المتاجرة في السيارات

**الجهيني** · 07-06-2013 04:10 PM

السلام عليك رحمة الله وبركاته
اريد نصائح طيبه من الاخوه الكرام في مجال تجارة السيارت فانا املك بعض من المال واحب مثل هذه التجارة وهي اني اشتري مثلا سيارة مستعملة و اقوم باعاة بيعها طبعا بعد التاكد من خلوها من العيوب واصلاح ما يلزم حتي تكون تجارة حلال
المشكلة هي اني احاول ان اعلم من اين نقطة الانظلاق لمثل هذا المجال الشيق
فقد قمت بالنزول الي سوق السيارات اتفرج علي عمليات البيع والشراء و اشكال وتكوينات السيارات من الداخل و الخارج و الفرق بين الفبريكه و غيرها
لاكن واجهت بعض الصعوبات هي اني اواجه كل هذا لوحدي بالاكتشاف فقط و طبعا ده شئ فيه نسبه من الاستحاله
فتوجهت اليكم فورا بالسؤال لمن لديه خبرة في هذا الموضوع
و لكم جزيل الشكر

**mem** · 07-06-2013 05:29 PM

اولا لازم يكون عندك خبره بمكونات السياره
والاجزاء الرئيسيه والهامه والتى من الممكن ان تعيب اى سياره
وهذه الاجزاء اذا وجدت فمن الافضل البعد عن هذه السياره
فمثلا لو هناك مشكله بالشاسيه فمن الافضل البعد عن السياره
وايضا ورق السياره من الحاجات الهامه جدا وخصوصا هذه الايام والتاكد من ان الورق سليم
وهناك اجزاء ثانويه لا تعيب السياره فمن السهل عملها ولا تؤثر على سعر العربيه اوى
ولكن وجودها يعطى طابع مختلف للسياره وايضا فى السعر مثل نظافه العربيه والكسوه للفرش والكاسيت الى اخره
ثانيا ويجب ان تكون لديك معرفه بعدد من الصنايعيه المحترفيين ميكانيكى & كهربائى & سمكرى الى اخره
من اجل الاهتمام بالسياره وايضا
من اجل سعر الاصلاح يكون مختلف عن الشخص العادى
وملم بمحلات قطع الغيار التى تشترى القطع الاصليه والغير مقلده
وثالثا والاهم ان يكون عندك قدر وافر من الصبر

وتحت امرك فى اى سؤال

**الجهيني** · 07-06-2013 08:51 PM

المشاركة الأصلية كتبت بواسطة mem

اولا لازم يكون عندك خبره بمكونات السياره
والاجزاء الرئيسيه والهامه والتى من الممكن ان تعيب اى سياره
وهذه الاجزاء اذا وجدت فمن الافضل البعد عن هذه السياره
فمثلا لو هناك مشكله بالشاسيه فمن الافضل البعد عن السياره
وايضا ورق السياره من الحاجات الهامه جدا وخصوصا هذه الايام والتاكد من ان الورق سليم
وهناك اجزاء ثانويه لا تعيب السياره فمن السهل عملها ولا تؤثر على سعر العربيه اوى
ولكن وجودها يعطى طابع مختلف للسياره وايضا فى السعر مثل نظافه العربيه والكسوه للفرش والكاسيت الى اخره
ثانيا ويجب ان تكون لديك معرفه بعدد من الصنايعيه المحترفيين ميكانيكى & كهربائى & سمكرى الى اخره
من اجل الاهتمام بالسياره وايضا
من اجل سعر الاصلاح يكون مختلف عن الشخص العادى
وملم بمحلات قطع الغيار التى تشترى القطع الاصليه والغير مقلده
وثالثا والاهم ان يكون عندك قدر وافر من الصبر

وتحت امرك فى اى سؤال

اسئل الله الا يحرمك من علمه ابدا ويعيده عليك بخير الدنيا والاخرة
شكرا لتجاوبك وردك السريع و محاولتك مساعدتي
اذا كان علي الاسئله فاكيد كتير جدا و لاكن حتي لا اطيل عليك انا محتاج اعرف جدا و متهيئلي انها ديه اصعب حاجه في العربية وهي اني اميز بين حالة المصنع (( الفبريكه )) و بين ان العربية معمول فيها شغل سمكرة او اصلاحات تعيب العربية و خاصتا اساسيات اللعربية و الحوض و الشنطه وهكذا ... فهل تعرف حاجه عنهم او روابط بتتكلم عن المواضيع ديه
والف الف شكر لمجهودك معايا

