-
حاجه عجيبه !!!
هوا ليه معظم الناس ال بتبيع عربيات هنا فاكره اعضاء المنتدي هنود :guitarplay1:؟
تلاقي واحد كاتب كسر زيرو و العربيه ماشيه 60 الف !!!!
وناس عارضه العربيه باعلي من سعرها 20-30 الف و يقولك دي زيرو
زيرو تزيد 4-5 مش 20-30
و المهم ان نفس الشخص ال بيبالغ في سعر عربيتو دا لما حد يعترض علي السعر بتاعو يضايق و يقولك دا سعري و انا حر
و بعد شويه تاقيه هوا هوا نفس الشخص داخل يعترض علي سعر واحد تاني عامل زيو بالضبط او يمكن مزود في السعر اقل شويه :eee:
ولو محدش رد عليه تلاقيه زعلان كاتب هيا العربيه مش عاجباكو ولا ايه يا جماعه !!
-
اه والله عندك حق السوق على النت غير الواقع خالص ناس عايشه فى عالم تانى
-
مش هنا بس ده على معظم مواقع البيع و الشراء
مثال : واحد للبيع رينو لوجان فرنساوى
باللهم عليكم اللوجان فرنساوى برده
دى يا اما رومانى او مغربى
-
كل كلامك صح
اسواء حاجة ف مصر هي العربيات بسبب الحكومة والجمارك والقوانين العقيمة والغبية واللي مفيش اي حد عايز يعمل حاجة عشان يغريها
الانترا ف السعودية مش بتعدي 25 30 الف عندنا بيتكلموا 85 وانت طالع
عربيات السعودية قطر الامارات الكويت ليبيا و و و و ببلاش بالنسبة لمصر
كان الله ف عونا
-
للأسف الواحد كان متخيل لما ييجى يشترى عربية من المنتدى هيلاقى ناس فاهمه سعر العربية الحقيقى مش بتضرب فى السما لكن كله طلع سراب و اتضح ان الناس اللى برا فاهمه فى السعر اكتر بكتير من المنتدى
-
قليل اوى اللى بقى عنده ضمير انزل السوق و شوف السرقة عينى عينك
-
المسأله مرتبطه بثقافة وسلوكيات المجتمع المصرى
معظم المصريين تسيطر عليهم فكرة الفهلوه وانتهاز الفرصه وطبعا وجدوا النت ملعب مناسب لأفكارهم لأنهم يعتقدوا ان كل اللى على النت هنود زى ما حضرتك ذكرت ماعدا هو طبعا اذكى اخواته
-
السبب في دا كله هم تجار السيارات
لان الواحد فينا لو حب يغير عربيته ويجيب احدث
بينزل يبص على الاحدث يلاقيه نار
ويسال على عربيته ويعرف سعرها من التجار ويقوم مزود كمان عنهم
-
بص انا متابع اعلانات البيع من فترة سنة وزيادة والحمد لله كانت سبب فى شرا العربية اللى معايا "ألفا روميو"
المهم بالنسبة للاسعار ومصداقية الاعلان تلاقيها بجد من الناس القديمة فى المنتدى وغالبا بيبقوا معروفين فى اقسامهم وهما دول اللى بيجيبوا وصف تفصيلى لحالة العربية و سعر على قد الحالة بجد وكمان بيبقى فيه تعامل وردود كويسة منهم
اما بقى بالنسبة للاعضاء اللى بتسجل جديد لغرض الاعلان فقط على المنتدى استغلالا لشهرة المنتدى و تعداد الزيارات عليه دوا 90 % منهم تجار وبيضرب اسعار وهمية وبيكدب فى وصف الحالة الحقيقية للعربية
وللاسف مفيش رقابة عليهم :(
-
كلامكم صح بس الواحد عادي لازم يكبر دماغه و لما يلاقي اعلان فيه الهبل ده ما يردش خالص عشان الموضوع يتقفل و الأخ صاحب الموضوع ما يعملش مواضيع جديدة و يسيبنا احنا و المنتدى في حالنا
Content Relevant URLs by
vBSEO 3.6.0 PL2