيانة و شكرتهم و الحقيقة يا جماعة فعلا منصور من أحسن التوكيلات فى مصر و يستاهل الشكر و التقدير و الثقة و الظاهر كده إن إحنا فعلا فى "إيــــد أمينــــــــــــــــــــة "
يا رب ما أكون زهقتكوا

---

انا عارف هوا عمل كدا لية

يا تري ليه ؟

لان المشكلة دة منتشرة اوى و يمكن كل العربيات الافيوا و الابترا فيها المشكلة بس هما بيستنوا الناس قوية الملاحظة الى زينا علشان كدا لما حد بيكتشفها بكونوا عرفين العيب اة

أ.شـــــــــــــــادى .................أهنأك
طبعا أنت عندك حق لأن مش أى حد يسمع صوت التزييقه الخفيف فى الدريكسيون و كمان مش كل الناس تتوقع أنه علبة دركسيون .
يعنى اتا بنفسى فهمت واحد كان رايح علشان المساعدين كانت بايظه و أكتشفت أنه عنده نفس مشكلة العلبه و غيرها برضه.
و لو تلاحظوا أنهم بيتديقوا جدا لو لقوا أتنين من العملاء بيتكلموا معاهم عن مشكله واحده.

اقتباس:

---

المشاركة الأصلية كتبت بواسطة osman hisham

أ.شـــــــــــــــادى .................أهنأك
طبعا أنت عندك حق لأن مش أى حد يسمع صوت التزييقه الخفيف فى الدريكسيون و كمان مش كل الناس تتوقع أنه علبة دركسيون .
يعنى اتا بنفسى فهمت واحد كان رايح علشان المساعدين كانت بايظه و أكتشفت أنه عنده نفس مشكلة العلبه و غيرها برضه.
و لو تلاحظوا أنهم بيتديقوا جدا لو لقوا أتنين من العملاء بيتكلموا معاهم عن مشكله واحده.

---

شكرا بس عاوز اقولك انى قبل ما اروح اى صيانة بفكك العربية حتة حتة و اعرف اى مشكلة فيها و على فكرة انا اتاكد انها علبة الدريكسيون لانى فكيت الطارة و و زيت كل اجزاء الدريكسيون و نزلت تحت العربية و سمعت الصوت طالع من علبة الدريكسيون لازم الحق اغير كل حاجة بيظة فى الضمان هنعمل اة عربيات زيروا كلها عيوب ربنا معانا:diablo1:

طب نعمل أيه بعد الضمان ...................
يا شادى العلبه تمنها 4000 بالتركيب .
أنت عربيتك موديل أيه ؟ انا موديل 2006 و باقى 6 أشهر على الضمان .

انا عربيتى موديل 2008
عموما معظم الناس الى غيروا علبة الدركسيون مشتكوش من حاجة و بدل حضرتك غيرتها خلاص و على كلمهم ان العلبة الجديدة الى ركبنها معدلة و مافيهاش مشكلة قدامك كتير و عموما حاول تستفيد بالضمان لو فى اى مشكلة حاول تحلها قبل الضمان مايخلص
و قبل الضمان ما يخلص تاكد من المساعدين و الجلب الخلفية

سؤال يا شباب لو سمحتهم لان عندي صيانه الساعه بعد 5 ساعات فعايز اعرف الأجابه قبل كده ..عنوان فرع الهرم ده يتراح له من عند المقطم ازاي والطريق الصحراوي ده المقصود بيه اسكندريه الصحراوي ولا ايه؟
ك 4.5 الهرم على الطريق الصحراوى بعد فندق الواحة مباشرة

Guys, if you want to thank Engineer Sherif

or anyone at Mansour service centers....then please dial 16424 and tell them that you are were treated nice by Mr. X and so on so the Engineer or the person can be notified about their good work!

يا جماعة انا بشكر الناس الى بتشكر فيا انا المهندس شريف من منصور الهرم ودية اول مرة ادخل على الموقع دة وانا تحت امر اى حد يملك سيارة من منتجات جنرال موتورز واكون سعيد جدا بحل المشكلة ودة الميل والموبيل
Sherif Hussein Aly

Reception Engineer

AL-MANSOUR AUTOMOTIVE CO.