**mem** · 08-06-2013 02:47 PM

المشاركة الأصلية كتبت بواسطة الجهيني

اسئل الله الا يحرمك من علمه ابدا ويعيده عليك بخير الدنيا والاخرة
شكرا لتجاوبك وردك السريع و محاولتك مساعدتي
اذا كان علي الاسئله فاكيد كتير جدا و لاكن حتي لا اطيل عليك انا محتاج اعرف جدا و متهيئلي انها ديه اصعب حاجه في العربية وهي اني اميز بين حالة المصنع (( الفبريكه )) و بين ان العربية معمول فيها شغل سمكرة او اصلاحات تعيب العربية و خاصتا اساسيات اللعربية و الحوض و الشنطه وهكذا ... فهل تعرف حاجه عنهم او روابط بتتكلم عن المواضيع ديه
والف الف شكر لمجهودك معايا

انا تحت امرك فى اى سؤال ولا شكر على واجب كلنا هنا اخوات
واللى بيعرف معلومه اكيد مش بيبخل بيها على اخوه
واشكرك على هذه الدعوه وجزاك الله خيرا
وبالنسبه لسؤال حضرتك
انت اولا مع الممارسه بتعرف كل عربيه الفبريكه بتبقى ايه مشتملاتها وشكلها ازاى
ولكن الطريقه اللى تعرف بيها سهله بردك بص حضرتك
لو مثلا انت نازل تدور على عربيه اوبترا عايز تعرف اذا كانت فبريكه ولا لا
اولا
تدخل على النت وتشوف صور للعربيه من الخارج والداخل وتركز فى تفاصلها
وبعدين لو ليك حد معاه نفس الموديل تبص عليها وتحاول تحفظ شكلها ولو ما فيش
وهتنزل السوق اتفرج على كذا عربيه نفس الموديل انت من نفسك هتلاقى فروقات
هتلاقى حاجات موجوده فى عربيه مش موجوده فى التانيه وتقدر تفرق من الشكل اذا كان لاعب فى حاجه فى العربيه او معدل حاجه او لا
لانك عرفت الشكل العام للعربيه فبالتالى اى تغيير انت هتلاحظه من الشكل العام ومره ورا مره هتقدر يكون عندك خلفيه بعربيات كتيير وعندك داتا كبيره بكل عربيه
وايه كمالياتها وايه اللى بيميزها عن عربيه تانيه بس لازم تتفرج على عربيات كتيير لتاخد خبره
من كل عربيه تتفرج عليها وكل ما هتتفرج كل ما هتلاحظ حاجات ما كنتش بالك تبدا تاخد بالك منها بعد كده فى العربيه اللى بعدها
وتنزل معارض تشوف الموديلات الحديثه للعربيات وبكده بتعرف العربيه الشكل العام ليها واساسيتها شكلها ازاى
وعن طريق المعارف والاصدقاء اللى انت عارف انهم بيحافظوا على سيارتهم تبص عليها وهكذا
واى سؤال انا معاك وتحت امرك

**mem** · 08-06-2013 03:00 PM

وحضرتك اقرا الموضوع ده هتستفاد منه كتيير

http://www.nilemotors.net/Nile/20244-a.html

**الجهيني** · 08-06-2013 07:11 PM

المشاركة الأصلية كتبت بواسطة mem

انا تحت امرك فى اى سؤال ولا شكر على واجب كلنا هنا اخوات
واللى بيعرف معلومه اكيد مش بيبخل بيها على اخوه
واشكرك على هذه الدعوه وجزاك الله خيرا
وبالنسبه لسؤال حضرتك
انت اولا مع الممارسه بتعرف كل عربيه الفبريكه بتبقى ايه مشتملاتها وشكلها ازاى
ولكن الطريقه اللى تعرف بيها سهله بردك بص حضرتك
لو مثلا انت نازل تدور على عربيه اوبترا عايز تعرف اذا كانت فبريكه ولا لا
اولا
تدخل على النت وتشوف صور للعربيه من الخارج والداخل وتركز فى تفاصلها
وبعدين لو ليك حد معاه نفس الموديل تبص عليها وتحاول تحفظ شكلها ولو ما فيش
وهتنزل السوق اتفرج على كذا عربيه نفس الموديل انت من نفسك هتلاقى فروقات
هتلاقى حاجات موجوده فى عربيه مش موجوده فى التانيه وتقدر تفرق من الشكل اذا كان لاعب فى حاجه فى العربيه او معدل حاجه او لا
لانك عرفت الشكل العام للعربيه فبالتالى اى تغيير انت هتلاحظه من الشكل العام ومره ورا مره هتقدر يكون عندك خلفيه بعربيات كتيير وعندك داتا كبيره بكل عربيه
وايه كمالياتها وايه اللى بيميزها عن عربيه تانيه بس لازم تتفرج على عربيات كتيير لتاخد خبره
من كل عربيه تتفرج عليها وكل ما هتتفرج كل ما هتلاحظ حاجات ما كنتش بالك تبدا تاخد بالك منها بعد كده فى العربيه اللى بعدها
وتنزل معارض تشوف الموديلات الحديثه للعربيات وبكده بتعرف العربيه الشكل العام ليها واساسيتها شكلها ازاى
وعن طريق المعارف والاصدقاء اللى انت عارف انهم بيحافظوا على سيارتهم تبص عليها وهكذا
واى سؤال انا معاك وتحت امرك

الله ينور عليك طريقك
بجد انا بستفيد جدا من كلامك وبالفعل بداءت اطبقه بالترتيب وبدات اعرف اكتر عن ميكانيكا السيارات اولا و كل جزء في العربية الغريبه اني كنت فاكر اني اعرف حاجات كتير من كتر الوقوف مع الصنايعية و لاكن العكس صحيح كانت مجرد قشور من المعرفه
جازاك الله خير

**الجهيني** · 08-06-2013 07:13 PM

المشاركة الأصلية كتبت بواسطة mem

وحضرتك اقرا الموضوع ده هتستفاد منه كتيير

http://www.nilemotors.net/Nile/20244-a.html

مجهود رائع

**world_of_kill** · 09-06-2013 04:55 AM

تبص علي القوايم و تفك شريطه و تشوف بيبان من زنب القايم اللي قدام سواء مغيره سقف او نص لو سليم بعد كدا بتبص علي المزانق في الحوض اللي جنب البطيخ لان غالبا اللي بيعمل حادثه جامده لازم الحوض حيخزن وبتشوف لو في تخزين في مزانق لان لو عمل التخزين حيضر يحط معجون و يرش و دا برضه بتشوفه في معجون و لا لا
و دا بيتعرف بالخبط علي الحته اللي تشك فيها لو لقيت الخبط مكتوم يبقي تبدا تشك و تبص من قريب تشوف في معجون ولا لا
لان الخبط علي الصاج بيرن
و بعد كدا تبص علي الشنب لو و فيه نفس الحكايه ولا لآ
و تبص علي القايم اللي في النص من ناحيه جوا الجزء اللي بيبقي في الباب لو فيه رش او معجون و تبص علي ضهر الباب الوراني من الباب القدماني لو متعفر دوكو او غيره
وتبص علي البطيخ اللي في الحوض سواء ورا او قدام و من ورا بتبص علي الشنطه تحت الفرش لو في تخزين او معجون في مكان اللي بيتحط فيه الاستبن
لو قالك العربيه فبريكه بالكامل و انت اتأكد انها من جوا مفيش حاجه بتبص بعد كدا علي العربيه و تحسس علي الصاج في الحتت السليمه و تخبص بي طرف صباعك و تسمع الصوت و انت تعرف فيه معجون في اي جزء ولا لآ
بعد كدا بتتأكد من الورق بتاع العربيه بعد اما تتأكد من العربيه طبعا ما بتجبش عربيات من السوق اساسا بتنزل تلف علي السماسره في كل منطقه و تديهم رقمك وتتفرج و تشوف و تفاصل

طبعا لو حتشتغل في عربيات سعرها تحت ال 50 مش مشكله لو راشه بره
لكن لو حتشتغل في عربيات فوق ال 70 يبقي تبقي فبريكه بالكامل

طبعا بتشتغل في الانواع اللي تبباع علي طول حتي لو مكسبها قليل زي الهيوانداي فيرنا - ماتركس - النترا و طبعا متسوبيشي لانسر بومه و سيراتو و الانواع المشهوره كلها