AFTER SALES DEPARTMENT

Tel.: (+202) 383 872 49

Fax: (+202) 383 873 04

Cellular: +2 010 006 80 10

E-mail: sherif_aly@almansour.com.eg

اقتباس:

---

المشاركة الأصلية كتبت بواسطة sherif_hti

يا جماعة انا بشكر الناس الى بتشكر فيا انا المهندس شريف من منصور الهرم ودية اول مرة ادخل على الموقع دة وانا تحت امر اى حد يملك سيارة من منتجات جنرال موتورز واكون سعيد جدا بحل المشكلة ودة الميل والموبيل
Sherif Hussein Aly

Reception Engineer

AL-MANSOUR AUTOMOTIVE CO.

AFTER SALES DEPARTMENT

Tel.: (+202) 383 872 49

Fax: (+202) 383 873 04

Cellular: +2 010 006 80 10

E-mail: sherif_aly@almansour.com.eg

---

اهلا وسهلا بيك يا باشمهندس شريف احنا يشرفنا جدا انك تكون معانا في المنتدي لانك من الناس المحترمين للغايه في تعاملك واهتمامك بالعميل وحل مشاكله بجديه وضمير لان الحقيقه ده اصبح شئ نادر ولذلك حضرتك تميزت عندنا بسهوله والف شكر علي اتاحه نمر تليفوناتك وميلك جزاك الله كل خير
احنا فعلا سعداء جدا بوجودك وده يرفع من قدر توكيل منصور عندنا اكتر
واللي يسعدنا اكتر ويطمن الناس هو مشاركتك معانا في المواضيع قدر المستطاع لو كان في الأمكان :thumbsup:

كتب Tayson : "اهلا وسهلا بيك يا باشمهندس شريف احنا يشرفنا جدا انك تكون معانا في المنتدي لانك من الناس المحترمين للغايه في تعاملك واهتمامك بالعميل وحل مشاكله بجديه وضمير لان الحقيقه ده اصبح شئ نادر ولذلك حضرتك تميزت عندنا بسهوله والف شكر علي اتاحه نمر تليفوناتك وميلك جزاك الله كل خير
احنا فعلا سعداء جدا بوجودك وده يرفع من قدر توكيل منصور عندنا اكتر
واللي يسعدنا اكتر ويطمن الناس هو مشاركتك معانا في المواضيع قدر المستطاع لو كان في الأمكان"

+1000000000000000000000000

منورنا و الله و بإذن الله تثرى منتدانا الجميل و خصوصا منتدى الشيفروليه

والله البشمهندس شريف ده راجل 10 علي 10 انا برضه عمل معايا الواجب واكتر بجد شكرا

شكرا على انضمامك ياباشمهندس واهلا بيك مع اخوانك فى المنتدى ويارب نشوف كل المصريين زيك كدة


على فكرة انا جبت اوبتر 2009 من عند سمير الريان كاش مش قسط وعندى كام سؤال
1. ما ادانيش ولا كتالوج ولا دفتر ضمان وقالى خدهم من التوكيل فى ال 5000 طيب انهى توكيل مش عارف؟
2. العربيه عايز اعرف استهلاك البنزين بتاعها ايه نظامه علشان عندى بتستهلك بنزين جامد جدا مش عاارف ليه
3. الصوت بتاع علبه الدركسيون دة عندى اصلا من اول ما جبت العربيه
4. طلمبه البنزين صوتها عالى جدا

ارجو الرد

[quote=namer90;498610]شكرا على انضمامك ياباشمهندس واهلا بيك مع اخوانك فى المنتدى ويارب نشوف كل المصريين زيك كدة


على فكرة انا جبت اوبتر 2009 من عند سمير الريان كاش مش قسط وعندى كام سؤال
1. ما ادانيش ولا كتالوج ولا دفتر ضمان وقالى خدهم من التوكيل فى ال 5000 طيب انهى توكيل مش عارف؟
2. العربيه عايز اعرف استهلاك البنزين بتاعها ايه نظامه علشان عندى بتستهلك بنزين جامد جدا مش عاارف ليه
3. الصوت بتاع علبه الدركسيون دة عندى اصلا من اول ما جبت العربيه
4. طلمبه البنزين صوتها عالى جدا

ارجو الرد[/quote
الكتالوج ودفتر الضمان من المهندسين سور نادى الزمالك اما بالنسبة للبنزين العربية بتعمل حوالى 6.5 فى 100كيلو متر عند سعة 80الى 90 اااما بالنسبة لصوت طلمبة البنزين لازم اسمعة علشان اعرف فى عيب ولا لا وارجو ان اى استفسار يكون فى العنوان بتاعى الى هو الشكر علشان يكون الرد اسرع وشكرا شريف