طبعا تبيع حتي لو المكسب قليل مع اول زبون جاد عشان ان العربيه كل اما تقعد اكتر عشان تكسب 500 او 1000 زياده ممكن تكون في الوقت دا جبت عربيه تانيه و بعتها و كسبت اكتر
و برده حتسمع كلام جميل من الزباين الجميله اللي بتيجي و العربيه تكون فبريكه و هوه يقولك دي مغيره و نصين و المكنه مفوته و الكلام الاهبل دا قولو ما ببعتش او ترزعه كلمتين او اقولو خلاص متشتريش

بس دا كل اللي اقد اقولك عليه ربنا يوفقك بس خد خبره الاول متشتغلش غير بعد اما تبقي تفهم تعمل كل دا

**الجهيني** · 10-06-2013 12:39 PM

المشاركة الأصلية كتبت بواسطة world_of_kill

تبص علي القوايم و تفك شريطه و تشوف بيبان من زنب القايم اللي قدام سواء مغيره سقف او نص لو سليم بعد كدا بتبص علي المزانق في الحوض اللي جنب البطيخ لان غالبا اللي بيعمل حادثه جامده لازم الحوض حيخزن وبتشوف لو في تخزين في مزانق لان لو عمل التخزين حيضر يحط معجون و يرش و دا برضه بتشوفه في معجون و لا لا
و دا بيتعرف بالخبط علي الحته اللي تشك فيها لو لقيت الخبط مكتوم يبقي تبدا تشك و تبص من قريب تشوف في معجون ولا لا
لان الخبط علي الصاج بيرن
و بعد كدا تبص علي الشنب لو و فيه نفس الحكايه ولا لآ
و تبص علي القايم اللي في النص من ناحيه جوا الجزء اللي بيبقي في الباب لو فيه رش او معجون و تبص علي ضهر الباب الوراني من الباب القدماني لو متعفر دوكو او غيره
وتبص علي البطيخ اللي في الحوض سواء ورا او قدام و من ورا بتبص علي الشنطه تحت الفرش لو في تخزين او معجون في مكان اللي بيتحط فيه الاستبن
لو قالك العربيه فبريكه بالكامل و انت اتأكد انها من جوا مفيش حاجه بتبص بعد كدا علي العربيه و تحسس علي الصاج في الحتت السليمه و تخبص بي طرف صباعك و تسمع الصوت و انت تعرف فيه معجون في اي جزء ولا لآ
بعد كدا بتتأكد من الورق بتاع العربيه بعد اما تتأكد من العربيه طبعا ما بتجبش عربيات من السوق اساسا بتنزل تلف علي السماسره في كل منطقه و تديهم رقمك وتتفرج و تشوف و تفاصل

طبعا لو حتشتغل في عربيات سعرها تحت ال 50 مش مشكله لو راشه بره
لكن لو حتشتغل في عربيات فوق ال 70 يبقي تبقي فبريكه بالكامل

طبعا بتشتغل في الانواع اللي تبباع علي طول حتي لو مكسبها قليل زي الهيوانداي فيرنا - ماتركس - النترا و طبعا متسوبيشي لانسر بومه و سيراتو و الانواع المشهوره كلها

طبعا تبيع حتي لو المكسب قليل مع اول زبون جاد عشان ان العربيه كل اما تقعد اكتر عشان تكسب 500 او 1000 زياده ممكن تكون في الوقت دا جبت عربيه تانيه و بعتها و كسبت اكتر
و برده حتسمع كلام جميل من الزباين الجميله اللي بتيجي و العربيه تكون فبريكه و هوه يقولك دي مغيره و نصين و المكنه مفوته و الكلام الاهبل دا قولو ما ببعتش او ترزعه كلمتين او اقولو خلاص متشتريش

بس دا كل اللي اقد اقولك عليه ربنا يوفقك بس خد خبره الاول متشتغلش غير بعد اما تبقي تفهم تعمل كل دا

الله ينور عليك ياجامد
بجد انت اضفت اضافه مستحيل الاقيها من ناس كتير في الزمن ده ولله انا نفسي اخدم كل اللي بيتعاونوا معايا بالشكل الجميل ده
الف الف شكر ياغالي